ដកថយ! ទាហានរឹងមាំក្លាហាន តែពេលឃើញកូនសត្វមួយក្បាលនេះ ស្រាប់តែនាំគ្នាស្រែកទាំងខ្លាច រត់ព្រាត (មានវីដេអូ)

អាមេរិក៖ មហាជនអ្នកប្រើប្រាស់បណ្ដាញសង្គមជាច្រើនបានសម្ដែងការហួសចិត្តនិងអស់សំណើចជុំវិញវីដេអូឃ្លីបខ្លីមួយដែលបង្ហោះចែកចាយនូវសកម្មភាពទាហានអាមេរិកចំនួនពីរនាក់បានភ័យខ្លាច នៅពេលកូនសត្វ Raccoon មួយក្បាលរត់តាមពីក្រោយ។

តាមប្រភពព័ត៌មានបានឲ្យដឹងថា វីដេអូឃ្លីបនេះត្រូវបានថតឡើងកាលពីថ្មីៗនេះ ហើយយកទៅបង្ហោះចែកចាយដោយទទួលបានការចាប់អារម្មណ៍យ៉ាងខ្លាំងផងដែរ។

ជាក់ស្ដែងតាមរយៈ​វីដេអូឃ្លីបបង្ហាញឲ្យឃើញថា មានទាហានចំនួនពីរនាក់ បានស្ថិតនៅក្នុងរថក្រោះចតចោលសុខៗមួយគ្រឿងក៏ស្រាប់តែស្រែកចាច និងនាំគ្នារត់ចេញពីរថក្រោះបណ្ដើរ ស្រែកបន្ដបណ្ដើរ ខណៈពេលកូនសត្វRaccoon កំពុងរត់តាមពីក្រោយទាំងដែលតាមមើលទៅ កូនសត្វនោះ ហាក់ភ័យ និងរកផ្លូវរត់ចេញពីរថក្រោះប៉ុណ្ណោះ។

យ៉ាងណាមិញ ជុំវិញវីដេអូរឿងរ៉ាវខាងលើនេះមិនមាននរណាម្នាក់ដឹងឡើយថា កូនសត្វ Raccoon ចូលសំងំក្នុងរថក្រោះតាំងពីពេលណាឡើយ។ហើយមានអ្នកចុចចូលទស្សនាររហូតដល់ទៅជិត២លានដងឯណោះ៕

សូម​ទស្សនារូបភាពនិងវីដេអូខាងក្រោម៖

ប្រភព: Daily Mail