កុំច្រឡំថាកន្លែងថតរឿងខ្មោចអីណា តាមពិតគឺជាហាងកាហ្វេសោះ ចូលមើលខាងក្នុងចង់ព្រឺរោម

ឡាវ៖ នៅពេលថ្មីៗនេះ រូបភាពហាងកាហ្វេនៅប្រទេសឡាវមួយកន្លែង ត្រូវបានអ្នកប្រើប្រាស់បណ្តាញសង្គមចែកចាយភ្លូកទឹកភ្លូកដី ដោយសារតែហាងកាហ្វេនោះ មានលក្ខណៈវ័យចំណាស់ និងគួរឲ្យខ្លាចខ្លាំង មិនខុសពីកន្លែងថតរឿងខ្មោចប៉ុន្មានឡើយ។

ដោយឡែក ទិដ្ឋភាពខាងក្រៅ និងខាងក្នុងហាងគឺមិនខុសគ្នាប៉ុន្មានទេ មើលទៅដូចជាកន្លែងបោះបង់ចោលអញ្ចឹង  ដោយសារតែសំណង់អាគារមានលក្ខណៈចាស់ខ្លាំង ពុកផុយ និងមានស្លែ និងវល្លិដុះតាមជញ្ជាំងទៀតផង បើមិនប្រាប់គឺប្រាកដជាមិននឹកស្មានថាជាកន្លែងហាងលក់កាហ្វេទាល់តែសោះ។

ទោះបីកន្លែងហាងកាហ្វេមួយកន្លែងនេះមើលទៅពិតជាគួរឲ្យខ្លាចបន្តិចមែន ប៉ុន្តែកន្លែងមួយនេះមានអ្នកគាំទ្រច្រើនគួរសមដែរ ដោយសារទិដ្ឋភាពទីតាំងហាងមួយនេះពិតជាសាកសមខ្លាំង សម្រាប់អ្នកចូលចិត្តភាពភ័យរន្ធត់ និងអ្នកដែលចូលចិត្តភាពស្ងប់ស្ងាត់ផងដែរ៕

ប្រភព៖ Mood Gallery 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមចូលទស្សនារូបភាពខាងក្រោម៖