ប្រសិនបើយើងដឹងថា មិត្តភក្តិ ឬសមាជិកគ្រួសារណាម្នាក់ចង់សម្លាប់ខ្លួន ឬបង្ហាញសញ្ញាព្រមាន ចង់​<a target="_blank" href="https://hellokrupet.com/search/?s=%E1%9E%9F%E1%9E%98%E1%9F%92%E1%9E%9B%E1%9E%B6%E1%9E%94%E1%9F%8B%E1%9E%81%E1%9F%92%E1%9E%9B%E1%9E%BD%E1%9E%93&amp;page=1">សម្លាប់ខ្លួន</a> យើងត្រូវជួយពួកគាត់ភ្លាម កាន់តែឆាប់កាន់តែល្អ ព្រោះពួកគាត់កំពុងស្ថិត​ក្នុង​ដំណាក់​កាលទន់ខ្សោយបំផុត និងត្រូវការជំនួយភ្លាមៗ។ ខាងក្រោមនេះជាវិធីសាស្រ្ត​មួយចំនួន​ក្នុង​ការជួយអ្នកចង់សម្លាប់ខ្លួន។ប្រសិនបើយើងសង្ស័យថា ថាមិត្តភក្តិ ឬសមាជិកគ្រួសារណាម្នាក់ចង់សម្លាប់ខ្លួន យើងត្រូវសួរពួក​គាត់​តាមត្រង់ថា “ពួកគាត់ចង់សម្លាប់ខ្លួនមែនទេ?” ព្រោះការសួរនេះអាចធ្វើឱ្យយើងដឹង និង​អាច​ឱ្យយើងជួយ​សង្គ្រោះជីវិតរបស់​ពួកគាត់ទាន់ពេល។ ប្រសិនបើពួកគាត់ឆ្លើយថា ”មែន!” យើងត្រូវ៖១. និយាយជាមួយ៖ ក្នុងការនិយាយជាមួយអ្នកចង់សម្លាប់ខ្លួន យើងត្រូវនិយាយ​ដោយទន់ភ្លន់ មាន​ភាព​អាណិតអាសូរ និងមិនត្រូវវាយពីតម្លៃគំនិត ឬអារម្មណ៍របស់ពួកគេទេ។ យើងត្រូវ​ឱ្យពួក​គេដឹងថា យើងយកចិត្តទុកដាក់នឹងពួកគេ ហើយមានបំណងជួយ។ អ្វីដែល​សំខាន់​នោះ​គឺ​ត្រូវ​ស្តាប់ពួកគេរៀបរាប់ពីទុក្ខលំបាក ក៏ដូចជា<a target="_blank" href="https://hellokrupet.com/search/?s=%E1%9E%A2%E1%9E%B6%E1%9E%9A%E1%9E%98%E1%9F%92%E1%9E%98%E1%9E%8E%E1%9F%8D&amp;page=1">អារម្មណ៍</a> និងត្រូវ​ផ្តល់​ក្តី​សង្ឃឹម​ដល់​ពួក​គេ​។ ខាងក្រោមនេះជាឧទាហរណ៍មួយចំនួនក្នុងការនិយាយជាមួយអ្នកទាំងនោះ៖<ul><li>“ ថ្មីៗនេះខ្ញុំសង្កេតឃើញថា បង/ប្អូនដូចជាប្លែកៗ ហើយខ្ញុំបារម្ភពីបង/ប្អូនខ្លាំងណាស់។”</li><li>“ បង/ប្អូនចាប់ផ្តើមមានអារម្មណ៍ចង់សម្លាប់ខ្លួនតាំងពីពេលណា?”</li><li>“ មានរឿងអីកើតឡើងទើបធ្វើឱ្យបង/ប្អូនចាប់ផ្តើមមានអារម្មណ៍បែបនេះ?”</li><li>“ មានអីដែលខ្ញុំអាចជួយបានទេ ឬបង/ប្អូនត្រូវការជំនួយពីអ្នកផ្សេងទៀតទេ?”</li><li>“ កុំបារម្ភបងនៅមានខ្ញុំ មានសមាជិកគ្រួសារ ឬអ្នកផ្សេងទៀតដែលចាំជួយ និងជួយ​រក​វិធី​ជួយ​។”</li></ul>២. កុំទុកឱ្យពួកគេនៅតែឯង៖ យើងត្រូវនៅជាមួយពួកញេឬត្រូវមាននរណាម្នាក់​នៅជាមួយ​ពួក​គេ​រហូតដល់យើងប្រាកដថាពួកគេលែងមានបំណងសម្លាប់ខ្លួន។៣. យករបស់ដែលអាចបង្កគ្រោះថ្នាក់ចេញ៖ យើងត្រូវយក <a target="_blank" href="https://hellokrupet.com/search/?s=%E1%9E%90%E1%9F%92%E1%9E%93%E1%9E%B6%E1%9F%86&amp;page=1">ថ្នាំ</a> កាំបិត ឡាម ខ្សែ កាំភ្លើង ឬរបស់​មុតស្រួច​ទាំងអស់​ទៅលាក់ទុក ឬចេញឱ្យឆ្ងាយពីអ្នកចង់សម្លាប់ខ្លួន។៤. ជួយពួកគេរកជំនួយ៖ យើងត្រូវជួយស្វែងរក និងទទួល​ជំនួយ​ពីអ្នក​ដែលពួកគេត្រូវ​ការ​ដូចជា មិត្តភក្តិ ក្រុមគ្រួសារ មេភូមិ ឬអ្នកជំនាញដូចជា វេជ្ជបណ្ឌិត ឬអ្នកប្រឹក្សាយោបល់ ឬ​អង្គការ​សង្រ្គោះនានា ឱ្យបានឆាប់តាមដែលអាចធ្វើទៅបាន ហើយទៅជាមួយពួកគេ ប្រសិន​បើ​ជា​អាច។ប្រសិនបើមិត្តភក្តិ ឬសមាជិកគ្រួសារកំពុងមានបំណងសម្លាប់ខ្លួន យើងត្រូវ៖<ul><li>ហៅអ្នកដែលនៅជិតៗមកជួយ។</li><li>ទូរស័ព្ទសុំជំនួយពីអាជ្ញាធរ ក្រុមសង្រ្គោះ មិត្តភក្តិ ឬក្រុមគ្រួសារ។</li><li>ទូរស័ព្ទហៅឡានសង្រ្គោះបន្ទាន់។</li><li>កុំទុកពួកគាត់នៅតែឯង ត្រូវនៅជាមួយពួកគាត់ ហើយជួយ​ពួកគាត់​ឱ្យ​មាន​សុវត្ថិភាព​រហូត​ដល់​ក្រុមសង្រ្គោះមកដល់។</li><li>ត្រូវយកកាំបិត ថ្នាំ អាវុធ ឬរបស់របរអ្វីដែលអាចបង្កគ្រោះថ្នាក់ដល់ជីវិតចេញឱ្យអស់។</li><li>ព្យាយាមនិយាយជាមួយពួកគាត់ដោយទន់ភ្លន់​ និងស្តាប់ពួកគាត់ ហើយសួរ​សំណួរ​ដោយ​មិន​ធ្វើការវិនិច្ឆ័យអ្វីទាំងអស់។</li><li>ត្រូវផ្តល់ក្តីសង្ឃឹមដល់ពួកគាត់ ​និងត្រូវធ្វើឱ្យពួកគាត់ដឹងថា យើងយកចិត្តទុកដាក់នឹងគាត់។</li><li>ត្រូវនិយាយលួងលោមគាត់ថា មានមនុស្សជាច្រើនដែលត្រូវការពួកគាត់ យកចិត្ត​ទុកដាក់​នឹង​ពួកគាត់ និងចាំជួយពួកគាត់។</li></ul>ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។&nbsp;<a target="_blank" href="https://hellokrupet.com/healthy-living/health-tips/70337/">Hello Health Group</a>&nbsp;មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕&nbsp;អត្ថបទផ្ដល់សិទ្ធិដោយ&nbsp;<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%95%e1%9f%92%e1%9e%9b%e1%9e%bc%e1%9e%9c%e1%9e%85%e1%9e%b7%e1%9e%8f%e1%9f%92%e1%9e%8f/%E1%9E%9C%E1%9E%B7%E1%9E%92%E1%9E%B8%E1%9E%94%E1%9E%89%E1%9F%92%E1%9E%85%E1%9F%80%E1%9E%9F%E1%9E%80%E1%9E%B6%E1%9E%9A%E1%9E%9F%E1%9E%98%E1%9F%92%E1%9E%9B%E1%9E%B6%E1%9E%94%E1%9F%8B%E1%9E%81%E1%9F%92%E1%9E%9B%E1%9E%BD%E1%9E%93/159289/">Hello Krupet</a>

៤ យ៉ាងជួយអ្នកចង់សម្លាប់ខ្លួនបានកាន់តែឆាប់កាន់តែល្អ!