អង់គ្លេស៖ ពូជត្មាតអេហ្ស៊ីបមួយក្បាលត្រូវបានគេប្រទះឃើញនៅចក្រភពអង់គ្លេសជាលើកដំបូង ដែលត្រូវបានគេជឿថាអស់រយៈពេលជាង១៥០ឆ្នាំមកហើយ។ដោយប្រទះឃើញជាលើកដំបូងក្នុងរយៈពេលជាងមួយសតវត្សរ៍ វាត្រូវបានគេគិតថា វាប្រហែលជាធ្វើដំណើរពីភាគខាងជើងប្រទេសបារាំង ទៅកោះ Isles of Scilly។ ក្រុមអ្នកជំនាញបាននិយាយថាប្រសិនបើការប្រទះឃើញសត្វព្រៃមួយនេះគឺជារឿងមួយដ៏កម្រ វាគួរតែជាការប្រទះឃើញជាលើកដំបូងចាប់តាំងពីឆ្នាំ១៨៦៨មក។ មានកំណត់ត្រាផ្លូវការចំនួនពីរនៃការប្រទះឃើញវាដែលមួយនៅក្នុងតំបន់ Somerset ក្នុងឆ្នាំ១៨២៥និងមួយទៀតក្នុងតំបន់ Essex ក្នុងឆ្នាំ១៨៦៨។ពូជត្មាតអេហ្ស៊ីបអាចត្រូវបានគេប្រទះឃើញនៅក្នុងផ្នែកខ្លះភាគខាងត្បូងប្រទេសអេស្ប៉ាញនិងភាគខាងជើងប្រទេសបារាំង។ លោកសាស្ត្រាចារ្យ Stuart Bearhopអ្នកបរិស្ថាននៅសាកលវិទ្យាល័យ University of Exeter បាននិយាយថា គាត់ជឿថាវាអាចជាបក្សីហោះហើរមកពីប្រទេសបារាំងនិងវង្វេងស្របពេលកំពុងផ្លាស់ទីលំនៅ។ បក្សីព្រៃនេះកំពុងថយចុះនៅទូទាំងពិភពលោកដែលធ្វើឲ្យការប្រទះឃើញវាគឺជារឿងមួយកាន់តែកម្រ៕<figure style="text-align:center"><img src="https://cms.dmpcdn.com/article/2021/06/16/0a7eea40-ce4f-11eb-928f-f9e361599f71_original.jpg" alt="ពូជត្មាតអេហ្ស៊ីប" style="width:100%"/><figcaption>ពូជត្មាតអេហ្ស៊ីប</figcaption></figure><figure style="text-align:center"><img src="https://cms.dmpcdn.com/article/2021/06/16/0ad23a60-ce4f-11eb-928f-f9e361599f71_original.jpg" alt="ពូជត្មាតអេហ្ស៊ីប" style="width:100%"/><figcaption>ពូជត្មាតអេហ្ស៊ីប</figcaption></figure><figure style="text-align:center"><img src="https://cms.dmpcdn.com/article/2021/06/16/0b0f6a70-ce4f-11eb-928f-f9e361599f71_original.jpg" alt="ពូជត្មាតអេហ្ស៊ីប" style="width:100%"/><figcaption>ពូជត្មាតអេហ្ស៊ីប</figcaption></figure>

ពូជត្មាតដ៏កម្រមួយត្រូវបានគេប្រទះឃើញឡើងវិញ ក្នុងរយៈពេលជាង១៥០ឆ្នាំ នៅអង់គ្លេស