<p><b>មិកស៊ិក</b>៖ ជនជាតិម៉ិកស៊ិកបានចែករំលែកវីដេអូនៃពន្លឺពណ៌ខៀវដ៏ចម្លែក ដែលត្រូវបានគេមើលឃើញពាសពេញផ្ទៃមេឃ ខណៈពេលដែលការរញ្ជួយដីដ៏ខ្លាំងបានវាយប្រហារ មកលើទីក្រុង Acapulco កាលពីថ្ងៃពុធ។ គ្រោះរញ្ជួយដីកម្រិត៧.០រ៉ិចទ័របានសម្លាប់មនុស្សយ៉ាងហោចណាស់មួយនាក់ ហើយអាគារជាច្រើនត្រូវបានខូចខាត និងផ្ទាំងថ្មបានរអិលធ្លាក់ បាំងលើផ្លូវហាយវ៉េដ៏ធំមួយ។</p><p> ការរញ្ជួយដីនេះអាចទទួលអារម្មណ៍ទៅដល់ទីក្រុងម៉ិកស៊ិកដែលមានចម្ងាយប្រហែល៣២១គីឡូម៉ែត្រ ហើយមានរយៈពេលជិតមួយនាទី។ ប្រជាជនក្នុងតំបន់បានរត់គេចខ្លួន នៅតាមដងផ្លូវ ខណៈអាគារបានយោលរង្គើ ផ្លូវដើរញ័រដូចទឹករលក និងពន្លឺភ្លើងពណ៌ខៀវបានលេចឡើងនៅលើផ្ទៃមេឃ។</p><p> រូបវិទូ Troy Shinbrot មកពីសាកលវិទ្យាល័យ Rutgers University បាននិយាយថា កុំបារម្ភអី ភ្លើងពណ៌ខៀវនេះមិនមែនជាសញ្ញាបង្ហាញថាពិភពលោកនឹងឈានដល់ទីបញ្ចប់នោះទេ។ លោក Shinbrot និយាយថា៖ «ប្រសិនបើវាកើតឡើងមែន នោះថ្ងៃអវសានរបស់ពិភពលោកគួរតែកើតមានរាប់ពាន់ឆ្នាំមុនមកម្ល៉េះ នៅពេលដែលបាតុភូតនេះត្រូវបានគេរកឃើញដំបូង។»</p><p> លោក Shinbrot បានបន្ថែមទៀតថា បាតុភូតនេះត្រូវបានគេហៅថាពន្លឺគ្រោះរញ្ជួយដី ដែលត្រូវបានគេកត់ត្រាជាប្រវត្តិសាស្ត្រ និងកើតឡើងជារឿយៗ។ អ្នកវិទ្យាសាស្ត្រខ្លះជឿថា ការរញ្ជួយនៃពន្លឺគឺកើតឡើងដោយសារការកកិតនៃថ្មនៅជិតសម្បកផែនដី ដែលបញ្ចេញថាមពលទៅក្នុងបរិយាកាស។ ផ្លេកបន្ទោរត្រូវបានកើតឡើង នៅជិតផ្ទៃផែនដី៕</p><figure style="text-align:center"><img src="https://cms.dmpcdn.com/article/2021/09/10/adec3d10-11eb-11ec-8566-73ea326b82bc_original.png" alt="រូបភាព" style="width:100%"/><figcaption>រូបភាព</figcaption></figure><div style="text-align:center"><div style="width:100%;position:relative;padding-bottom:54.97835497835498%;height:0px"><iframe style="position:absolute;top:0;left:0;width:100%;height:100%;max-height:unset" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" width="693" height="381" src="https://www.youtube.com/embed/ndhLCm-ZvyQ"></iframe></div><i>វីដេអូ</i></div>

អ្នកជំនាញចេញបកស្រាយ ពីបាតុភូតពន្លឺរន្ទះពណ៌ខៀវដ៏ចម្លែក រត់ឆ្វាចពេញផ្ទៃមេឃ ចំពេលមានគ្រោះរញ្ជួយដី នៅមិកស៊ិកូ