តោះ! មកស្គាល់អគារទាំង ១០ ដែលខ្ពស់ជាងគេនៅលើពិភពលោក

បរទេស៖ សព្វថ្ងៃនេះអគារដែលខ្ពស់ៗបាននិងកំពុងតែសាងសង់ជាបន្ដបន្ទាប់ដែលមានអគារខ្លះមានកម្ពស់ខ្ពស់ខ្លាំងដល់ទៅរាប់រយម៉ែត្រក៏មាន ដូចជាអគារដែលខ្ពស់ជាងគេឈ្មោះថា Burj Khalifa ត្រូវបានសាងសង់ឡើងក្នុងឆ្នាំ ២០១០ ។ ខាងក្រោមនេះគឺជាអគារទាំង 10 ដែលខ្ពស់ជាងគេលើលោក ។

១. អគារមជ្ឈមណ្ឌលហិរញ្ញវត្ថុសៀងហៃ មានកម្ពស់ ៤៩២ម៉ែត្រ

អគារមជ្ឈមណ្ឌលហិរញ្ញវត្ថុសៀងហៃនេះមានកម្ពស់ ៤៩២ ម៉ែត្រ មានចំនួន ១០១ ជាន់ហើយបានបញ្ចប់ការសាងសង់នៅក្នុងឆ្នាំ ២០០៨។ ហើយវាបានដើរតួជាមជ្ឈមណ្ឌលហិរញ្ញវត្ថុ និងពាណិជ្ជកម្មអន្ដរជាតិ អគារនេះរួមមានបន្ទប់សណ្ឋាគារការិយាល័យ សន្និសីទ និងផ្សារទំនើប។

២. អគារតៃប៉ិ មានកម្ពស់ ៥០៨ម៉ែត្រ

អគារ តៃប៉ិ មួយនេះមានកម្ពស់ ៥០៨ម៉ែត្រ និងមាន ១០១ ជាន់ ដែលត្រូវបានគេចាត់ទុកថាជាអគារខ្ពស់ជាងគេមួយនៅលើលោក វាជាអាគារខ្ពស់បំផុតនៅលើពិភពលោកអស់រយៈពេល ៦ ឆ្នាំ មុនពេកការសាងសង់អគារ Burj Khalifa នៅឌូបៃ។

៣. អគារ Chinese Zun ប្រទេសចិន​ មានកម្ពស់ ៥០៨ម៉ែត្រ

វាគឺជាអគារពាណិជ្ជកម្មដ៏ធំមួយនៅក្នុងទីក្រុងប៉េកាំង និងជាអគារជាប់ចំណាត់ថ្នាក់ទី ៨ នៅលើពិភពលោកដែលបានបញ្ចប់ការសាងសង់ក្នុងឆ្នាំ ២០១៨។

៤. អគារមជ្ឈមណ្ឌលហរិញ្ញវត្ថុ Tianjin CTF មានកម្ពស់ ៥៣០ម៉ែត្រ

មជ្ឈមណ្ឌលហរិញ្ញវត្ថុ Tianjin CTF មានទីតាំងស្ថិតនៅក្នុងប្រទេសចិន និងជាប់់ជាអគារខ្ពស់លំដាប់ទី៨ លើលោក អាគារនេះមាន ៩៧ជាន់ដែលត្រូវបានប្រើប្រាស់ក្នុងគោលដៅចម្រុះ។

៥. មជ្ឈមណ្ឌលពាណិជ្ជកម្មពិភពលោក, សហរដ្ឋអាមេរិក ៥៤១ម៉ែត្រ

អគារពាណិជ្ជកម្មពិភពលោករបស់សហរដ្ធអាមេរិកមួយនេះ មានកម្ពស់ ៥៤១ម៉ែត្រ និងមាន ១០៤ជាន់ ហើយក៏ជាអគារខ្ពស់ជាងគេបំផុតប្រចាំលោកខាងលិចទាំងមូលផងដែរ។ អគារបានបញ្ចប់ការសាងសង់នៅឆ្នាំ២០១៤។មជ្ឈមណ្ឌលពាណិជ្ជកម្មពិភពលោកមួយនេះ ត្រូវបានសាងសង់ជាអាគារមុខងារមួយដើម្បីជំនួសដល់អគារចាស់ដែលបានវាយប្រហារដោយក្រុមភេរវកម្មនៅថ្ងៃទី៩ ខែកញ្ញា ឆ្នាំ ២០០១។

៦. អគារ Lotte World Tower, កូរ៉េខាងត្បូង មានកម្ពស់ ៥៥៤ម៉ែត្រ

អគារ Lotte World Tower នេះមានទីតាំងស្ថិតនៅទីក្រុងសេអ៊ូលប្រទេសកូរ៉េខាងត្បូង ដែលមានកម្ពស់ជាង ៥៥៤ម៉ែត្រ និងមានក្លាយជាអគារដែលខ្ពស់ជាងគេលំដាប់ថ្នាក់ទី ៥ នៅលើពីភពលោកផងដែរ។​ អាគារនេះត្រូវបានបញ្ចប់សាងសង់នៅក្នុងខែមីនាឆ្នាំ ២០១៦។ អាគារនេះមាន ១២៣ជាន់ ដែលក្នុងនោះ៦ ជាន់ ស្ថិតនៅក្រោមដី។ អគារ Lotte World Tower ត្រូវបានសាងសង់ដោយមានគុណភាពខ្ពស់បំផុតដើម្បីទប់ទល់នឹងការរញ្ជួយដីដែលមានទំហំរហូតដល់ ៩ រិច្ឆទ័រ។

៧. អគារមជ្ឈមណ្ឌលហិរញ្ញវត្ថុភីងអាន ប្រទេសចិន មានកម្ពស់  ៥៩៩ម៉ែត្រ

មជ្ឈមណ្ឌលហិរញ្ញវត្ថុអន្តរជាតិភីនអាន ស្ថិតនៅក្រុង ប្រទេសចិន មានកម្ពស់ ៥៩៩ ម៉ែត្រមួយនេះ គឺជាអាគារខ្ពស់ជាងគេលំដាប់ទីបួននៅលើពិភពលោក។ អគារនេះត្រូវបានបញ្ចប់ការសាងសង់នៅឆ្នាំ២០១៥ ។ អគារនេះមាន ១១៥ ជាន់ដែលជាមជ្ឈមណ្ឌលហិរញ្ញវត្ថុអន្តរជាតិភីនអានមានមជ្ឈមណ្ឌលសន្និសីទ សណ្ឋាគារ និងកន្លែងលក់រាយជាច្រើន។ 

៨. អគារ Makkah Royal Clock Tower ប្រទេសអារ៉ាប៊ីសាអ៊ូឌី មានកម្ពស់ ៦០១ ម៉ែត្រ

វាជាអាគារខ្ពស់ជាងគេលំដាប់ទី៣ នៅលើពិភពលោក។ ដែលមានកម្ពស់ ៦០១ម៉ែត្ររ មានចំនួន ១២០ ជាន់ ជាមជ្ឈមណ្ឌលសន្និសីទ សារមន្ទីរអ៊ីស្លាម និងមានបន្ទប់អធិស្ឋានដែលមានមនុស្សផ្ទុកមនុស្សបានចំនួន ១ម៉ឺននាក់។

៩. Shanghai Tower ប្រទេសចិន មានកម្ពស់៦៣២ ម៉ែត្រ

អគារ Shanghai Tower ជាអាគារខ្ពស់ជាងគេលំដាប់ទី២ លើពិភពលោកនិងជាអគារខ្ពស់ជាងគេនៅប្រទេសចិនដែលមាន ១២១ជាន់ ដែលបានចំណាយពេលសាងសង់ ៨ ឆ្នាំ។ វាមានបន្ទប់សណ្ឋាគារចំនួន ៣២០។

១០. អគារ Burj Khalifa, អារ៉ាប់រួម មានកម្ពស់ ៨២៨ម៉ែត្រ

អគារដែលមានកម្ពស់ ៨២៨ម៉ែត្រ គឺអគារ Burj Khalifa ក្នុងទីក្រុងឌូបៃគឺ ជាអាគារដែលខ្ពស់ជាងគេនៅលើពិភពលោក។ អគារនេះត្រូវបានរចនាឡើងដោយដែកថែប និងបេតុង ដោយស្ថាបត្យករដ៏ល្បីល្បាញ៕