<p><b>ចិន៖</b> នារយៈពេលប៉ុន្មានថ្ងៃចុងក្រោយនេះ មានវីដេឃ្លីបខ្លីមួយទទួលបានការចាប់អារម្មណ៍ និងល្បីល្បាញជាខ្លាំងនៅលើបណ្ដាញសង្គមចិន ដោយបង្ហាញឲ្យឃើញពីសកម្មភាពរបស់សុនខមួយក្បាលជាប្រភេទពូជ <b>Husky</b> ដែលវាបានជួយដាំបាយឲ្យម្ចាស់នៅពេលម្ចាស់ចេញទៅខាងក្រៅផ្ទះ។</p><p>ជាក់ស្ដែង លោក <b>Zhou </b>អាយុ៣៩ឆ្នាំ និងមកពីខេត្ត<b> Zhejiang</b> នៃប្រទេសចិន ជាម្ចាស់របស់សុនខ បានឲ្យដឹងថាមុនពេលចាកចេញពីផ្ទះទៅទិញអីវ៉ាន់ខាងក្រៅគាត់បានដាក់អង្ករចូលទៅក្នុងឆ្នាំងរួចរាល់ហើយ​។ បន្ទាប់មកគាត់ត្រូវចំណាយពេលយូរដើម្បីឈរតម្រង់ជួរ រង់ចាំការធ្វើតេស្តរកជំងឺកូវីដ-១៩ទៀត ដូច្នេះការត្រឡប់ទៅផ្ទះវិញ អាចនឹងមានរយៈពេលយូរម៉ោងនិងយឺតម៉ោងកូនរបស់គាត់ទទួលទានអាហារថ្ងៃត្រង់ផងដែរ។ មិនបង្អង់យូរ គាត់បានឆែកមើលកាមេរ៉ាសុវត្ថិភាពតាមរយៈទូរសព្ទដៃនិងទំនាក់ទំនងជាមួយសុនខរបស់គាត់ផ្ទាល់តែម្ដង ដែលបញ្ជាឲ្យវាជួយចុចប៊ូតុង ដើម្បីដាំបាយ។</p><p>តួយ៉ាង គ្រាន់តែបានឮសំឡេងរបស់ម្ចាស់ភ្លាម សុនខបានស្ទុះងើបឡើង និងប្រើក្រញាំខាងមុខប៉ះទៅលើប៊ូតុងឆ្នាំងដាំបាយ តែក៏បានចុចខុស ខណៈម្ចាស់ប្រាប់ពីរ ទៅបីដង រហូតដល់វាចុចត្រូវប៊ូតុងដាំបាយ។</p><p>យ៉ាងណាមិញ លោក <b>Zhou </b>បានឲ្យដឹងដែរថា សុនខមួយក្បាលនេះ គាត់ធ្លាប់បង្ហាត់បង្រៀនឲ្យចេះបើកភ្លើងបំភ្លឺក្នុងផ្ទះនិងកាច់ទឹកបង្គន់ជាដើម តែគាត់មិនដែលសាកល្បងបង្ហាត់បង្រៀនពីការចុចប៊ូតុងឆ្នាំងដាំបាយពីមុនឡើយ។ហើយវាហាក់ដូចជាចេះស្ដាប់ការបញ្ជារបស់គាត់យ៉ាងជំនាញផងដែរ៕</p><p><b>ប្រភព:</b> <a target="_blank" href="https://www.thehour.cn/news/522226.html">Mothership</a></p><p><b>សូមទស្សនារូបភាពនិងវីដេអូខាងក្រោម៖</b></p><figure style="text-align:center"><img src="https://cms.dmpcdn.com/article/2022/06/10/08476e80-e88b-11ec-a02d-53fb25d1ae1a_original.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/06/10/087eab20-e88b-11ec-a02d-53fb25d1ae1a_original.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/06/10/08af09f0-e88b-11ec-9f2b-43b7f8004c41_original.jpg" alt="រូបភាព" style="width:100%"/><figcaption>រូបភាព</figcaption></figure><div style="text-align:center"><div style="width:100%;position:relative;padding-bottom:56.2406015037594%;height:0px"><iframe style="position:absolute;top:0;left:0;width:100%;height:100%;max-height:unset" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" src="https://www.youtube.com/embed/23ZulMGzcQs"></iframe></div><i>វីដេអូ</i></div>

ចេះណាស់! ម្ចាស់អត់នៅផ្ទះ សុនខមួយក្បាលនេះ ជួយដាំបាយឲ្យហ្មង (មានវីដេអូ)