<p><b>កូឡុំប៊ី៖</b> មហាជនអ្នកលេងបណ្ដាញសង្គមជាច្រើនបានសម្ដែងការហួសចិត្ត និងអស់សំណើចយ៉ាងខ្លាំង ជុំវិញនឹងវីដេអូឃ្លីបមួយដែលត្រូវបានគេថតបង្ហោះចែកចាយនូវសកម្មភាព បុរសម្នាក់លួចលាក់មានស្នេហាថ្មីនិងប្រពន្ធរបស់គាត់តាមទាន់។</p><p>បើតាមប្រភពសារព័ត៌មានបានឲ្យដឹងថា វីដេអូឃ្លីបមួយនេះ ត្រូវបានថតឡើងនៅតំបន់មួយក្នុងប្រទេសកូឡុំប៊ី កាលពីថ្មីៗកន្លងទៅនេះ និងត្រូវបានគេយកទៅបង្ហោះចែកចាយលើបណ្ដាញសង្គមដោយទទួលបានការចាប់អារម្មណ៍យ៉ាងខ្លាំង។</p><p>ជាក់ស្ដែងតាមរយៈវីដេអូឃ្លីប បានបង្ហាញឲ្យឃើញថាស្ត្រីជាប្រពន្ធបានឈរគោះទ្វារនិងស្រែកហៅប្ដីជាច្រើនដង តែមិនមានការឆ្លើយតបឬបើកទ្វារឲ្យឡើយដែលធ្វើឲ្យនាងកាន់តែខឹងឡើងមួយកម្រិតទៀត តែមិនយូរប៉ុន្មានផង នាងក៏អាចបើកទ្វារចូលទៅខាងក្នុងបាន។បន្ទាប់ពីមានសភាពស្ងប់ស្ងាត់បន្ដិច បុរសជាប្ដីបាននាំដៃគូរបស់ខ្លួន ដែលជានារីកម្ពស់ក្រិនសំរូតខ្លួនចុះតាមរានហាលផ្ទះពីជាន់ទីមួយដោយបានបក់ដៃសុំជំនួយពីមនុស្សម្នា ដែលឈរផ្អើលមើលឲ្យជួយទ្រពីក្រោមផងដែរ។ ហើយទំបំផុតនារីក្រិនក៏បានចុះមកដោយសុវត្ថិភាព និងរត់ទៅយកក្រដាសឡាំងធំមួយ ក្របពីលើខ្លួនដើម្បីពួននិងដើរបន្ដិចម្ដងៗ។ ក្រោយមកទៀត ស្ត្រីជាប្រពន្ធបានដើរចេញពីក្នុងផ្ទះនិងស្រែកឡូឡាម្ដងទៀត ហើយលុះពេលក្រឡេកភ្នែកឃើញក្រដាសឡាំងក៏ចាប់អារម្មណ៍ ដែលរំពេចនោះនារីក្រិនបង្ហាញខ្លួននិងរត់ប្រាសអាយុតែម្ដង។</p><p>យ៉ាងណាមិញ ចុងក្រោយនៃរឿងរ៉ាវខាងលើទៅជាយ៉ាងណាគេមិនបានដឹងច្បាស់ឡើយ តែវីដេអូឃ្លីបទទួលបានអ្នកចុចចូលទស្សនាខ្ទង់លានដងឯណោះ។ ហើយទន្ទឹមនឹងនេះដែរមានមហាជនមួយចំនួន បានបញ្ចេញមតិដោយលើកឡើងថា វាមើលទៅហាក់បីដូចជាការរៀបចំសម្ដែងអីចឹង៕</p><p><b>ប្រភព:</b> <a target="_blank" href="https://www.the-sun.com/news/3640466/moment-man-lowers-lover-from-balcony-colombia/">The Sun</a>&nbsp;/ Twitter</p><p><b>សូមទស្សនារូបភាពនិងវីដេអូខាងក្រោម៖</b></p><figure style="text-align:center"><img src="https://cms.dmpcdn.com/article/2021/09/13/7a3aab80-144f-11ec-8db4-0b8b3a4ec79c_original.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2021/09/13/7a9611f0-144f-11ec-9ceb-4d000d014735_original.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2021/09/13/7ae73f30-144f-11ec-8db4-0b8b3a4ec79c_original.jpg" alt="រូបភាព" style="width:100%"/><figcaption>រូបភាព</figcaption></figure><div style="text-align:center"><div><blockquote class="twitter-tweet"><p lang="en" dir="ltr">Expect the unexpected 🥴🥴🥴🤣🤣🤣🤣🤣🤣🤣 <a href="https://twitter.com/hashtag/wednesdaythought?src=hash&amp;ref_src=twsrc%5Etfw">#wednesdaythought</a> <a href="https://t.co/lo8YtyUB4T">pic.twitter.com/lo8YtyUB4T</a></p>&mdash; Irish Shenanigans 🥴🤣🎃👻💀🎃👻💀 (@BanterNative) <a href="https://twitter.com/BanterNative/status/1435663324843237380?ref_src=twsrc%5Etfw">September 8, 2021</a></blockquote> <script async src="https://platform.twitter.com/widgets.js" charset="utf-8"></script></div><i>វីដេអូ</i></div>

បុរសកូឡុំប៊ីម្នាក់ ឲ្យដៃគូសំរូតចុះតាមរានហាលជាន់ទីមួយ នៅពេលប្រពន្ធមកទាន់ (មានវីដេអូ)