ថៃ៖ គូស្នេហ៍វ័យចំណាស់មួយគូ មកពីខេត្ត Phetchabun ភាគខាងជើងនៃប្រទេសថៃ បានបង្កឲ្យមានការភ្ញាក់ផ្អើលនិងចាប់អារម្មណ៍ជាខ្លាំង នៅលើបណ្ដាញសង្គមនារយៈពេលប៉ុន្មានថ្ងៃចុងក្រោយនេះ ដោយពួកគាត់ទាំងពីរនាក់បានសម្រេចចិត្តរៀបការ និងរួមរស់ជាមួយគ្នា ក្រោយពីស្គាល់គ្នាបាន១០ថ្ងៃ។ជាក់ស្ដែង លោកតា Nian Mala សព្វថ្ងៃមានអាយុ៧២ និងបានជួបលោកយាយ Moot Jamkhamអាយុ៨៣ឆ្នាំ ជាលើកដំបូងនៅលើទំនប់ទឹក Pak Huay Dam ក្នុងខេត្ត Khon Kaen។ ហើយគាត់មិនបានជូនថ្លៃបណ្ដាការឬវត្ថុមានតម្លៃអ្វីទៅកាន់លោកយាយឡើយ ខណៈពិធីមង្គលការប្រារព្ធធ្វើឡើងយ៉ាងសាមញ្ញបំផុតនៅផ្ទះរបស់លោកយាយផ្ទាល់តែម្ដង។ តួយ៉ាង លោកតា ធ្លាប់មានប្រពន្ធពីមុនម្ដងរួចមកហើយ និងមានកូនចំនួន៣នាក់ផងដែរ។ ចំណែកលោកយាយវិញមិនធ្លាប់មានគ្រួសារ ឬរៀបការពីមុនទេ ពោលគឺក្រមុំចាស់។យ៉ាងណាមិញ ក្រោយពីពិធីរៀបការ ត្រូវបានបញ្ចប់ទៅ និងមានសាច់ញាតិចូលរួម លោកតាបានរើអីវ៉ាន់របស់ខ្លួនដើម្បីរួមរស់ជាមួយលោកយាយ ដោយមិនមានអ្វីជាប់ខ្លួនទេ ក្រៅពីម៉ូតូមួយគ្រឿង។ ហើយលោកតាបាននិយាយថាគាត់ពិតជាពេញចិត្ត ស្រលាញ់លោកយាយ១០០ភាគរយ និងថែមទាំងសន្យាថា នឹងមើលថែលោកយាយជារៀងរហូតផងដែរ៕ប្រភព: <a target="_blank" href="https://thethaiger.com/news/national/elderly-thai-couple-marry-after-knowing-each-other-for-10-days">Thethaiger</a>សូមទស្សនារូបភាពខាងក្រោម៖<figure style="text-align:center"><img src="https://cms.dmpcdn.com/article/2022/06/15/4a6a67c0-ec57-11ec-b060-afc0ea3c4910_original.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/06/15/4aa65f50-ec57-11ec-ac51-e37229bae32f_original.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/06/15/4addc300-ec57-11ec-a933-53ddd399712c_original.jpeg" alt="រូបភាព" style="width:100%"/><figcaption>រូបភាព</figcaption></figure>

ខ្ចិ.ល.មើលចិត្តគ្នាយូរ! គូស្នេហ៍វ័យចំណាស់ រៀបការជាមួយគ្នា ក្រោយស្គាល់គ្នាបាន១០ថ្ងៃ