ចិន៖ ស្ត្រីម្នាក់មានឈ្មោះថា Li Zhanying អាយុ៤៥ឆ្នាំមកពីខេត្ត Henan ប្រទេសចិនបានទទួលរងនូវជំងឺដ៏ចម្លែក និងកម្រម៉្យាង ដែលធ្វើឲ្យគាត់ដេកមិនលក់សោះឡើយហើយគាត់ក៏បានអះអាងដែរថា គាត់មិនបានដេកសូម្បីតែមួយនាទីក្នុងរយៈពេល៤០ឆ្នាំចុងក្រោយនេះ។ហើយពេលវេលាចុងក្រោយដែលគាត់បានដេក គឺនៅពេលគាត់មានអាយុប្រហែល៥ ឬ៦ឆ្នាំប៉ុណ្ណោះ។យោងតាមសម្ដីរបស់លោក Liu Suoqin&nbsp;ជាស្វាមីបានយល់ស្របចំពោះភាពត្រឹមត្រូវនៃការអះអាងរបស់ប្រពន្ធដោយលើកឡើងថា ចាប់តាំងពីរៀបការជាមួយគ្នារហូតមកទល់បច្ចុប្បន្នប្រពន្ធគាត់មិនដែលដេកលក់ទេ និងតែងតែធ្វើកិច្ចការក្នុងផ្ទះដើម្បីរំលងពេលវេលានៅពេលយប់។ ហើយមិនត្រឹមតែប៉ុណ្ណោះ ថែមទាំងធ្លាប់បានទិញថ្នាំងងុយដេកមកលេបដើម្បីឲ្យដេកលក់ស្រួល ប៉ុន្ដែវាគ្មានប្រសិទ្ធភាពអ្វីឡើយ។ទន្ទឹមនឹងនេះដែរ អ្នកភូមិបានព្យាយាមធ្វើតេស្តទៅលើអ្នកស្រី Li ដោយបបួលលេងបៀរខាងក្រៅផ្ទះនៅពេលយប់ដល់ភ្លឺរហូតដល់អ្នកខ្លះងងុយដេក ខណៈឯគាត់វិញនៅភ្ញាក់ខ្លួនធម្មតាដដែល។តួយ៉ាង អ្នកស្រី Li ក៏ធ្លាប់បានស្វែងរកជំនួយពីផ្នែកវេជ្ជសាស្ត្រដើម្បីដោះស្រាយពីស្ថានភាពរបស់គាត់ជាច្រើនដងដែរប៉ុន្ដែគ្រូពេទ្យមិនដែលរកឃើញអ្វីគួរឲ្យសង្ស័យឡើយ។ ហើយកាលពីថ្មីៗនេះគាត់បានទៅកាន់មជ្ឈមណ្ឌលវេជ្ជសាស្ត្រមួយកន្លែងនៅទីក្រុងប៉េកាំង ដែលអាថ៌កំបាំងនៃការដេកមិនលក់ជាច្រើនឆ្នាំរបស់នាងត្រូវបានរកឃើញតែម្ដង។ក្រុមវេជ្ជបណ្ឌិត បានប្រើឧបករណ៍ចាប់សញ្ញាកម្រិតខ្ពស់ដើម្បីតាមដានគាត់រយៈពេល៤៨ម៉ោងហើយចំពោះទិន្នន័យដែលប្រមូលបានក្នុងកំឡុងពេលត្រួតពិនិត្យរលកខួរក្បាល បានបង្ហាញថាគាត់មិនដេកលក់ស្រួល និងសមល្មមដូចមនុស្សធម្មតាទេ ដោយគាត់ដាក់ខ្លួនដេកលើគ្រែតែភ្នែកមិនបិទទេ ដែលជាស្ថានភាពស្រដៀងនឹងការដេក.មមើលអីចឹងហើយសរសៃប្រសាទនិងសរីរាង្គមួយចំនួនរបស់គាត់នឹងនៅតែសកម្មក្នុងពេលគាត់ដេក។យ៉ាងណាមិញ បើទោះបីជាវេជ្ជបណ្ឌិតបានចោទថា អ្នកស្រី Li ចាញ់បោកខួរក្បាលក៏ដោយក៏គាត់នៅតែជឿជាក់ថា ខ្លួនគាត់ផ្ទាល់មិនដេកអស់រយៈពេល៤០ឆ្នាំដដែល៕ប្រភព: <a target="_blank" href="https://www.odditycentral.com/news/chinese-woman-claims-she-hasnt-slept-in-40-years.html">Odditycentral</a>&nbsp;/&nbsp;<a target="_blank" href="https://remonews.com/vietnameng/the-woman-who-claimed-not-to-sleep-for-more-than-40-years-the-doctor-came-in-and-made-an-unexpected-diagnosis/">remonews</a>សូមទស្សនារូបភាពខាងក្រោម៖<figure style="text-align:center"><img src="https://cms.dmpcdn.com/article/2021/09/05/bf11bb20-0dfd-11ec-8a7d-2f5aa18f4e02_original.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2021/09/05/bf7007c0-0dfd-11ec-8a7d-2f5aa18f4e02_original.png" alt="រូបភាព" style="width:100%"/><figcaption>រូបភាព</figcaption></figure>

ស្ត្រីចិនរូបនេះអះអាងថា គាត់មិនដេកអស់រយៈពេល៤០ឆ្នាំហើយ ដល់ថ្នាក់អ្នកភូមិតេស្តបបួលវ៉ៃបៀរដាច់យប់