ហេតុអីគេតែងតែធ្វើ «សម្លចាប់ឆាយ» នាឱកាសបុណ្យចូលឆ្នាំចិន?
នៅក្នុងកម្មវិធីបុណ្យចូលឆ្នាំចិននេះ ប្រជាជនចិន ឬអ្នកជាប់សែចិនភាគច្រើនមិនភ្លេចទេ គឺជាការបៀបចំធ្វើម្ហូបប្រពៃណីចិន ដើម្បីទទួលឆ្នាំថ្មី ដោយក្នុងនោះយើងតែងឃើញមានម្ហូបពិសេសម្យ៉ាងគឺ "សម្លចាប់ឆាយ" ។
បុណ្យចូលឆ្នាំចិនគឺជាបុណ្យប្រពៃណីត្រូវបានប្រជាជនចិនប្រារព្ធធ្វើអស់រយៈពេលប្រមាណជាជាង៤០០០ឆ្នាំមកហើយ ពោលគឺចាប់ផ្ដើមចាប់តាំងពីជាង២០០០ឆ្នាំមុនគ.ស។ នេះបើតាមការលើកឡើងរបស់នាយកវិទ្យាស្ថានខុងជឺនៃរាជបណ្ឌិត្យសភាកម្ពុជា លោក ជា មុនីឫទ្ធិ។
ទន្ទឹមនិងនេះ នៅក្នុងកម្មវិធីបុណ្យចូលឆ្នាំចិននេះ ប្រជាជនចិន ឬអ្នកជាប់ខ្សែចិនភាគច្រើនមិនភ្លេចទេ គឺជាការបៀបចំធ្វើម្ហូបប្រពៃណីចិន ដើម្បីទទួលឆ្នាំថ្មី ដោយក្នុងនោះយើងតែងឃើញមានម្ហូបពិសេសម្យ៉ាងគឺ "សម្លចាប់ឆាយ" ដែលនេះគឺជាមុខម្ហូបមួយមុខផ្សេងទៀតដែលគេតែងតែឃើញមាន ក្នុងពិធីបុណ្យចូលឆ្នាំចិននេះផងដែរ។
លោក ជា មុន្នីឫទ្ធិ នាយកវិទ្យាស្ថាន ខុង ជឺ នៃ រាជបណ្ឌិត្យសភាកម្ពុជាបានអះអាងថា មូលហេតុដែលគេដាក់ឈ្មោះថាសម្លចាប់ឆាយ គឺដោយសារគេយកសម្លដែលសល់ៗមកបញ្ចូលគ្នា ដើម្បីរក្សាទុកកុំឲ្យផ្អូម ព្រោះនៅក្នុងរយៈពេលបីថ្ងៃនៃពិធីបុណ្យចូលឆ្នាំនេះគឺមិនបានទៅផ្សារនោះទេ។ នៅពេលដែលគេបញ្ចូលមុខម្ហូបចូលគ្នាច្រើនមុខបែបនេះ គេក៏មិនដឹងជាដាក់ឈ្មោះថា ជាមុខម្ហូបអីក៏ដាក់ឈ្មោះថាជា សម្លចាប់ឆាយ៕
