<p><b>ប៉ាគីស្ថាន៖</b> បុរសអាយុ២៨ឆ្នាំម្នាក់ មកពីប្រទេសប៉ាគីស្ថាន ត្រូវបានគេស្គាល់ថាជាតាហ្សង់ ឬមនុស្សព្រៃភ្នំ របស់ទីក្រុង <b>Karachi</b>បន្ទាប់ពីគាត់បានចំណាយពេល៨ឆ្នាំចុងក្រោយនៃជីវិតរបស់គាត់រស់នៅក្នុងផ្ទះ លើដើមឈើ។</p><p>ជាក់ស្ដែង ត្រឹមតែមួយយប់ប៉ុណ្ណោះ លោក <b>Farman Al</b>i បានក្លាយជាការចាប់អារម្មណ៍លើប្រព័ន្ធ​ផ្សព្វផ្សាយ​សង្គមបន្ទាប់ពីវីដេអូដែលបង្ហាញពីការរស់នៅដ៏ចម្លែករបស់គាត់ត្រូវបានគេយកទៅចែកចាយកាលពីសប្ដាហ៍មុន។ ចំពោះមូលហេតុដែលរស់នៅបែបនេះ គឺដំបូងឡើយ គាត់បានបាត់ឪពុកម្ដាយនិងដោយសារជីវភាពក្រីក្រពេក ក៏គ្មានលទ្ធភាពក្នុងការទិញផ្ទះ។ ហើយក្រោយមកគាត់ក៏សម្រេចចិត្តរស់នៅលើផ្លូវសាធារណៈមួយរយៈសិន ទើបនឹកឃើញការសាងសង់ផ្ទះឈើលើដើមឈើ ដោយយកក្រណាត់មកគ្របដើម្បីការពារពីខ្យល់ និងភ្លៀង ខណៈដំបូលប្រក់ឈើឬស្សី ដែលជាកន្លែងមិនមាននរណាម្នាក់រំខាន ឬបណ្ដេញគាត់ចេញបានទេ ព្រោះដើមឈើជាទ្រព្យសម្បត្តិរបស់សាធារណៈផងដែរ។</p><p>តួយ៉ាង សព្វថ្ងៃនេះ គាត់បានប្រកបអាជីពជាអ្នកលាងសម្អាតរថយន្ដបោសសម្អាតខាងក្រៅផ្ទះរបស់អ្នកដទៃ និងដើរទិញគ្រឿងទេសផ្សេងៗជំនួសអ្នកដទៃជាដើមដើម្បីបានប្រាក់ចិញ្ចឹមជីវិត។ ហើយភាគច្រើន គាត់បានប្រាក់បន្ដិចបន្ដួចប៉ុណ្ណោះ ជាមួយនឹងអាហាររួមទាំងទឹកត្រជាក់ៗ។</p><p>យ៉ាងណាមិញ គាត់ក៏ធ្លាប់បានសុំជំនួយពីសាច់ញាតិ និងអាជ្ញាធរ​ដែរតែមិនមាននរណាម្នាក់ខ្វល់ខ្វាយជាមួយគាត់ឡើយ ដូច្នេះហើយគាត់នឹងបន្ដក្ដីសង្ឃឹមជាមួយព្រះ​អាឡស់ប៉ុណ្ណោះ៕</p><p><b>ប្រភព:</b> <a target="_blank" href="https://www.odditycentral.com/news/tarzan-of-karachi-has-been-living-in-makeshift-treehouse-for-8-years.html">Odditycentral</a></p><p><b>សូមទស្សនារូបភាពននិងវីដេអូខាងក្រោម៖</b></p><figure style="text-align:center"><img src="https://cms.dmpcdn.com/article/2022/04/19/ecba9420-bf8c-11ec-8eff-316a49d6958a_original.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/04/19/ed238f20-bf8c-11ec-8eff-316a49d6958a_original.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/04/19/ee4c30a0-bf8c-11ec-b81b-adbbe095764c_original.jpeg" alt="រូបភាព" style="width:100%"/><figcaption>រូបភាព</figcaption></figure><div style="text-align:center"><div style="width:100%;position:relative;padding-bottom:56.26631853785901%;height:0px"><iframe style="position:absolute;top:0;left:0;width:100%;height:100%;max-height:unset" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" src="https://www.youtube.com/embed/4YG6D5L6gUM"></iframe></div><i>វីដេអូ</i></div>

តាហ្សង់ក្នុងជីវិតពិត រស់នៅលើដើមឈើ អស់រយៈពេល៨ឆ្នាំ (មានវីដេអូ)