រឿងសំខាន់ខ្លះៗដែលគួរដឹង បើស្ត្រីកំពុងមានផ្ទៃពោះឆ្លងជំងឺកូវីដ១៩!
យល់ដឹង៖ ជំងឺរាតត្បាតរ៉ាំរ៉ៃ (COVID-១៩)បានបង្កឱ្យមានការព្រួយបារម្ភយ៉ាងខ្លាំងក្នុងរយៈពេលជាច្រើនខែកន្លងមកនេះជាពិសេសក្នុងចំណោមស្ត្រីមានផ្ទៃពោះ។ការមានផ្ទៃពោះអាចមានភាពតានតឹង។
នេះជាអ្វីដែលត្រូវដឹងប្រសិនបើអ្នកឆ្លងកូវីដ ១៩នៅពេលអ្នកមានផ្ទៃពោះ។
ប្រសិនបើអ្នកត្រូវបានគេធ្វើរោគវិនិច្ឆ័យឃើញថាមានជំងឺកូវីដ១៩ មានជំហានជាច្រើនដែលយើងត្រូវធ្វើដើម្បីការពារអ្នកឱ្យមានសុវត្ថិភាព។ គ្រូពេទ្យឯកទេសខាងសម្ភពរបស់អ្នកនឹងកំណត់ពេលវីដេអូខល និងទូរស័ព្ទញឹកញាប់ដើម្បីជួយអ្នកតាមដានរោគសញ្ញានិងទារករបស់អ្នក។
ប្រសិនបើអ្នកត្រូវបានអនុញ្ញាតឱ្យចូលមន្ទីរពេទ្យដោយមានរោគសញ្ញាកូវីត១៩ឬក្នុងពេលសំរាលកូនអ្នកនឹងត្រូវមានក្រុមគ្រូពេទ្យឯកទេសខាងសម្ភព គ្រូពេទ្យជំនាញខាងថ្នាំសន្លប់គិលានុបដ្ឋាយិការនិងគ្រូពេទ្យជំនាញ ប្រសិនបើចាំបាច់។
ស្ត្រីមានផ្ទៃពោះខ្លះដែលមានជំងឺកូវីត -១៩ធ្លាប់មានបទពិសោធន៍ឆ្លងទន្លេមិនគ្រប់ខែ ប៉ុន្តែថាតើបញ្ហានេះបណ្តាលមកពីជំងឺកូវីដ-១៩ ឬដោយសារមូលហេតុផ្សេងទៀតក៏មិនច្បាស់ដែរ។ ជំងឺកូវីត-១៩ខ្លួនវាមិនមែនជាហេតុផលសម្រាប់ការសម្រាលកូនមុនពេលកំណត់ទេ។
ការសម្រាលកូននៅពេលដែលមានជំងឺកូវីដ-១៩មានន័យថាត្រូវមានការប្រុងប្រយ័ត្នបន្ថែម។
ប្រសិនបើម្តាយឆ្លងកូវីដ ១៩ នៅពេលទារកកើត យើងលើកទឹកចិត្តឱ្យគាត់ពិចារណាពីការដាក់ទារកឱ្យនៅដាច់ដោយឡែកដើម្បីជួយជៀសវាងការចម្លងកូវីដ -១៩ ទៅទារក។
ទោះយ៉ាងណាក៏ដោយយើងយល់ថា ស្ត្រីជាម្ដាយម្នាក់ប្រហែលជាមិនចង់ញែកចេញពីកូនរបស់នាងដោយសារតែការព្រួយបារម្ភអំពីការរំខាននៃទំនាក់ទំនងម្ដាយកូន និងការបំបៅកូនដោយទឹកដោះ។យើងក៏យល់ដែរថា នេះគឺជាការសំរេចចិត្តដ៏លំបាកមួយ។ នៅចុងបញ្ចប់វាអាស្រ័យលើម្តាយ។
ប្រសិនបើបំណងប្រាថ្នារបស់ម្តាយគឺចង់នៅជាមួយកូនយើងសូមណែនាំឱ្យអនុវត្តការប្រុងប្រយ័ត្នដូចខាងក្រោម:
· ពាក់ម៉ាស
· ទុកឱ្យទារកចម្ងាយ ៦ហ្វីតបើអាចធ្វើទៅបាន
· អនុវត្តការលាងដៃឱ្យបានត្រឹមត្រូវជាពិសេសមុនពេលប្រើទារក
ខណៈពេលដែលជំងឺកូវីដ-១៩ ហាក់ដូចជាមិនរីករាលដាលតាមរយៈទឹកដោះម្តាយ វានៅតែអាចរាលដាលតាមរយៈដំណក់ទឹកក្នុងពេលបំបៅដោះ។ប្រសិនបើម្តាយដាច់ឆ្ងាយពីទារក ការបំបៅកូនដោយទឹកដោះតាមរយៈការបូម និងការបំបៅដោយសមាជិកគ្រួសារដែលមានសុខភាពល្អត្រូវបានលើកទឹកចិត្ត។ការលាងសុដន់មុនពេលបូម និងសម្លាប់មេរោគលើបំពង់បូម និងដបបន្ទាប់ពីបូមជួយកាត់បន្ថយហានិភ័យនៃការឆ្លង។
ប្រសិនបើម្តាយមិនដាច់ឆ្ងាយពីកូនទេនោះ គួរបំបៅកូនដោយទឹកដោះបន្ទាប់ពីការលាងដៃ និងលាងសុដន់ដោយប្រុងប្រយ័ត្ន៕