<p><b>ប្រេស៊ីល</b>៖ កាលពីពេលថ្មីៗនេះ មានរឿងរ៉ាវគួរឲ្យភ្ញាក់ផ្អើលមួយ ដោយសារបុរសវ័យជំទង់ជនជាតិប្រេស៊ីលម្នាក់ត្រូវបានប៉ូលិសចាប់ខ្លួនចំថ្ងៃខួបកំណើត ឈានចូលវ័យ១៨ឆ្នាំរបស់ខ្លួន។</p><p>យោងតាមប្រភពព័ត៌មានបរទេសមួយបានឲ្យដឹងថា យុវជនឈ្មោះ <b>PauloRodrigo das Neves</b> មកពីរដ្ឋ <b>RioGrande do Norte</b> នៃប្រទេសប្រេស៊ីល ត្រូវបានប៉ូលិសចាប់ខ្លួន បន្ទាប់ពីកាម៉េរាថតបានខណៈពេលរូបគេបានលួចយកឧបករណ៍បំពងសំឡេងនិងសម្ភារខ្លះទៀតពីរថយន្ដអ្នកដទៃ។ </p><p>តែទោះជាយ៉ាងណា ពិធីខួបកំណើតរបស់គេនៅតែត្រូវបានរៀបចំឡើងនៅឯប៉ុស្ដិ៍ប៉ូលិសដោយមន្ដ្រីប៉ូលិសនៅទីនោះបាននាំគ្នាជួយច្រៀងអបអរថា “រីករាយថ្ងៃកំណើត” ហើយថែមទាំងបានរៀបចំនំនិងភេសជ្ជៈសម្រាប់គេផងដែរ ប៉ុន្ដែផ្ទុយទៅវិញ ទឹកមុខរបស់ <b>Paulo </b>ហាក់ពុំសប្បាយចិត្ដសូម្បីតែបន្ដិច។ ជាមួយគ្នានេះ សកម្មភាពនៃពិធីខួបកំណើតយ៉ាងអាម៉ាសរបស់គេក៏ត្រូវបានថតទុកជាវីដេអូ និងបង្ហោះលើអ៊ីនធឺណេតថែមទៀត។</p><p>តែនៅទីបំផុត បន្ទាប់ពីវីដេអូនៃការប្រារព្ធពិធីខួបកំណើតដ៏ចម្លែកនេះត្រូវបានល្បីសុះសាយពាសពេញបណ្ដាសង្គមមក កងរាជអាវុធហត្ថប្រទេសប្រេស៊ីល បានចេញសេចក្តីថ្លែងការណ៍មួយដល់សាធារណជនថាខ្លួននឹងធ្វើការស៊ើបអង្កេត និងបានគំរាមចាត់វិធានការវិន័យដល់មន្ដ្រីប៉ូលីស ដែលបានរៀបចំ និងចូលរួមក្នុងពិធីនេះផងដែរ៕</p><p><b>សូមទស្សនារូបភាព និងវីដេអូខាងក្រោម៖</b></p><figure style="text-align:center"><img src="https://cms.dmpcdn.com/article/2021/06/15/c986fd10-cdaf-11eb-bf7b-89fdc1c7cf8a_original.jpg" alt="ពិធីខួបកំណើត" style="width:100%"/><figcaption>ពិធីខួបកំណើត</figcaption></figure><figure style="text-align:center"><img src="https://cms.dmpcdn.com/article/2021/06/15/c9cdca10-cdaf-11eb-952e-8703c29a4e8e_original.jpeg" alt="ពិធីខួបកំណើត" style="width:100%"/><figcaption>ពិធីខួបកំណើត</figcaption></figure><div style="text-align:center"><div style="width:100%;position:relative;padding-bottom:56.266666666666666%;height:0px"><iframe style="position:absolute;top:0;left:0;width:100%;height:100%;max-height:unset" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" width="750" height="422" src="https://www.youtube.com/embed/3zUsMenbQC8"></iframe></div><i>វីដេអូ</i></div><p>ប្រភព៖&nbsp;<a target="_blank" href="https://www.odditycentral.com/news/thief-arrested-on-his-18th-birthday-gets-surprise-party-from-police.html">odditycentral</a></p>

ស៊យម៉្លេះ! យុវជនម្នាក់នេះ ត្រូវប៉ូលិសវាយខ្នោះចំថ្ងៃខួបកំណើត ឈានចូលវ័យ១៨ឆ្នាំ ដោយសារតែ...(មានវីដេអូ)