<p><b>ចិន៖</b> បុរសម្នាក់អាយុ៣៩ឆ្នាំ មកពីខេត្តយូណាន នៃប្រទេសចិនបានបង្កឲ្យមានការចាប់អារម្មណ៍ជាខ្លាំង នៅលើបណ្ដាញអ៊ីនធើណេត ជាមួយនឹងគំនិតច្នៃប្រឌិតរបស់គាត់គឺគ្រែរំកិល ដែលអាចធ្វើដំណើរទៅណាមកណាក៏បានសម្រាប់អ្នកកំពូល.ខ្ចិ.ល ដោយមិនចាំបាច់ដើរ ឬប្រើប្រាស់មធ្យោបាយធ្វើដំណើរទូទៅ។</p><p>ជាក់ស្ដែង លោក <b>Zhu</b> ជាមនុស្សម្នាក់ដែលចូលចិត្តនិងជំនាញក្នុងការកែច្នៃរបស់ផ្សេងៗ ដែលប្លែក តែមានផលប្រយោជន៍ សម្រាប់ប្រើប្រាស់ប្រចាំថ្ងៃ។ហើយស្នាដៃចុងក្រោយបង្អស់របស់គាត់ គឺគ្រែមានកង់រំកិលចំនួន៤ដែលគាត់បានចំណាយអស់រយៈពេលមួយសប្ដាហ៍ ក្នុងការធ្វើឲ្យចេញជារូបរាង និងដំណើរការ។</p><p>តួយ៉ាង គ្រែរំកិល មានភាពអស្ចារ្យមែនទែន ដែលវាមានម៉ូទ័រសម្រាប់បញ្ជាទៅមុខទៅក្រោយឬបត់ឆ្វេងស្ដាំ ដោយអ្នកបញ្ជាគ្រាន់តែដេកស្ងៀមមួយកន្លែងប៉ុណ្ណោះ។ហើយគាត់បានបន្ថែមនូវតង់មួយផ្ទាំង ដែលអាចដំឡើងបាន ប្រសិនបើមានភ្ញៀវធ្លាក់ឬមេឃក្ដៅជាដើម។</p><p>ទោះជាយ៉ាងណាក៏ដោយ គាត់នឹងធ្វើឲ្យគ្រែរំកិល កាន់តែប្រសើរជាងនេះទៀតដើម្បីចៀសវាងពីការជាប់គាំង នាអំឡុងពេលធ្វើដំណើរលើផ្លូវ។ ហើយចំពោះមូលហេតុដែលគាត់បង្កើតវាឡើង គឺដោយសារតែកាលពីនៅក្មេង គាត់ជាមនុស្សម្នាក់ងើបពីដំណេកយឺត និងទៅសាលារៀនយឺតផងដែរ។ហើយគាត់តែងតែស្រមៃថា ខ្លួនគាត់ទៅសាលារៀន ដោយដាក់ខ្លួនលើគ្រែមិនដឹងល្អយ៉ាងណា។</p><p>យ៉ាងណាមិញ នៅពេលអាយុរបស់គាត់កាន់តែចាស់ គ្រែរំកិលនេះ នឹងអាចជួយឲ្យគាត់ទៅណាមកណាងាយស្រួលនិងជាពិសេស សម្រាកលំហែកាយនាពេលស្ទូចត្រីតែម្ដង៕</p><p><b>ប្រភព:</b> <a target="_blank" href="https://www.youtube.com/watch?v=2pgufgtBdaI">South China Morning Post</a></p><p><b>សូមទស្សនារូបភាពនិងវីដេអូខាងក្រោម៖</b></p><figure style="text-align:center"><img src="https://cms.dmpcdn.com/article/2022/07/21/ddb63330-0898-11ed-aa74-1527af289479_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/07/21/ded3b120-0898-11ed-a1e8-cb1523477f43_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/07/21/dfc9f800-0898-11ed-8c26-d31e88d82040_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/07/21/e0890240-0898-11ed-8c78-0100c93196de_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/07/21/e1084460-0898-11ed-8c26-d31e88d82040_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/07/21/e1b65eb0-0898-11ed-aa74-1527af289479_original.png" alt="រូបភាព" style="width:100%"/><figcaption>រូបភាព</figcaption></figure><div style="text-align:center"><div style="width:100%;position:relative;padding-bottom:56.282722513089%;height:0px"><iframe style="position:absolute;top:0;left:0;width:100%;height:100%;max-height:unset" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" src="https://www.youtube.com/embed/2pgufgtBdaI"></iframe></div><i>វីដេអូ</i></div>

អ្នកណា.ខ្ចិ.ល.ខ្លះ? មានគ្រែនេះមួយ ចង់ទៅណាក៏ស្រួល មិនចាំបាច់ងើបខ្លួន (មានវីដេអូ)