<p>ធ្លាក់ឈាម អស់កម្លាំង រាងកាយចុះខ្សោយ <a target="_blank" href="https://hellokrupet.com/%e1%9e%81%e1%9e%bd%e1%9e%9a%e1%9e%80%e1%9f%92%e1%9e%94%e1%9e%b6%e1%9e%9b%e1%9e%93%e1%9e%b7%e1%9e%84%e1%9e%94%e1%9f%92%e1%9e%9a%e1%9e%96%e1%9f%90%e1%9e%93%e1%9f%92%e1%9e%92%e1%9e%94%e1%9f%92%e1%9e%9a%e1%9e%9f%e1%9e%b6%e1%9e%91/%e1%9e%88%e1%9e%ba%e1%9e%80%e1%9f%92%e1%9e%94%e1%9e%b6%e1%9e%9b%e1%9e%93%e1%9e%b7%e1%9e%84%e1%9e%88%e1%9e%ba%e1%9e%80%e1%9f%92%e1%9e%94%e1%9e%b6%e1%9e%9b%e1%9e%94%e1%9f%92%e1%9e%9a%e1%9e%80%e1%9e%b6%e1%9f%86%e1%9e%84/161047/">ឈឺក្បាល</a> សាបមាត់ ខ្សោះជាតិទឹក ឆេវឆាវឆាប់ខឹង ឈឺចុកចាប់ឆ្អឹងខ្នង <a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%9f%e1%9f%92%e1%9e%8f%e1%9f%92%e1%9e%9a%e1%9e%b8/%e1%9e%80%e1%9e%b6%e1%9e%9a%e1%9e%98%e1%9e%80%e1%9e%9a%e1%9e%8a%e1%9e%bc%e1%9e%9c/169850/">គេងមិនលក់</a> ទាំងនេះគឺជាអាការៈពេល​មក​រដូវ​របស់​ស្រីៗ​ ដែល​អាចកើតឡើងយ៉ាងហោចណាស់ ចន្លោះពី ៣ ទៅ ៥ថ្ងៃ ឬយូរជាងនេះ អាស្រ័យលើលក្ខខណ្ឌសុខភាព។&nbsp;&nbsp;</p><p>បើ​សិន​ជា​សុខភាពស្រីៗ​យើង​មិនសូវល្អនោះទេ អាការៈទាំងនោះអាចនឹងកាន់តែអាក្រក់ជាងនេះមួយកម្រិតទៀត ដូច្នេះការរៀបចំរបបអាហារឲ្យបានត្រឹមត្រូវសម្រាប់សុខភាព អាចធ្វើឲ្យសុខភាពរឹងមាំ ថែមទាំងអាចកាត់បន្ថយអាការៈទាំងនេះបានថែមទៀតផង។</p><h3>១.របបអាហារមុនពេលមករដូវ</h3><p>ការរៀបចំរបបអាហារត្រៀមមុនពេលមករដូវយ៉ាងហោចរយៈពេល៥ថ្ងៃជាមុនដែរ ឬរាប់ចាប់ពីពេលបង្ហាញសញ្ញាលើរាងកាយ ដូចជា ឈឺទ្រូងតិចៗ អស់កម្លាំង គេងមិនលក់ ដែលពេលនោះរាងកាយត្រូវការរបបអាហារជាចាំបាច់ ដើម្បីទ្រទ្រង់សុខភាព។ រាងកាយត្រូវការអាហារដូចជា ពពួកស្ពៃបៃតង ពពួក<a target="_blank" href="https://hellokrupet.com/%e1%9e%9a%e1%9e%94%e1%9e%94%e1%9e%a2%e1%9e%b6%e1%9e%a0%e1%9e%b6%e1%9e%9a/%e1%9e%82%e1%9e%93%e1%9f%92%e1%9e%9b%e1%9e%b9%e1%9f%87%e1%9e%96%e1%9e%b8%e1%9e%a2%e1%9e%b6%e1%9e%a0%e1%9e%b6%e1%9e%9a%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%95%e1%9f%92%e1%9e%9f%e1%9f%81%e1%9e%84%e1%9e%91%e1%9f%80%e1%9e%8f/113650/">អាស៊ីតខ្លាញ់</a> និង របបអាហារសរសៃ មានផ្លែប៉ោម <a target="_blank" href="https://hellokrupet.com/%e1%9e%9a%e1%9e%94%e1%9e%94%e1%9e%a2%e1%9e%b6%e1%9e%a0%e1%9e%b6%e1%9e%9a/%e1%9e%a2%e1%9e%b6%e1%9e%a0%e1%9e%b6%e1%9e%9a%e1%9e%bc%e1%9e%94%e1%9e%8f%e1%9f%92%e1%9e%90%e1%9e%98%e1%9f%92%e1%9e%97/92706/">ចេក</a> ក្រូច ល្ពៅ ល្ហុង ការ៉ុត <a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%95%e1%9f%92%e1%9e%9b%e1%9e%bc%e1%9e%9c%e1%9e%97%e1%9f%81%e1%9e%91/%e1%9e%82%e1%9e%93%e1%9f%92%e1%9e%9b%e1%9e%b9%e1%9f%87%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%95%e1%9f%92%e1%9e%9b%e1%9e%bc%e1%9e%9c%e1%9e%97%e1%9f%81%e1%9e%91/81144/">គ្រាប់ធញ្ញជាតិ</a> និងពួកផ្លែឈើសម្បូរជាតិទឹក។ មួយ​វិញ​ទៀត ស្រីៗ​យើង​គួរ​កាត់បន្ថយពពួកអាហារហឹរ អាហារប្រៃពេក ផ្អែមពេក និងអាហារមានក្លិនឆួល មានខ្ទឹមស និង​ខ្ញីជាដើម។</p><h3>២.កំលុងមករដូវ</h3><p>រាប់ចាប់ពីថ្ងៃទី១ពេលមករដូវ គឺឈាមរដូវអាចធ្លាក់មកច្រើន រាងកាយប្រឈមនឹងការអស់កម្លាំងខ្លាំង ហត់​នឿយ ឈឺក្បាល ងងឹតមុខ ស្រវាំងភ្នែក និងចុកពោះ ដូច្នេះរបបអាហារសំខាន់បំផុត គឺពពួកជាតិដែក ម៉ាញ៉េស្យូម កាល់ស្យូម និងពពួកខ្លាញ់អូមេហ្គា។ ជាក់ស្ដែងណាស់ ការមករដូវម្ដងរាងកាយត្រូវបាត់បង់ឈាម ចន្លោះពី ៣០ ទៅ ៨០ មិល្លីលីត្រ ចំណែកជាតិដែក អាចបាត់បង់ជាមធ្យម ១,៦ មិល្លីក្រាមផងដែរ ដូច្នេះសារធាតុចិញ្ចឹមខាង​លើ​គឺសំខាន់និងអាចរកបានក្នុងអាហារដូចជា ពពួកកសាច់ក្រហម ថ្លើម ពងមាន់ បន្លែបៃតង ស្ពៃក្តោប អយ​ស្ទ័រ ក្តាម ខ្យង សាច់មាន់ សណ្តែក និង​សណ្តែកសៀង។ ដូច​គ្នា​ដែរ យើង​គួរជៀសវាងអាហារឆៅ <a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%95%e1%9f%92%e1%9e%9b%e1%9e%bc%e1%9e%9c%e1%9e%8a%e1%9e%84%e1%9f%92%e1%9e%a0%e1%9e%be%e1%9e%98/%e1%9e%95%e1%9f%92%e1%9e%8a%e1%9e%b6%e1%9e%9f%e1%9e%b6%e1%9e%99%e1%9e%92%e1%9e%98%e1%9f%92%e1%9e%98%e1%9e%8f%e1%9e%b6/90484/">អាហារកក</a> អាហារផ្អាប់ និង ជាតិត្រជាក់ ដូចជាទឹក​កក ភេសជ្ជៈត្រជាក់ មិនគួរទទួលទាននោះទេព្រោះវាអាចរំខានដល់ដំណើរការរដូវ និងបង្កជាវដ្ដរដូវមិនទៀងផងដែរ។</p><h3>៣.ក្រោយមករដូវ</h3><p>ក្រោយមករដូវ ស្រឌីៗ​យើង​ត្រូវចំណាយពេលវេលាយ៉ាងហោចពី ៣ទៅ ៥ថ្ងៃ ត្រូវ​ញ៉ាំអាហារជំនួយដល់​ឈាម ពិសេសពង្រឹងដល់សមត្ថភាពការបង្កកំណើតមេជីវិតញីឡើងវិញ។ របបអាហារទាំងនោះមានដូចជា វីតាមីន B ពពួក​ប្រូតេអ៊ីន <a target="_blank" href="https://hellokrupet.com/%e1%9e%b1%e1%9e%9f%e1%9e%90%e1%9e%9a%e1%9e%bb%e1%9e%80%e1%9f%92%e1%9e%81%e1%9e%87%e1%9e%b6%e1%9e%8f%e1%9e%b7%e1%9e%93%e1%9e%b7%e1%9e%84%e1%9e%90%e1%9f%92%e1%9e%93%e1%9e%b6%e1%9f%86%e1%9e%94%e1%9e%93%e1%9f%92%e1%9e%91%e1%9e%b6%e1%9e%94%e1%9f%8b%e1%9e%94%e1%9e%93%e1%9f%92%e1%9e%9f%e1%9f%86/%e1%9e%b1%e1%9e%9f%e1%9e%90%e1%9e%9a%e1%9e%bb%e1%9e%80%e1%9f%92%e1%9e%81%e1%9e%87%e1%9e%b6%e1%9e%8f%e1%9e%b7/37736/">កាល់ស្យូម</a> និង ពពួកអាហារមានជាតិសរសៃ។ សារធាតុសំខាន់ទាំងនោះមាននៅក្នុង ទឹកដោះគោស្រស់ សាច់ត្រី បន្លែបៃតង ផ្លែប៉ោម ក្រូច ទំពាំងបាយជូរ និង​ប៊ឺ ជាដើម។ គួរជៀសវាងដូចជា ពពួកអាហារប្រៃពេក ផ្អែមពេក និង អាហារមានជាតិកាហ្វេអ៊ីន។</p><p>ជារួមការជ្រើសរើសរបបអាហារបានត្រឹមត្រូវសម្រាប់សុខភាព រាប់ចាប់ពីមុនពេល អំឡុងពេល និងក្រោយពេល​មករដូវនឹងជួយធ្វើឲ្យរាងកាយស្រីៗ​​យើង​រឹងមាំ កាត់បន្ថយអាការៈឈឺចាប់ ការអស់កម្លាំង និងជួយរក្សារដ្ដរដូវបានទៀងទាត់​ សំខាន់គឺការពង្រឹងសុខភាពមេជីវិតញីបានកាន់តែល្អប្រសើរ។</p><p>ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។&nbsp;<a target="_blank" href="https://hellokrupet.com/healthy-living/health-tips/70337/">Hello Health Group</a>&nbsp;មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕&nbsp;</p><p><b>អត្ថបទផ្ដល់សិទ្ធិដោយ&nbsp;</b><a target="_blank" href="https://hellokrupet.com/%e1%9e%9a%e1%9e%94%e1%9e%94%e1%9e%a2%e1%9e%b6%e1%9e%a0%e1%9e%b6%e1%9e%9a/%e1%9e%82%e1%9e%93%e1%9f%92%e1%9e%9b%e1%9e%b9%e1%9f%87%e1%9e%96%e1%9e%b8%e1%9e%a2%e1%9e%b6%e1%9e%a0%e1%9e%b6%e1%9e%9a%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%95%e1%9f%92%e1%9e%9f%e1%9f%81%e1%9e%84%e1%9e%91%e1%9f%80%e1%9e%8f/172824/">Hello Krupet</a></p>

របបអាហារសំខាន់ៗសម្រាប់ស្រីៗ មុន និង​ក្រោយពេលមករដូវ