មាន១៩៥ប្រទេសជុំវិញពិភពលោក ដែលប្រទេសទាំងអស់ជុំវិញពិភពលោកមានសេដ្ឋកិច្ចផ្សេងៗពីគ្នា។ វិស័យសេដ្ឋកិច្ចនៃប្រទេសនីមួយៗដើរតួយ៉ាងសំខាន់ក្នុងការកំណត់ពីអាត្រាជីវភាពរបស់ប្រទេសនោះ។ យើងអាចដឹងថាប្រទេសណាមានជាងគេ និងប្រទេសណាដែលក្រជាងគេបាន គឺយើងអាចវាស់ស្ទង់បានដោយយកផលិតផលក្នុងស្រុកសរុបទៅធៀបនឹងចំនួនប្រជាជនសរុបដែលភាសាកាត់អង់គ្លេសថាGDP(Gross Domestic Product) បន្ទាប់មកយើងនឹងទទួលបានផលិតផលក្នុងស្រុកសម្រាប់មនុស្សម្នាក់ៗ។
ចង់ដឹងថាប្រទេសដែលមានជាងគេទាំង១០នោះមានប្រទេសណាខ្លះ សូមតាមដានជាមួយគ្នានៅខាងក្រោម ដោយរាប់ពីប្រទេសដែលមានទី១០ មកប្រទេសដែលមានជាងគេទី១៖
១០. សហរដ្ឋអាមេរិក (United States of America)
សហរដ្ឋអាមេរិកត្រូវបានគេស្គាល់ថាជាប្រទេសដែលមានជាងគេទី១០។ ប្រទេសនេះមានប្រជាជនប្រមាណ ៣១០លាននាក់ក្នុងឆ្នាំ២០២០។ ផលិតផលក្នុងស្រុកសរុបសម្រាប់មនុស្សម្នាក់ៗគឺ ៦៤,៧៧០ដុល្លា។ ប្រាក់ចំណូល និងសេដ្ឋកិច្ចរបស់ប្រទេសនេះភាគច្រើនបានមកពីឧស្សហកម្មរថយន្ត។
៩. ប្រទេសស្វីស (Switzerland)
ប្រទេសស្វីសជាប្រទេសដែលមានជាងគេលំដាប់ទី៩ក្នុងពិភពលោក។ ប្រទេសនេះមានចំនួនប្រជាជនជាង៨លាននាក់ក្នុងឆ្នាំ២០២០។ ផលិតផលក្នុងស្រុកសម្រាប់មនុស្សម្នាក់ៗគឺ៦៧,៧៤១ដុល្លា។ សេដ្ឋកិច្ចនិងប្រាក់ចំណូលរបស់ប្រទេសនេះបានមកការផលិតគ្រឿងចក្រ និងគ្រឿងឧបភោគបរិភោគ។
៨. ប្រទេសគុយវ៉ែត (Kuwait)
ប្រទេសគុយវ៉ែតជាប្រទេសមានជាងគេលំដាប់ទី៨។ ប្រទេសនេះមានចំនួនប្រជាជនជាង៤លាននាក់ក្នុងឆ្នាំ២០២០។ ផលិតផលក្នុងស្រុកសរុបសម្រាប់មនុស្សម្នាក់ៗគឺ៦៧,៩៧០ដុល្លា។ សេដ្ឋកិច្ចនិងប្រាក់ចំណូលភាគច្រើនបានមកពីការផ្គត់ផ្គង់ប្រេងក្នុងពិភពលោក។
៧. ប្រទេសអារ៉ាប់រួម (United Arab Emirates)
ប្រទេសអារ៉ាប់រួមជាប្រទេសមានជាងគេលំដាប់ទី៧។ ប្រទេសនេះមានចំនួនប្រជាជនសរុបជិត១០លាននាក់ក្នុងឆ្នាំ២០២០។ ផលិតផលក្នុងស្រុកសម្រាប់មនុស្សម្នាក់គឺ៧០,៥៧០ដុល្លា។ ១ភាគ៣នៃប្រាក់ចំណូលរបស់ប្រទេសនេះបានមកពីការផ្គត់ផ្គងប្រេង និងវិស័យសេវាកម្មទូគមនាគមន៍។
៦. ប្រទេសន័រវ៉េ (Norway)
ប្រទេសន័រវ៉េជាប្រទេសមានជាងគេលំដាប់ទី៦។ ប្រទេសនេះមានប្រជាជនសរុបចំនួនប្រមាណ៥លាននាក់ក្នុងឆ្នាំ២០២០។ ផលិតផលផលក្នុងស្រុកសរុបសម្រាប់មនុស្សម្នាក់ៗគឺ៧៦,៧៤០ដុល្លា។ ប្រាក់ចំណូលនៃប្រទេសនេះបានមកពីការចម្រាញ់ប្រេងធំជាងគេទី៩ និងលំដាប់ទី៣ក្នុងការនាំចេញផលិតផលហ្គាស។
៥. ប្រទេសអៀឡង់ (Ireland)
ប្រទេសអៀឡង់ជាប្រទេសដែលមានជាងគេលំដាប់ទី៥។ ប្រទេសមានចំនួនប្រជាជនសរុបប្រមាណ៤លាន៨សែននាក់ក្នុងឆ្នាំ២០២០។ ផលិតផលក្នុងស្រុកសរុបសម្រាប់មនុស្សម្នាក់ៗគឺ៨២,៤៤០ដុល្លា។ ប្រាក់ចំណូលភាគច្រើននៃប្រទេសនេះបានមកពីយុទ្ធភ័ណ្ឌរ៉ែ និងផលិតផលអាហារ។
៤. ប្រទេសព្រុយណេ (Brunei)
ប្រទេសព្រុយណេជាប្រទេសមានជាងគេលំដាប់ទី៤។ ប្រទេសនេះមានចំនួនប្រជាជនប្រមាណ៤សែននាក់ក្នុងឆ្នាំ ២០២០។ ផលិតផលក្នុងស្រុកសរុបរបស់ប្រទេសនេះសម្រាប់មនុស្សម្នាក់ៗគឺ៨៣,៧៨០ដុល្លា។ ប្រទេសព្រុយណេជាប្រទេសផលិតឧស្ម័នធម្មជាតិធំលំដាប់ទី៩ និងលំដាប់ទី៣ខាងផលិតប្រេងនៅតំបន់អាសីុអាគ្នេយ៍។
៣. ប្រទេសសិង្ហបុរី (Singapore)
ប្រទេសសិង្ហបុរីជាប់ជាប្រទេសដែលមានជាងគេលំដាប់ទី៣។ ប្រទេសនេះមានចំនួនប្រជាជនជាង៥លាននាក់ក្នុងឆ្នាំ២០២០។ ផលិតផលក្នុងស្រុកសរុបសម្រាប់មនុស្សម្នាក់ៗគឺ១០៣,៧២០ដុល្លា។ ប្រាក់ចំណូលភាគច្រើនរបស់ប្រទសនេះបានមកពីវិស័យសេវាកម្មហិរញ្ញវត្ថុ ឧស្សហកម្មនាំចេញគីមី ហើយប្រទេសនេះមានកំពង់ផែមមាញឹកលំដាប់ទី២ក្នុងពិភពលោក។
២. ប្រទេសលុចហ្សាំបួក (Luxembourg)
ប្រទេសលុចហ្សាំបួកជាប់ជាប្រទេសមានជាងគេលំដាប់ទី២។ ប្រទេសនេះមានចំនួនប្រជាជនសរុបជា៦លាននាក់ក្នុងឆ្នាំ២០២០។ រីឯផលិតផលក្នុងស្រុកសម្រាប់មនុស្សម្នាក់ៗគឺមានចំនួន១០៨,៨១០ដុល្លា។ សេដ្ឋកិច្ចនិងប្រាក់ចំណូលរបស់ប្រទេសនេះភាគច្រើនមានមកពីវិស័យហិរញ្ញវត្ថុ និងឧស្សហកម្មដែកថែប។
១. ប្រទេសកាតា (Qatar)
ប្រទេសកាតាត្រូវបានគេស្គាល់ជាប្រទេសមានជាងគេលំដាប់លេខ១។ ប្រទេសនេះមានចំនួនប្រជាជនប្រមាណជិត៣លាននាក់ក្នុងឆ្នាំ២០២០។ ផលិតផលក្នុងស្រុករបស់ប្រទេសនេះគឺមានដល់ទៅ១៣៤,៦២០ដុល្លា។ សេដ្ឋកិច្ចនិងប្រាក់ចំណូលរបស់ប្រទេសនេះភាគច្រើនបានមកពីឧស្សាហកម្មរុករកប្រេង៕