ញាក់របស់គេមែន! អារ៉ាប៊ីសាអូឌីត គ្រោងជះលុយរាប់លានដុល្លារសង់អគារ ប្រវែង១២០គីឡូម៉ែត្រ

អារ៉ាប៊ីសាអូឌីត៖ ប្រទេសអារ៉ាប៊ីសាអូឌីត បានបង្ហាញពីផែនការសម្រាប់អគារ ដែលធ្វើពីកញ្ចក់ឆ្លុះនិងលាតសន្ធឹងលើវាលខ្សាច់ Neom ខណៈវាលខ្សាច់មានទំហំប៉ុនរដ្ឋ Massachusetts របស់អាមេរិក និងអគារនឹងឈរខ្ពស់ជាងអគារ Empire State ទៅទៀត។

ជាក់ស្ដែង អគារដ៏វែងនេះ មានឈ្មោះហៅថា Mirror Line ដែលព្រះអង្គម្ចាស់អារ៉ាប៊ីសាអូឌីតMohammed bin Salman បានប្រកាសកាលពីខែមករាឆ្នាំ២០២១កន្លងទៅ។ ហើយទ្រង់ធ្វើដូច្នេះ បន្ទាប់ពីទ្រង់មានបន្ទូលថា ចង់ឲ្យប្រទេសរបស់ទ្រង់មានគម្រោងសាងសង់ជាផ្ទះដ៏ល្បីនិងមិនចេះចប់ដូចពីរ៉ាមីតនៃប្រទេសអេហ្ស៊ីប។

តួយ៉ាង អគារនឹងមានកម្ពស់១,៦០០ហ្វីត (ប្រមាណ៤៨៧ម៉ែត្រ) ចំនួនពីរ ដែលរត់ស្របគ្នាទៅវិញទៅមកឆ្លងកាត់ប្រវែង៧៥ម៉ាយ៍ (ប្រមាណ១២០គីឡូម៉ែត្រ) នៃវាលខ្សាច់ ឆ្នេរសមុទ្រនិងទេសភាពភ្នំដ៏ស្រស់ត្រកាល។ ហើយព្រះអង្គចង់ឲ្យអគារនេះសាងសង់រួចរាល់ក្នុងឆ្នាំ២០៣០ បើទោះបីជាវិស្វករបាននិយាយថា វាអាចចំណាយពេល៥០ឆ្នាំក្នុងការសាងសង់ក៏ដោយ។

យ៉ាងណាមិញ អគារនេះ នឹងមានតម្លៃ១ពាន់លានដុល្លារអាមេរិកឯណោះ និងអាចផ្ទុកមនុស្សបានចំនួនរហូតដល់៥លាននាក់។ហើយមនុស្សអាចធ្វើដំណើរពីដើមអគារ ទៅចុងអគារក្នុងរយៈពេល២០នាទីប៉ុណ្ណោះ៕

ប្រភព: Daily Mail

សូមទស្សនារូបភាពគំរូខាងក្រោម៖