គ្នាយើងមានធ្លាប់ជួបបញ្ហាហើម រមាស់ស្បែក ឡើងកន្ទាលត្រអាក បន្ទាប់ពីលេបថ្នាំរួចឬអត់? បើមានអាហារអាការៈបែបនេះ អាចថាមានប្រតិកម្មអាលែកហ្ស៊ីនឹងថ្នាំពេទ្យដែលយើងកំពុងប្រើនោះហើយ។ អាលែកហ្ស៊ីថ្នាំពេទ្យ គឺជាប្រតិកម្មខុសប្រក្រតីមួយរបស់ប្រព័ន្ធភាពស៊ាំទៅនឹងថ្នាំនោះ។ មិនថាថ្នាំមានវេជ្ជបញ្ជា ឬថ្នាំមិនត្រូវការវេជ្ជបញ្ជាទេ គឺអាចបង្កឲ្យមានអាលែកហ្ស៊ីបានដែរ។
សញ្ញា និងរោគសញ្ញានៃប្រតិកម្មអាលែកហ្ស៊ីនឹងថ្នាំពេទ្យអាចលេចឡើងក្នុងរង្វង់មួយម៉ោងក្រោយលេប ឬអាចពេលខ្លះមានរហូតដល់ច្រើនម៉ោង ឬថ្ងៃផងក៏មាន។
សញ្ញា និងរោគសញ្ញាអាលែកហ្ស៊ីនឹងថ្នាំពេទ្យអាចមានដូចជា រមាស់ ក្ដៅខ្លួន ឡើងកន្ទាលត្រអាក ហើមសរីរាង្គ ហត់ ដកដង្ហើមឮដូចហួច ហៀរសំបោរ និងរមាស់ភ្នែក ឬហៀរទឹកភ្នែកជាដើម។
ចំណែកសញ្ញា និងរោគសញ្ញាអាលែកហ្ស៊ីថ្នាំពេទ្យកម្រិតធ្ងន់ធ្ងរវិញអាចមានដូចជា៖
ក្នុងករណីសង្ស័យថាយើងមានប្រតិកម្មអាលែកហ្ស៊ីនឹងថ្នាំពេទ្យណាមួយកំពុងប្រើប្រាស់ យើងគួរទៅជួបពេទ្យវិញភ្លាមដែរ និងរឹតតែត្រូវស្វែងរកការសង្គ្រោះបន្ទាន់ បើយើងមានអាការៈប្រតិកម្មអាលែកហ្ស៊ីនឹងថ្នាំពេទ្យធ្ងន់ធ្ងរ។
អាលែកហ្ស៊ីនឹងថ្នាំពេទ្យ កើតឡើងពេលប្រព័ន្ធភាពស៊ាំរបស់យើង យល់ច្រឡំថាថ្នាំដែលយើងកំពុងប្រើជាសារធាតុបង្កគ្រោះថ្នាក់ ដូចជាវីរុស ឬបាក់តេរី។ នៅពេលប្រព័ន្ធភាពស៊ាំយើងចាត់ទុកថាថ្នាំដែលយើងប្រើជាសារធាតុបង្កគ្រោះថ្នាក់ វានឹងបង្កើតអង់ទីករជាក់លាក់មួយសម្រាប់ថ្នាំនោះដែរ។ ប៉ុន្តែ ពេលខ្លះ អាលែកហ្ស៊ីនឹងថ្នាំនេះមិនកើតមានទេនៅពេលយើងប្រើលើកទីមួយ លុះត្រាតែមានការប្រើច្រើនដង ទើបអាចវិវត្តទៅជាមានបញ្ហាអាលែកហ្ស៊ីនេះក៏មាន។
ទោះបីជាគ្រប់ថ្នាំទាំងអស់សុទ្ធតែអាចមានលទ្ធភាពធ្វើឲ្យមានប្រតិកម្មអាលែកហ្ស៊ី តែភាគច្រើនថ្នាំដែលងាយនឹងមានប្រតិកម្មអាលែកហ្ស៊ីមានដូចជា ពពួកថ្នាំផ្សះ ថ្នាំបំបាក់ការឈឺចាប់ ថ្នាំព្យាបាលជំងឺមហារីក និងថ្នាំសម្រាប់ជំងឺប្រព័ន្ធភាពស៊ាំវាយប្រហារលើកោសិការាងកាយខ្លួនឯង។
ខណៈមនុស្សគ្រប់គ្នាសុទ្ធតែអាចមានបញ្ហាអាលែកហ្ស៊ីនឹងថ្នាំពេទ្យ ប៉ុន្តែអ្នកមានបញ្ហាទាំងនេះនឹងមានកត្តាប្រឈមខ្ពស់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet