<p>អ័រម៉ូន ​Progesterone ជា​អ័រម៉ូន​ដែល​ពន្យឺត​ប្រព័ន្ធ​រំលាយ​អាហារ​ ជា​ពិសេស​​​ពេល​មក​រដូវ។ ស្ត្រី​ភាគ​ច្រើន​​ អាច​មាន​អាការៈ​ហើម​ពោះ​រយៈពេល​ពីរ​បី​ថ្ងៃ​មុន​ពេល​មក​រដូវ​។ អំឡុង​ពេល​នេះ​ដែរ​ ហ្គាស​ឬខ្យល់​អាច​កើន​ឡើង​នៅ​ក្នុង​បំពង់​រំលាយ​អាហារ និង​បង្ក​ជា​ការ​ឈឺ​ចាប់​កាន់​តែ​ខ្លាំង​​។ ទោះ​បី​ជា​យើង​មិន​អាច​គ្រប់គ្រង​អ័រម៉ូន​​​ក្នុង​ខ្លួន​​យ៉ាង​ណា​ក្ដី ប៉ុន្តែគ្រូពេទ្យ​បាន​ណែនាំតិចនិក​មួយ​ចំនួន​ ដើម្បី​កាត់​បន្ថយ​អាការៈ​ឈឺចុកចាប់នេះ​បាន​។</p><p>រោគសញ្ញា​នៃ​ការ​ចុក​ដោយសារ​ខ្យល់​ក្នុង​ក្រពះ</p><p>ជា​ទូទៅ ហ្គាស​កកើត​ឡើង​នៅ​ក្នុង​ពោះវៀន​របស់​យើង​ ប៉ុន្តែ​វដ្ដ​រដូវ អាច​ធ្វើ​ឲ្យ​រាងកាយ​ផលិត​ហ្គាស​កាន់​តែ​ច្រើន​ជាង​ធម្មតា។ រោគសញ្ញា​​សំខាន់​ៗ​មាន​៖</p><ul><li>​ភើ</li></ul><ul><li>ផោម</li></ul><ul><li>ឈឺ​ពោះ​</li></ul><ul><li><a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%98%e1%9e%93%e1%9e%bb%e1%9e%9f%e1%9f%92%e1%9e%9f%e1%9e%85%e1%9e%b6%e1%9e%9f%e1%9f%8b/%E1%9E%87%E1%9F%86%E1%9E%84%E1%9E%BA%E1%9E%A7%E1%9E%9F%E1%9F%92%E1%9E%9F%E1%9E%B6%E1%9E%A0%E1%9F%8D%E1%9E%80%E1%9E%BE%E1%9E%8F%E1%9E%9B%E1%9E%BE%E1%9E%98%E1%9E%93%E1%9E%BB%E1%9E%9F%E1%9F%92%E1%9E%9F%E1%9E%85%E1%9E%B6%E1%9E%9F%E1%9F%8B/154764/">ហើម​ពោះ</a></li></ul><h3>មូលហេតុ​បង្ក​ឲ្យ​មាន​ការ​ចុក​ដោយសារ​ខ្យល់​ក្នុង​ក្រពះ</h3><p>​ពិត​ណាស់​ ការ​ចុក​ដោយសារ​ខ្យល់​ក្នុង​ក្រពះ គឺ​បណ្ដាល​មក​ពី​ការ​កើន​ឡើង​នៃ​ហ្គាស​​ក្នុង​ក្រពះ​ពោះវៀន​។ ហ្គាស​កើត​ចេញ​ពី​ដំណើរការ​រំលាយ​អាហារ ប៉ុន្តែ​ដោយ​សារ​តែ​ប្រព័ន្ធ​រំលាយ​អាហារ​មាន​ភាព​យឺតយ៉ាវ ទើប​អាហារ​ដែល​យើង​ញ៉ាំ​មិន​អាច​​ធ្វើ​ដំណើរ​​​បាន​លឿន​ដូច​ធម្មតា។ មួយ​វិញ​ទៀត ហ្គាស​ក៏​អាច​បណ្ដាល​មក​ពី​ការ​លេប​ខ្យល់​ នៅ​ពេល​ដែល​យើង​ញ៉ាំ​អាហារ​ ឬ​ផឹក​ភេសជ្ជៈ​ដូច​គ្នា​។ កត្តា​​នេះ​ហើយ​ ដែល​ការ​រួម​ផ្សំ​ជាមួយ​ហ្គាស​​ពី​ការ​រំលាយ​អាហារ​ អាចបណ្ដាល​ឲ្យ​មាន​ការ​ឈឺ​ចាប់​ ប្រសិនបើ​ខ្យល់​ប្រមូលផ្ដុំ​ច្រើន​ពេក​។</p><h3>គន្លឹះ​​កាត់​បន្ថយ​​បញ្ហា​ចុក​ដោយសារ​ខ្យល់​ក្នុង​ក្រពះ</h3><ul><li>ញ៉ាំ​ទឹក​ឲ្យ​បាន​ច្រើន​</li><li>ញ៉ាំ​អាហារ​ក្នុង​បរិមាណ​តិចតួច​</li><li>ធ្វើ​លំហាត់​ប្រាណ​</li><li>ជៀសវាង​ផឹក​ភេសជ្ជៈ​ដែល​មាន​ជាតិ​កាបូន។</li></ul><h3>ចំណុចសំខាន់</h3><h3>គន្លឹះ​​កាត់​បន្ថយ​​បញ្ហា​ចុក​ដោយសារ​ខ្យល់​ក្នុង​ក្រពះ អំឡុងពេល​មក​រដូវ​</h3><ul><li>ញ៉ាំ​ទឹក​ឲ្យ​បាន​ច្រើន</li><li>ញ៉ាំ​អាហារ​ក្នុង​បរិមាណ​តិចតួច</li><li>ធ្វើ​លំហាត់​ប្រាណ</li><li>ជៀសវាង​ផឹក​ភេសជ្ជៈ​ដែល​មាន​ជាតិ​កាបូន។</li></ul><p>ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។&nbsp;<a target="_blank" href="https://hellokrupet.com/healthy-living/health-tips/70337/">Hello Health Group</a>&nbsp;មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕&nbsp;</p><p><b>អត្ថបទផ្ដល់សិទ្ធិដោយ</b>&nbsp;<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%9f%e1%9f%92%e1%9e%8f%e1%9f%92%e1%9e%9a%e1%9e%b8/%e1%9e%80%e1%9e%b6%e1%9e%9a%e1%9e%98%e1%9e%80%e1%9e%9a%e1%9e%8a%e1%9e%bc%e1%9e%9c/169714/">Hello Krupet</a></p>

ចុកដោយសារខ្យល់ក្នុងក្រពះពេលកំពុងមករដូវ គួរដោះស្រាយបែបណា?​​