<p>ថា​តើ​អា​អូន​មាន​សុខភាព​ល្អ ឬ​ខ្សោយ ឬ​អាច​នឹង​ស្លាប់​ក្នុង​ផ្ទៃ​ជាដើម។ នេះ​បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត សឿច័ន្ទ វិសាល ឯកទេស​ផ្នែក​សម្ភព និង​រោគ​ស្ត្រី។</p><p>លោក​វេជ្ជបណ្ឌិតបន្ត​ថា ជា​ទូទៅ ចំនួន​ចលនា​រើ​បម្រះ​របស់​<a target="_blank" href="https://hellokrupet.com/%e1%9e%85%e1%9e%b7%e1%9e%89%e1%9f%92%e1%9e%85%e1%9e%b9%e1%9e%98%e1%9e%80%e1%9e%bc%e1%9e%93/%e1%9e%91%e1%9e%b6%e1%9e%9a%e1%9e%80/">ទារក</a>​ដែល​ម្ដាយ​ទទួល​អារម្មណ៍​ដឹង​មាន​ចំនួន​តិច​ជាង ចលនា​ធាក់​ពោះ​ពិត​របស់​ទារក ព្រោះ​ម្ដាយ​មិន​អាច​ទទួល​អារម្មណ៍​ដឹង​នៅ​ពេល​ទារក​ធ្វើ​ចលនា​ធាក់​តិចៗ។ ទារក​អាយុ​ពី៦-១៤​សប្ដាហ៍ <a target="_blank" href="https://hellokrupet.com/%e1%9e%96%e1%9e%96%e1%9f%84%e1%9f%87/%e1%9e%98%e1%9e%b6%e1%9e%93%e1%9e%95%e1%9f%92%e1%9e%91%e1%9f%83%e1%9e%96%e1%9f%84%e1%9f%87/">ម៉ាក់​ៗ​មាន​ផ្ទៃ​ពោះ</a>​មិន​ទាន់​អាច​ទទួល​បាន​អារម្មណ៍​ចលនា​ទារក​បម្រះ​ទេ រហូត​ដល់​ទារក​អាយុ​ពី ១៥-២៧​សប្ដាហ៍ ទើប​ស្ត្រី​ពពោះ​អាច​ចាប់​ផ្ដើម​ទទួល​បាន​អារម្មណ៍​ចលនា​ទារក​បម្រះ​កាន់​តែ​ច្បាស់​ពី​មួយ​ថ្ងៃ​ទៅ​មួយ​ថ្ងៃ។</p><p>ម៉ាក់​ៗ​ពពោះ គួរ​ជ្រើស​រើស​ពេល​វេលា​តាមដាន​ចលនា​រើ​បម្រះ​ទារក​ក្នុង​ផ្ទៃ គឺ​រើស​យក​ពេល​វេលា​ដែល​ទារក​គេង​តិច និង​ធ្វើ​ចលនា​ច្រើន។</p><h3>របៀប​តាម​ដាន​ចលនា​រើ​បម្រះ​ទារក​ក្នុង​ផ្ទៃ៖</h3><ul><li>តាមដាន​រយៈ​ពេល​២ម៉ោង គឺ​ចាប់​ពី​ម៉ោង​២២ ដល់​ម៉ោង​២៤ ឬ​ចាប់​ពី​ម៉ោង​២០ ដល់​ម៉ោង​២២។</li></ul><h3>លទ្ធផល​នៃ​ការ​តាម​ដាន​ចលនា​រើ​បម្រះ​ទារក​ក្នុង​ផ្ទៃ៖</h3><ul><li>ទារក​ក្នុង​ផ្ទៃ​មាន​សុខភាព​ល្អ​ធម្មតា​ពេល​តាម​ដាន​ចលនា​បម្រះ​ទារក​នៅ​អាយុ​ចាប់​ពី ៣០-៣៧​សប្ដាហ៍ រយៈ​ពេល​២​ម៉ោង មាន​ចំនួន​លើស​ពី​១២​ដង។</li><li>តាម​ដាន​ចលនា​រើ​បម្រះ​ទារក​នៅ​អាយុ​ចាប់​ពី ៣៨-៤០​សប្ដាហ៍ រយៈ​ពេល​២​ម៉ោង មាន​ចំនួន​លើស​ពី​១០​ដង។</li></ul><p>វេជ្ជបណ្ឌិត​រូប​នេះ​បន្ថែម​ថា ប្រសិន​បើ​ទារក​មាន​ចលនា​រើ​បម្រះ​តិច​ជាង​ចំនួន​១០​ដង/២ម៉ោង បញ្ជាក់​ថា អា​អូន​ក្នុង​ផ្ទៃ​អាចខ្សោយ ឬ​អាច​នឹង​ស្លាប់ ដូច​នេះ​ម៉ាក់​ៗ​ដែល​កំពុង​ពពោះ​គ្រប់​រូប​ត្រូវ​ប្រញាប់​ទៅ​ពិគ្រោះ​ជាមួយ​គ្រូពេទ្យ​ជំនាញ ដើម្បី​វាយ​តម្លៃ​សុខភាព​ទារក​ឲ្យ​បាន​ច្បាស់​លាស់ និង​មាន​វិធានការ​សង្គ្រោះ​ទារក​ឲ្យ​បាន​ទាន់​ពេល​វេលា។</p><p>ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។&nbsp;<a target="_blank" href="https://hellokrupet.com/healthy-living/health-tips/70337/">Hello Health Group</a>&nbsp;មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕&nbsp;</p><p><b>អត្ថបទផ្ដល់សិទ្ធិដោយ</b>&nbsp;<a target="_blank" href="https://hellokrupet.com/%e1%9e%96%e1%9e%96%e1%9f%84%e1%9f%87/%e1%9e%98%e1%9e%b6%e1%9e%93%e1%9e%95%e1%9f%92%e1%9e%91%e1%9f%83%e1%9e%96%e1%9f%84%e1%9f%87/%e1%9e%8f%e1%9f%92%e1%9e%9a%e1%9e%b8%e1%9e%98%e1%9e%b6%e1%9e%9f%e1%9e%91%e1%9e%b8-2/159214/">Hello Krupet</a></p>

ម៉ាក់ៗដឹងអត់ ចេះតាមដានចលនារើបម្រះកូនក្នុងផ្ទៃ មានសារសំខាន់ណាស់!