<p>ថ្វី​ត្បិត​តែ​<a target="_blank" href="https://hellokrupet.com/%e1%9e%96%e1%9e%96%e1%9f%84%e1%9f%87/%e1%9e%98%e1%9e%b6%e1%9e%93%e1%9e%95%e1%9f%92%e1%9e%91%e1%9f%83%e1%9e%96%e1%9f%84%e1%9f%87/143645/">គ្រាប់​ល្ពៅ​</a>ជា​ប្រភព​នៃ​សារធាតុ​ចិញ្ចឹម​ ប៉ុន្តែ​បើ​យើង​ញ៉ាំ​លើស​កម្រិត​ ​អាច​បង្ក​ជា​ផល​ប៉ះពាល់​ដល់​សុខភាព​ទៅ​វិញ​។ ជាក់​ស្ដែង គ្រាប់​ល្ពៅ​សម្បូរ​ទៅ​ដោយ​ស័ង្កសី ម៉ាញេស្យូម​ ផូស្វ័រ ទង់​ដែង​ និង​ប្រូតេអ៊ីន​ ព្រម​ទាំង​អាស៊ីដ​ខ្លាញ់​សំខាន់​ៗ ដែល​ជួយ​រក្សា​សរសៃ​ឈាម​ឲ្យ​មាន​សុខភាព​ល្អ និង​កាត់​បន្ថយ​កូលេស្តេរ៉ូល​អាក្រក់​នៅ​ក្នុង​រាងកាយ​ថែម​ទៀត​ផង​។</p><h3>យើង​គួរ​ញ៉ាំ​គ្រាប់​ល្ពៅ​ក្នុង​បរិមាណ​​ណា​ក្នុង​មួយ​ថ្ងៃ​?</h3><p>បើ​យោង​តាម​សមាគម​បេះដូង​អាមេរិក​បាន​ណែនាំ​ថា យើង​គប្បី​ញ៉ាំ​គ្រាប់​ល្ពៅ​ត្រឹម​តែ​២៨​ក្រាម​ ទៅ​៣០​ក្រាម​​ជា​រៀង​រាល់​ថ្ងៃ និង​មិន​ត្រូវ​ញ៉ាំ​លើស​កម្រិត​ឡើយ​ ពីព្រោះ​វា​អាច​បង្ក​ជា​បញ្ហា​សុខភាព​ផ្សេង​ទៅ​វិញ​។តើ​ការ​ញ៉ាំ​គ្រាប់​ល្ពៅ​លើស​កម្រិត​បណ្ដាល​​ប៉ះពាល់​អ្វី​ខ្លះ​ដល់​សុខភាព​?</p><h3>១. បញ្ហា​រំលាយ​អាហារ​</h3><p>ពិត​ណាស់​ គ្រាប់​ល្ពៅ​អាច​បណ្ដាល​ឲ្យ​ឈឺ​ពោះ ប្រសិនបើ​យើង​ញ៉ាំ​ក្នុង​បរិមាណ​ច្រើន​ ពីព្រោះ​សម្បូរ​ទៅ​ដោយ​ជាតិ​សរសៃ​ខ្ពស់​ ដែល​អាច​បង្ក​ជា​អាការៈ​<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%98%e1%9e%93%e1%9e%bb%e1%9e%9f%e1%9f%92%e1%9e%9f%e1%9e%85%e1%9e%b6%e1%9e%9f%e1%9f%8b/%E1%9E%87%E1%9F%86%E1%9E%84%E1%9E%BA%E1%9E%A7%E1%9E%9F%E1%9F%92%E1%9E%9F%E1%9E%B6%E1%9E%A0%E1%9F%8D%E1%9E%80%E1%9E%BE%E1%9E%8F%E1%9E%9B%E1%9E%BE%E1%9E%98%E1%9E%93%E1%9E%BB%E1%9E%9F%E1%9F%92%E1%9E%9F%E1%9E%85%E1%9E%B6%E1%9E%9F%E1%9F%8B/154764/">ហើម​ពោះ</a> និង​ហ្គាស​។ ជាមួយ​គ្នា​នេះ​ដែរ គ្រាប់​ល្ពៅ​ក៏​ផ្ទុក​ប្រេង​ខ្លាញ់ ដែល​​អាច​​នាំ​ឲ្យ​រមួល​ក្រពើ និង​ឈឺចាប់​ បើ​ញ៉ាំ​លើស​កម្រិត​។</p><h3>២. អាលែកហ្ស៊ី​</h3><p>មនុស្ស​ជា​ច្រើន​ អាលែកហ្ស៊ី​នឹង​គ្រាប់​ល្ពៅ និង​កើត​មាន​ប្រតិកម្ម​មួយ​ចំនួន​ដូចជា​រលាក​បំពង់​ក ក្អក​ និង​ឈឺ​ក្បាល​ជា​ដើម។</p><h3>៣. ឡើង​ទម្ងន់​</h3><p>ដោយ​សារ​តែ​គ្រាប់​ល្ពៅ​ផ្ទុក​ទៅ​ដោយ​កាឡូរី ការ​ញ៉ាំ​គ្រាប់​ល្ពៅ​ច្រើន​ជ្រុល​ អាច​នាំ​ឲ្យ​យើង​ឡើង​​ទម្ងន់​ដោយ​មិន​ដឹង​មូលហេតុ​។ ដូច្នេះ​ហើយ​ គ្នា​យើង​គប្បី​ញ៉ាំ​គ្រាប់​ល្ពៅ​​ក្នុង​កម្រិត​មួយ​សម​ល្មម​ ទើប​ជា​ការ​ប្រសើរ​។</p><h3>៤.​ ​គ្មាន​សុវត្ថិភាព​សម្រាប់​អ្នក​មាន​សម្ពាធ​ឈាម​ទាប</h3><p>​ក្នុង​ករណី​ដែល​គ្នា​យើង​មាន<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%94%e1%9f%81%e1%9f%87%e1%9e%8a%e1%9e%bc%e1%9e%84/%e1%9e%87%e1%9f%86%e1%9e%84%e1%9e%ba%e1%9e%9b%e1%9e%be%e1%9e%9f%e1%9e%9f%e1%9e%98%e1%9f%92%e1%9e%96%e1%9e%b6%e1%9e%92%e1%9e%88%e1%9e%b6%e1%9e%98/135698/">​សម្ពាធ​ឈាម​ទាប</a>​ស្រាប់​ គួរ​ជៀសវាង​ញ៉ាំ​គ្រាប់​ល្ពៅ ពីព្រោះ​ថា​គ្រាប់​ធញ្ញជាតិ​មួយ​ប្រភេទ​នេះ មាន​សារធាតុ​ប្រឆាំង​នឹង​អុកស៊ីតកម្ម​ពី​ធម្មជាតិ​ និង​​កាន់​តែ​ជួយ​កាត់​បន្ថយ​សម្ពាធ​ឈាម​របស់​យើង​ឲ្យ​ស្ថិត​ក្នុង​កម្រិត​ដ៏​​គ្រោះថ្នាក់​មួយ​​។</p><p>ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។&nbsp;<a target="_blank" href="https://hellokrupet.com/healthy-living/health-tips/70337/">Hello Health Group</a>&nbsp;មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕&nbsp;</p><p><b>អត្ថបទផ្ដល់សិទ្ធិដោយ&nbsp;</b><a target="_blank" href="https://hellokrupet.com/%e1%9e%9a%e1%9e%94%e1%9e%94%e1%9e%a2%e1%9e%b6%e1%9e%a0%e1%9e%b6%e1%9e%9a/%e1%9e%9a%e1%9e%bc%e1%9e%94%e1%9e%98%e1%9e%93%e1%9f%92%e1%9e%8f%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96/163462/">Hello Krupet</a></p>

គ្រាប់​ល្ពៅ ​​កុំញ៉ាំច្រើន​ពេក​​​អាច​បង្ក​បញ្ហា​សុខភាព​​មួយចំនួន!