<p>បញ្ហា​សុខភាព​ជា​ច្រើន​អាច​បណ្ដាល​ឲ្យ​យើង<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%95%e1%9f%92%e1%9e%9b%e1%9e%bc%e1%9e%9c%e1%9e%8a%e1%9e%84%e1%9f%92%e1%9e%a0%e1%9e%be%e1%9e%98/%e1%9e%94%e1%9e%89%e1%9f%92%e1%9e%a0%e1%9e%b6%e1%9e%9f%e1%9e%bd%e1%9e%8f%e1%9e%95%e1%9f%92%e1%9e%9f%e1%9f%81%e1%9e%84%e1%9e%91%e1%9f%80%e1%9e%8f/128902/">​ក្អក​</a> ហើយ​ប្រភេទ​នៃ​ការ​ក្អក​ និង​រយៈពេល​​គឺ​អាស្រ័យ​ទៅ​លើ​មូលហេតុ​នៃ​ជំងឺ​។ ដូច្នេះ​ហើយ​ គ្នា​យើង​គប្បី​ស្គាល់​ពី​រោគសញ្ញា​សំខាន់​ៗ​មួយ​ចំនួន ពីព្រោះ​ការ​ក្អក​មួយ​ចំនួន​​អាច​បាត់​ទៅ​វិញ​ដោយ​ខ្លួន​ឯង ខណៈ​ដែល​ប្រភេទ​នៃ​ការ​ក្អក​ផ្សេង​ទៀត ត្រូវការ​ការ​ព្យាបាល​​ត្រឹម​ត្រូវ​​។</p><h3>១. ក្អក​ស្លេស្ម</h3><p><a target="_blank" href="https://hellokrupet.com/%e1%9e%85%e1%9e%b7%e1%9e%89%e1%9f%92%e1%9e%85%e1%9e%b9%e1%9e%98%e1%9e%80%e1%9e%bc%e1%9e%93/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%80%e1%9e%bb%e1%9e%98%e1%9e%b6%e1%9e%9a/%e1%9e%9a%e1%9f%84%e1%9e%82%e1%9e%9f%e1%9e%89%e1%9f%92%e1%9e%89%e1%9e%b6%e1%9e%91%e1%9e%bc%e1%9e%91%e1%9f%85/130146/">អាការៈ​ក្អក​ស្លេស្ម​​</a> អាច​បណ្ដាល​មក​ពី​​ជំងឺ​រលាក​ទង​សួត ដោយ​សារ​តែ​ផ្លូវ​ដង្ហើម​មាន​សភាព​ហើម​ និង​បង្កើត​ជា​ស្លេស្ម។ ជាក់​ស្ដែង​ ជំងឺ​មួយ​ប្រភេទ​នេះ​បង្ក​ឡើង​ដោយ​វីរុស និង​ធ្វើការ​វិវត្ត​ក្រោយ​ពេល​ដែល​យើង​មាន​ជំងឺ​គ្រុន​ផ្ដាសាយ ដែល​ហៅថា​ជំងឺ​រលាក​ទង​សួត​ស្រួចស្រាល់។ យ៉ាង​ណា​មិញ យើង​អាច​នឹង​មិន​​មាន​ក្អក​ស្លេស្ម​នៅ​ប៉ុន្មាន​ថ្ងៃ​ដំបូង​​នៃ​ការ​ឆ្លង​មេរោគ​រលាក​ទង​សួត​ឡើយ​។</p><h3>២. ក្អក​ស្លេស្ម​​រ៉ាំរ៉ៃ​</h3><p>ប្រសិនបើ​យើង​ក្អក​ស្លេស្ម​រយៈពេល​ច្រើន​ថ្ងៃ​នៅ​ក្នុង​មួយ​ខែ​ និង​យ៉ាង​ហោច​ណាស់​រយៈពេល​៣​ខែ​ក្នុង​មួយ​ឆ្នាំ យើង​អាច​នឹង​មាន​<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%95%e1%9f%92%e1%9e%9b%e1%9e%bc%e1%9e%9c%e1%9e%8a%e1%9e%84%e1%9f%92%e1%9e%a0%e1%9e%be%e1%9e%98/%e1%9e%94%e1%9e%89%e1%9f%92%e1%9e%a0%e1%9e%b6%e1%9e%9f%e1%9e%bd%e1%9e%8f%e1%9e%95%e1%9f%92%e1%9e%9f%e1%9f%81%e1%9e%84%e1%9e%91%e1%9f%80%e1%9e%8f/156051/">ជំងឺ​រលាក​ទង​សួត​រ៉ាំរ៉ៃ</a>។ វា​អាច​ជា​ផ្នែក​មួយ​នៃ​ជំងឺ​ស្ទះ​​ផ្លូវ​ដង្ហើម​​។ ការ​ជក់​បារី​អាច​ជា​មូលហេតុ​ចម្បង​មួយ​ដែល​នាំ​ឲ្យ​កើត​ជំងឺ​​រលាក​ទង​សួត​រ៉ាំរ៉ៃ​។</p><h3>៣. ក្អក​ស្លេស្ម​ និង​គ្រុន​ក្ដៅ​</h3><p>​​​​​ជាមួយ​គ្នា​នេះ​ដែរ ការ​ក្អក​ស្លេស្ម​ក៏​អាច​ជា​រោគសញ្ញា​នៃ​ជំងឺ​រលាក​សួត​​ផង​ដែរ​។ រោគសញ្ញា​នៃ​ជំងឺ​រលាក​សួត​ដទៃ​ទៀត​មាន​ដូចជា​គ្រុន​ក្ដៅ គ្រុន​រងា និង​ដកដង្ហើម​ខ្លី​ៗ​។ ស្លេស្ម​អាច​មាន​ពណ៌​បៃតង លឿង​ ឬ​មាន​ឈាម​។ ប្រសិនបើ​យើង​សង្ស័យ​ថា​កើត​ជំងឺ​រលាក​សួត​ ចូរ​ពិគ្រោះ​យោបល់​ជាមួយ​នឹង​គ្រូពេទ្យ​ភ្លាម​ៗ​។</p><h3>៤. ក្អក​បណ្ដាល​មក​ពី​ជក់​បារី</h3><p>អាការៈ​ក្អក​ដែល​ពាក់ព័ន្ធ​នឹង​ស្លេស្ម​ច្រើន​ អាច​ជា​រោគសញ្ញា​ទូទៅ​នៃ​ជំងឺ​ស្ទះ​​ផ្លូវ​ដង្ហើម​​រ៉ាំរ៉ៃ។ នៅ​ក្នុង​ករណី​នេះ យើង​អាច​មាន​បញ្ហា​ក្នុង​ការ​ដកដង្ហើម​ ដោយ​សារ​តែ​​ផ្លូវ​ដង្ហើម​ស្ទះ​។ រោគ​សញ្ញា​ដទៃ​ទៀត​ រួម​មាន​តឹង​ទ្រូង កណ្ដាស់​ និង​ដកដង្ហើម​ខ្លី​ៗ។</p><h3>៥. ក្អក​ និង​ជូរ​មាត់​</h3><p>ប្រសិនបើ​យើង​ក្អក​ ព្រម​ទាំង​មាន​អារម្មណ៍​ថា​​មាន​រសជាតិ​ជូរ​ក្នុង​មាត់​​ ដែល​មាន​រយៈពេល​ពីរ​ ឬ​ច្រើន​ខែ វា​អាច​ជា​សញ្ញា​នៃ​ជំងឺ​ច្រាល​ទឹក​ក្រពះ។ ជំងឺ​ច្រាល​ទឹក​ក្រពះ​កើត​ឡើង​នៅ​ពេល​ដែល​​បរិមាណ​ទឹក​ក្រពះ ហូរ​ត្រលប់​​ចូល​ក្នុង​បំពង់​ក​របស់​យើង​។</p><h2>៦. ក្អក​ស្ងួត​</h2><p>ចំពោះ​អាការៈ​ក្អក​ស្ងួត​ដែល​មិន​បាត់​ទៅ​វិញ អាច​ជា​រោគ​សញ្ញា​នៃ​ជំងឺ​ហឺត​ ជា​ពិសេស​ប្រសិនបើ​យើង​ក្អក​ច្រើន​នៅ​ពេល​យប់​។ មនុស្ស​ភាគច្រើន​ដែល​មាន​ជំងឺ​ហឺត​​ក៏​ជួប​អាការៈ​តឹង​ទ្រូង កណ្តាស់​ និង​ដកដង្ហើម​ខ្លី​ៗ​។</p><h2>៧. ក្អក​មាន​ឈាម​</h2><p>ប្រសិនបើ​យើង​ក្អក​មាន​ឈាម​ ចូរ​ពិគ្រោះ​យោបល់​ជាមួយ​នឹង​គ្រូពេទ្យ​ជា​បន្ទាន់​។ ឈាម​អាច​​ចេញ​ពី​សួត ឬ​ផ្លូវ​ដង្ហើម​ ហើយ​​វា​អាច​មាន​ពពុះ ពីព្រោះ​វា​លាយ​បញ្ចូល​ជាមួយ​ខ្យល់​ពី​សួត​។ អាការៈ​ក្អក​ឈាម​អាច​ជា​សញ្ញា​នៃ​បញ្ហា​សុខភាព​ ដូចជា​ការ​ឆ្លង​មេរោគ ការ​រលាក​រ៉ាំរ៉ៃ ឬ​ដុំ​សាច់​ជាដើម​។</p><h2>៨. ក្អក​ និង​មាន​រោគសញ្ញា​នៃ​ជំងឺ​គ្រុន​ផ្ដាសាយ​</h2><p>ការ​ក្អក​អាច​ជា​រោគសញ្ញា​នៃ​ជំងឺ​ផ្ដាសាយ ជា​ពិសេស​នៅ​ពេល​ដែល​វា​​អម​ដោយ​អាការៈ​តឹង​ច្រមុះ ឈឺ​ខ្លួន​ប្រាណ ឬ​ឈឺ​បំពង់​ក​។ ការ​សម្រាក​ឲ្យ​បាន​គ្រប់គ្រាន់ និង​ញ៉ាំ​ថ្នាំ​បំបាត់​ជំងឺ​គ្រុន​ផ្ដាសាយ​ អាច​ជួយ​ឲ្យ​​អាការៈ​របស់​យើង​ប្រសើរ​ឡើង​វិញ។ ដោយ​ឡែក​ ការ​ក្អក​អាច​នឹង​ជា​សះស្បើយ​យូរ​ជាង​រោគ​សញ្ញា​ដទៃ​ទៀត​។</p><p>ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។&nbsp;<a target="_blank" href="https://hellokrupet.com/healthy-living/health-tips/70337/">Hello Health Group</a>&nbsp;មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕&nbsp;</p><p><b>អត្ថបទផ្ដល់សិទ្ធិដោយ&nbsp;</b><a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%95%e1%9f%92%e1%9e%9b%e1%9e%bc%e1%9e%9c%e1%9e%8a%e1%9e%84%e1%9f%92%e1%9e%a0%e1%9e%be%e1%9e%98/%e1%9e%94%e1%9e%89%e1%9f%92%e1%9e%a0%e1%9e%b6%e1%9e%9f%e1%9e%bd%e1%9e%8f%e1%9e%95%e1%9f%92%e1%9e%9f%e1%9f%81%e1%9e%84%e1%9e%91%e1%9f%80%e1%9e%8f/159526/">Hello Krupet</a></p>

ប្រភេទ​នៃ​ការ​ក្អក អាច​ឲ្យ​យើង​ដឹង​ពី​ស្ថានភាព​ជំងឺ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ក្នុងខ្លួន!