ទិដ្ឋភាពគំរូ នៃអគារ៤២ជាន់នៅកាណាដា មានបន្ទប់លយចេញមកក្រៅដូចហ្គេម

កាណាដា៖ សំណង់អគារមួយកន្លែង មានកម្ពស់៤២ជាន់ និងឈ្មោះហៅថា “Fifteen Fifteen”កំពុងដំណើរការសាងសង់នៅតំបន់ Coal Harbor ក្នុងទីក្រុង Vancouverនៃប្រទេសកាណាដា។

ជាក់ស្ដែងប៉មនៃអគារនេះ មានលក្ខណៈយ៉ាងពិសេស ដោយសារតែវាមានអាផាតមិនស្ទូឌីយោបែបបន្ទប់មួយបន្ទប់ពីរ និងបន្ទប់បី ដែលមានទំហំចាប់ពី១០១ម៉ែត្រការ៉េ ដល់ជាង២៧៩ម៉ែត្រការ៉េ។ហើយមានបន្ទប់ខ្លះ លយចេញមកក្រៅជាប្រអប់កញ្ចក់ ដូចនឹងហ្គេមផ្គុំបំណែកដែលអ្នករស់នៅអាចគយគន់ពីទេសភាពឆ្នេរសមុទ្រ និងទីក្រុងបានយ៉ាងស្រស់ស្រាយផងដែរ។

បន្ថែមពីនេះទៀត វានឹងមានបន្ទប់សម្រាប់បរិភោគអាហារឯកជននិងបារ៍រាំកម្សាន្ត ក្នុងអគារ ដែលអ្នករស់នៅអាចធ្វើការកក់ទុកនូវកន្លែងបានដើម្បីរៀបចំពិធីជប់លៀងផ្សេងៗ។ ហើយអ្វីដែលមិនអាចរំលងបាន គឺក្លិបហាត់ប្រាណនិងបន្ទប់ហាត់យូហ្គា ដោយបន្ទប់មានផាសុកភាព និងឧបករណ៍ទំនើបយ៉ាងច្រើន។

យ៉ាងណាមិញ ជាមួយនឹងឆ្នាំ២០២៦ត្រូវបានព្យាករណ៍ថាជាឆ្នាំដែលអគារបើកដំណើរការ ខណៈលំនៅឋានក្នុងបរិវេណបានបើកការលក់បណ្ដើរៗហើយដោយតម្លៃសម្រាប់អាផាតមិនស្ទូឌីយោចាប់ផ្ដើមពី តម្លៃប្រមាណ៧១២,៥០០ដុល្លារអាមេរិក។ ចំណែកអផាមិនស្ទូឌីយោបន្ទប់ពីរ និងបន្ទប់បីមានតម្លៃចាប់ពី១,៦៣៣,៤០០ដុល្លារអាមេរិកឯណោះ៕

ប្រភព: Daily Mail

សូមទស្សនារូបភាពខាងក្រោម៖