<p><b>កូឡុំប៊ី៖</b> នារយៈពេលប៉ុន្មានថ្ងៃចុងក្រោយនេះ មានវីដេអូឃ្លីបខ្លីមួយត្រូវបានថតឡើងដោយសកម្មជនសិទ្ធិមនុស្ស គឺលោក<b> DavidGuerrero</b> និងយកទៅបង្ហោះចែកចាយលើបណ្ដាញសង្គមហ្វេសប៊ុកដោយទទួលបានការចាប់អារម្មណ៍ និងរំជួលចិត្តជាខ្លាំងពីសំណាក់មហាជនដែលបង្ហាញឲ្យឃើញពីបុរសជាជនអនាថាម្នាក់បានធ្វើពិធីខួបកំណើតឲ្យសុនខរបស់ខ្លួនយ៉ាងសង្វេគ។</p><p>ជាក់ស្ដែងតាមរយៈវីដេអូឃ្លីប យើងអាចមើលឃើញថា បុរសអនាថា បានពាក់នូវមួកខួបកំណើតចំនួនពីរ ទៅឲ្យសុនខរបស់គាត់ទាំងពីរក្បាលខណៈកំពុងអង្គុយលើជណ្ដើរនៅទីសាធារណៈ ក្នុងទីក្រុង<b> Bucaramanga</b>នៃប្រទេសកូឡុំប៊ី។បន្ទាប់មក គាត់បានបើកប្រអប់នំខេកតូចមួយ និងអុជទៀនហើយច្រៀងបទចម្រៀងខួបកំណើតទៅកាន់សុនខយ៉ាងមានភាពរីករាយ។ ហើយចុងក្រោយ គាត់បានផ្លុំទៀននិងចាប់ថើបសុនខទាំងពីរក្បាល មុនពេលកាត់នំខេកឲ្យពួកវាស៊ី។</p><p>បន្ថែមពីនេះទៀត យើងអាចសង្កេតឃើញថា បុរសអនាថាហាក់ដូចជាសម្រក់ទឹកភ្នែក និងព្យាយាមទប់ ហើយបានឱបសុនខម្ដងមួយក្បាលៗ ដែលពោរពេញដោយក្ដីស្រលាញ់ផងដែរ។</p><p>យ៉ាងណាមិញ ក្រោយពីវីដេអូខាងលើទទួលបានភាពល្បីល្បាញ និងមានអ្នកចុចចូលទស្សនាជិត<b>២</b>សែនដងរួចមក បុរសជាសកម្មជនសិទ្ធមនុស្សបានទំនាក់ទំនងទៅបុរសអនាថា និងជួយស្វែងរកការងារឲ្យធ្វើរួមទាំងរកកន្លែងស្នាក់នៅឲ្យ ជាមួយសុនខទាំងពីរក្បាលផងដែរ។ ហើយបុរសអនាថាបានប្រាប់អ្នកយកព័ត៌មានថា គាត់ចាត់ទុកសុនខទាំងពីរក្បាលដូចជាសមាជិកគ្រួសារអីចឹង៕</p><p><b>ប្រភព:</b> <a target="_blank" href="https://worldofbuzz.com/watch-a-loving-homeless-man-goes-viral-after-celebrating-his-dogs-birthday-with-cake-party-hat/">Worldofbuzz</a></p><p><b>សូមទស្សនារូបភាពនិងវីដេអូខាងក្រោម៖</b></p><figure style="text-align:center"><img src="https://cms.dmpcdn.com/article/2022/01/13/f240aba0-7446-11ec-8066-ffb72c13e721_original.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://s9.kh1.co/db/db0bb57896b66d52768dc1b072138d182cb08755.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2022/01/13/f88d5f30-7446-11ec-b576-afbb0a1303ef_original.jpg" alt="រូបភាព" style="width:100%"/><figcaption>រូបភាព</figcaption></figure><div style="text-align:center"><div style="width:100%;position:relative;padding-bottom:56.25%;height:0px"><iframe style="position:absolute;top:0;left:0;width:100%;height:100%;max-height:unset" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" src="https://www.youtube.com/embed/R8m2gpeoH5Y"></iframe></div><i>វីដេអូ</i></div>

រំជួលចិត្ត! ទោះក្រប៉ុនណា ក៏បុរសគ្មានផ្ទះសម្បែងរូបនេះ ទិញនំខេកធ្វើខួបឲ្យសុនខរបស់ខ្លួន (មានវីដេអូ)