ដូចពិតៗ! ភូមិគំរូ បញ្ចប់ការបង្កើតឡើងដោយជោគជ័យ ក្នុងរយៈពេល៦៣ឆ្នាំ

អង់គ្លេស៖ ទេសភាពស្រមើស្រមៃដ៏ស្រស់ត្រកាលក្នុងភូមិ ដែលរួមបញ្ចូលនូវស្ថានីយរថភ្លើង ផ្ទះ ហាងទំនិញ និងទន្លេហូរកាត់ ត្រូវបានបញ្ចប់ដោយជោគជ័យ កាលពីថ្មីៗនេះ បន្ទាប់ពីចំណាយពេលនៃការបង្កើតឡើង៦៣ឆ្នាំ។

ជាក់ស្ដែង វិស្វករចូលនិវត្តន៍ គឺលោក Philip Harvey អាយុ៨៣ឆ្នាំ និងមកពីប្រទេសអង់គ្លេសបានចាប់ផ្ដើមបង្កើតវាឡើងតាំងពីឆ្នាំ១៩៥៩ម៉្លេះ។ ហើយវាមានប្រវែងប្រមាណ៨.២ម៉ែត្រកោង ដែលដាក់នៅក្នុងបន្ទប់បន្ទប់៤.២ម៉ែត្រគុណនឹង៣ម៉ែត្រផ្ទាល់តែម្ដង។ ចំពោះការបំផុសគំនិតវិញ គាត់បានចងចាំអំពីទិដ្ឋភាពផ្លូវដែកបូករួមទាំងបរិយាកាសក្នុងភូមិ នាអំឡុងពេលធ្វើដំណើរទៅកាន់សាលារៀនដែលគាត់ធ្លាប់រស់នៅតាំងពីតូចៗ។

យ៉ាងណាមិញ ស្នាដៃរបស់គាត់ បានបង្កឲ្យមានការភ្ញាក់ផ្អើលជាខ្លាំង បើទោះបីជាចំណាយពេលបញ្ចប់យូរក៏ដោយតែភូមិគំរូទាំងមូល មានភាពលម្អិតជាខ្លាំង ដែលមើលទៅដូចជាភូមិពិតៗអីចឹងខណៈមានបន្ថែមនូវតួអង្គអ្នកភូមិមួយចំនួន កំពុងធ្វើសកម្មភាពផ្សេងៗផងដែរ៕

ប្រភព: Daily Mail

សូមទស្សនារូបភាពខាងក្រោម៖