ចាប់​តាំង​ពី<a target="_blank" href="https://hellokrupet.com/%e1%9e%87%e1%9f%86%e1%9e%84%e1%9e%ba%e1%9e%86%e1%9f%92%e1%9e%9b%e1%9e%84/%e1%9e%9c%e1%9e%b8%e1%9e%9a%e1%9e%bb%e1%9e%9f%e1%9e%80%e1%9e%bc%e1%9e%9a%e1%9f%89%e1%9e%bc%e1%9e%8e%e1%9e%b6/">​ជំងឺ​កូវីដ-១៩ </a>រាតត្បាត​មក យើង​ម្នាក់​ៗ​ត្រូវ​ពាក់​ម៉ាស និង​លាង​ដៃ​ជាមួយ​ជែល ឬ​អាល់កុល​ជាប់​ជានិច្ច ដើម្បី​ការ​ពារ​ខ្លួន​ពី​ការ​ឆ្លង​ជំងឺ​ផ្លូវ​ដង្ហើម​ដ៏​កាច​សាហាវ​នេះ។ ដោយ​សារ​តែ​លាង​ដៃ​នឹង​អាល់កុល​ញឹក​ញាប់​ពេក បណ្ដាល​ឲ្យ​<a target="_blank" href="https://hellokrupet.com/%E1%9E%87%E1%9F%86%E1%9E%84%E1%9E%BA%E1%9E%86%E1%9F%92%E1%9E%9B%E1%9E%84/%E1%9E%9C%E1%9E%B8%E1%9E%9A%E1%9E%BB%E1%9E%9F%E1%9E%80%E1%9E%BC%E1%9E%9A%E1%9F%89%E1%9E%BC%E1%9E%8E%E1%9E%B6/100213/">ស្ងួត​ដៃ</a> ឬ​គ្នា​យើង​ខ្លះ​មាន​ឡើង​អាចម៍​រុយ​លើ​ខ្នង​ដៃ​ថែម​ទៀត។ជុំ​វិញ​បញ្ហា​នេះ លោក​វេជ្ជបណ្ឌិត ហ៊ាង រតនា ឯកទេស​ជំងឺ​ទូទៅ និង​ជំងឺ​កុមារ បាន​ឲ្យ​ដឹង​ថា ចេញ​ស្នាម​អុជ​ៗ​ខ្មៅ​លើ​ប្រអប់​ដៃ មូល​ហេតុ​សង្ស័យ​ខ្ពស់​ជាង​គេ ​គឺ​មក​ពី​លាង​អាល់កុល ឬ​ជែល​ដែល​មាន​ជាតិ​មេតាណុល ហើយ​បន្ទាប់​មក<a target="_blank" href="https://hellokrupet.com/%E1%9E%9F%E1%9E%BB%E1%9E%81%E1%9E%97%E1%9E%B6%E1%9E%96%E1%9E%9F%E1%9F%92%E1%9E%94%E1%9F%82%E1%9E%80/%E1%9E%94%E1%9E%89%E1%9F%92%E1%9E%A0%E1%9E%B6%E1%9E%9F%E1%9F%92%E1%9E%94%E1%9F%82%E1%9E%80%E1%9E%95%E1%9F%92%E1%9E%9F%E1%9F%81%E1%9E%84%E1%9E%91%E1%9F%80%E1%9E%8F/114131/">​ប្រអប់​ដៃ</a>​យើង​ត្រូវ​ពន្លឺ​ថ្ងៃ។ កាល​ណា​យើង​ឡើង​អាចម៍​រុយ​លើ​ខ្នង​ដៃ ទោះ​វា​មិន​សូវ​បង្ក​ជា​បញ្ហា​ធ្ងន់ធ្ងរ ប៉ុន្តែ​វា​អាច​ជាប់​នៅ​លើ​ស្បែក​យើង​យូរ និង​ពិបាក​កម្ចាត់​ទៅ​វិញ។វេជ្ជបណ្ឌិត​រូប​នេះ​បន្ត​ថា ក្នុង​ករណី​យើង​ឡើង​អាចម៍​រុយ​លើ​ខ្នង​ដៃ គួរ​ទៅ​ពិភាក្សា​ជា​មួយ​គ្រូពេទ្យ​ជំនាញ​សើស្បែក ឬ​អាច​ប្រើ​ឡេ​ផ្ដល់​សំណើម​ដល់​ស្បែក ដែល​មិន​មាន​ជាតិ​កាត់ និងមិនមាន​​ជាតិ​បារត។ ម៉្យាង​វិញ​ទៀត យើង​គួរ​ការពារ​មិន​ឲ្យ​ត្រូវ​កម្ដៅ​ថ្ងៃ​ដាច់​ខាត និង​ផ្អាក​ការ​ប្រើ​អាល់កុល​ដោយ​ប្រើ​សាប៊ូ​លាង​ដៃ​ជំនួស​វិញ (ឬ ប្រើ​អាល់កុល ឬ​ជែល តែ​ត្រូវ​ប្រាកដ​ថា​គ្មាន​ជាតិ​មេតាណុល)។<h3>វិធី​ការពារ​ ឡើង​អាចម៍​រុយ​លើ​ខ្នង​ដៃ</h3><ul><li>ប្រើប្រាស់​ឡេ​ការពារ​កម្ដៅ​ថ្ងៃ៖&nbsp;ការ​ប្រើ​ឡេ​ការពារ​កម្ដៅ​ថ្ងៃ ​គឺ​មិន​អាច​កម្ចាត់​អាចម៍រុយ​បាន​ក៏​ពិត​មែន តែ​វា​មាន​ប្រសិទ្ធភាព​ខ្ពស់​ក្នុង​ការ​ការពារ​មិន​កើត​អាចម៍រុយ​បន្ត​បន្ទាប់​គ្នា។</li><li>​ពាក់​ស្រោម​ដៃ​ជិតៗ៖&nbsp;ផ្ទៃ​ខ្នង​ដៃ​ក៏​ត្រូវ​ការ​ការពារ​ដូច​នឹង​ផ្នែក​ដទៃ​នៃ​រាង​កាយ​ដែរ ដូចនេះ បើ​មិន​ចង់​កើត​អាចម៍រុយ ឬ​ជាំ​ខ្មៅ​ដៃ​ទេ គួរ​ពាក់​ស្រោម​ដៃ​ឃ្លុំ​ជិតៗ​ពេល​ចេញ​ទី​ខាង​ក្រៅ។</li><li>ជៀស​វាង​ត្រូវ​កម្ដៅ​ថ្ងៃ៖&nbsp;ចុង​ក្រោយ​នោះ​គឺ​ត្រូវ​ជៀស​ឲ្យ​ផុត​ពី​កត្តា​ដែល​បង្ក​ឲ្យ​មាន​អាចម៍រុយ​ឲ្យ​បាន​។ យក​ល្អ បើ​អាច​មិន​បាច់​ចេញ​ទៅ​ក្រៅ​ផ្ដេសផ្ដាស​ទេ ពេល​មេឃ​ក្ដៅ​ហែង។</li></ul>ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។&nbsp;<a target="_blank" href="https://hellokrupet.com/healthy-living/health-tips/70337/">Hello Health Group</a>&nbsp;មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕&nbsp;អត្ថបទផ្ដល់សិទ្ធិដោយ&nbsp;<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%9f%e1%9f%92%e1%9e%94%e1%9f%82%e1%9e%80/%e1%9e%9f%e1%9f%92%e1%9e%94%e1%9f%82%e1%9e%80/156950/">Hello Krupet</a>

ប្រើអាល់កុលរាល់ថ្ងៃ ឡើងអាចម៍រុយលើខ្នងដៃ ដោះស្រាយតាមតិចនិកនេះ!