<p><a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%94%e1%9f%92%e1%9e%9a%e1%9e%96%e1%9f%90%e1%9e%93%e1%9f%92%e1%9e%92%e1%9e%9a%e1%9f%86%e1%9e%9b%e1%9e%b6%e1%9e%99%e1%9e%a2%e1%9e%b6%e1%9e%a0/%E1%9E%87%E1%9F%86%E1%9E%84%E1%9E%BA%E1%9E%9A%E1%9E%B6%E1%9E%80/69235/">សារធាតុ​Probiotics</a> ​មិន​ត្រឹម​តែ​​ផ្ដល់​គុណប្រយោជន៍​ដ៏​អស្ចារ្យ​​​ដល់​ក្រពះ​​​ពោះវៀន​ប៉ុណ្ណោះ​ទេ​​ ​វា​ក៏​មាន​ប្រសិទ្ធភាព​ក្នុង​ការ​ព្យាបាល​<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%9f%e1%9f%92%e1%9e%94%e1%9f%82%e1%9e%80/%e1%9e%87%e1%9f%86%e1%9e%84%e1%9e%ba%e1%9e%98%e1%9e%bb%e1%9e%93/154470/">មុន​ផ្សិត​</a>ផង​ដែរ​។ ពិត​ណាស់​ ស្បែក​ស្រស់​ស្អាត​ គ្មាន​មុន​ គឺ​ជា​បំណង​ប្រាថ្នា​របស់​​ស្រី​ៗ​គ្រប់​រូប​ ប៉ុន្តែ​បញ្ហា​ស្បែក​ផ្សេងៗ​ដូចជា​មុន​ផ្សិត​​​ ​​អាច​​បន្សល់​ស្លាកស្នាម​ដល់​ស្បែក​ ព្រម​ទាំង​ធ្វើ​ឲ្យ​ផ្ទៃ​មុខ​​​ស្រអាប់​មិន​ស្រស់​ថ្លា​។</p><p>​ជា​ទូទៅ​ មុន​ផ្សិត​​កកើត​ពី​ការ​លូតលាស់​នៃ​មេរោគ​ផ្សិត​នៅ​ក្នុង​គល់​រោម​ និង​លេច​ឡើង​ជា​មុន​តូច​ៗ​ ​​ធ្វើឲ្យ​រមាស់ និង​បង្ក​​ទៅ​ជា​មុន​ក្បាល​ស ក៏​ដូចជា​រលាក​ស្បែក​។ យ៉ាង​ណា​មិញ ស្រី​ៗ​យើង​​អាច​ដោះស្រាយ​បញ្ហា​មុន​ផ្សិត​ និង​បញ្ហា​ស្បែក​ផ្សេងៗ​ទៀត ដោយ​ប្រើប្រាស់​សារធាតុ​​ ​Probiotics។</p><h2>​សារធាតុ​​Probiotics​អាច​បង្ការ​មុន​​ផ្សិត​ដោយ​របៀប​ណា​?</h2><h3>១. បន្ថយ​ការ​រលាក​</h3><p>ការ​រលាក​​ជា​មូលហេតុ​ចម្បង​មួយ​ ដែល​​បណ្ដាល​ឲ្យ​កើត​មុន​ផ្សិត​ ឬ​បាក់តេរី​ដែល​បង្ក​ឲ្យ​កើត​មុន​ និង​ជំរុញ​ឲ្យ​មាន​ការ​រលាក​​ស្បែក​កាន់​តែ​​ធ្ងន់ធ្ងរ។ ​​សារធាតុ​Probiotics ​អាច​​ជួយ​​កាត់បន្ថយ​ការ​រលាក​បាន​យ៉ាង​ស័ក្ដិសិទ្ធិ។​ នៅ​ពេល​ដែល​យើង​ញ៉ាំ​អាហារ ឬ​ថ្នាំ​បំប៉ន​ដែល​មាន​សារធាតុ​Probiotics​ វា​អាច​កម្ចាត់​បាក់តេរី​អាក្រក់​ ឬ​ប្រឆាំង​នឹង​អតិសុខុមប្រាណ​ដ៏​គ្រោះថ្នាក់ ​និង​<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%9f%e1%9f%92%e1%9e%94%e1%9f%82%e1%9e%80/%e1%9e%9f%e1%9f%92%e1%9e%94%e1%9f%82%e1%9e%80/86780/">ការពារ​ការ​រលាក​ស្បែក​</a> ដែល​នាំ​ឲ្យ​កើត​មុន​។</p><h3>២. ពង្រឹង​សុខភាព​ពោះវៀន​</h3><p>នៅ​ពេល​ដែល​យើង​ជួប​បញ្ហា<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%94%e1%9f%92%e1%9e%9a%e1%9e%96%e1%9f%90%e1%9e%93%e1%9f%92%e1%9e%92%e1%9e%9a%e1%9f%86%e1%9e%9b%e1%9e%b6%e1%9e%99%e1%9e%a2%e1%9e%b6%e1%9e%a0/%E1%9E%9A%E1%9E%9B%E1%9E%B6%E1%9E%80%E1%9E%80%E1%9F%92%E1%9E%9A%E1%9E%96%E1%9F%87%E1%9E%96%E1%9F%84%E1%9F%87%E1%9E%9C%E1%9F%80%E1%9E%93/54883/">​ក្រពះ​ពោះវៀន</a>​ ​វា​អាច​ជះ​ឥទ្ធិពល​យ៉ាង​ខ្លាំង​លើ​សុខភាព​ទូទៅ ជា​ពិសេស ​វា​អាច​បង្ក​ឲ្យ​មាន​បញ្ហា​ស្បែក​ផ្សេង​ៗ​ដូចជា​មុន ការ​រលាក​ និង​ត្រអក​ជាដើម​។ នៅ​ពេល​ដែល​យើង​ញ៉ាំ​ពពួក​អាហារ​ដែល​មាន​សារធាតុ Probiotics វា​អាច​ជួយ​កាត់បន្ថយ​បញ្ហា​ក្រពះ​ពោះវៀន​ ក៏​ដូចជា​បង្ការ​ការ​កើត​មុន​ផ្សេង​ៗ​នៅ​លើ​​ផ្ទៃ​មុខ​។</p><h3>​​​​​​​​​​​៣. រារាំង​ការ​លូតលាស់​នៃ​បាក់តេរី​​​បង្ក​ឲ្យកើត​មុន​</h3><p>យោង​តាម​ការ​ស្រាវជ្រាវ​បាន​បង្ហាញ​ថា សារធាតុ Probiotics​ក៏​អាច​ការពារ​ការ​ផលិត​បាក់តេរី​មិន​ល្អ​ដូចជា​បាក់តេរី​មុន​propionibacterium ​តាម​រយៈ​ការ​ផលិត​ប្រូតេអ៊ីន​ប្រឆាំង​នឹង​បាក់តេរី​ទាំង​នោះ​។</p><h3>៤. គ្រប់គ្រង​ស្រ្តេស​</h3><p>ជាមួយ​គ្នា​នេះ​ដែរ <a target="_blank" href="https://hellokrupet.com/%e1%9e%87%e1%9f%86%e1%9e%84%e1%9e%ba%e1%9e%86%e1%9f%92%e1%9e%9b%e1%9e%84/%e1%9e%9c%e1%9e%b8%e1%9e%9a%e1%9e%bb%e1%9e%9f%e1%9e%80%e1%9e%bc%e1%9e%9a%e1%9f%89%e1%9e%bc%e1%9e%8e%e1%9e%b6/157572/">ស្រ្តេស</a>​ក៏​ជា​មូលហេតុ​​មួយ​ដែល​​នាំ​ឲ្យ​កើត​មុន ដោយ​សារ​តែ​សុខភាព​ផ្លូវ​ចិត្ត ពោះវៀន​ និង​ស្បែក​​មាន​ទំនាក់ទំនង​នឹង​គ្នា​។ ទោះ​ជា​យ៉ាង​នេះ​ក្ដី សារធាតុ Probiotics​ដែល​មាន​អតិសុខុមប្រាណ​ អាច​ជួយ​​ឲ្យ​សុខភាព​ផ្លូវ​ចិត្ត​ប្រសើរ​ឡើង​​ ជា​ហេតុ​​​កាត់បន្ថយ​ហានិភ័យ​នៃ​ការ​កើត​មុន​ផ្សេង​ៗ​។</p><h2>​ការ​ប្រើប្រាស់​ សារធាតុ Probiotics ​សម្រាប់​ព្យាបាល​មុន​</h2><h3>១. ​អាហារ​​មាន​សារធាតុ Probiotics</h3><p>ពពួក​អាហារ​ដែល​​ឡើងមេ ដូចជា​ទឹក​ដោះ​គោ​ជូរ និង​ឈីស គឺ​ជា​ប្រភព​នៃ​សារធាតុ Probiotics ​យ៉ាង​អស្ចារ្យ​។ ដូច្នេះ​ហើយ​ ស្រី​ៗ​យើង​គប្បី​ញ៉ាំ​អាហារ​ទាំង​នេះ​ជា​ប្រចាំ​ ដើម្បី​ព្យាបាល​មុន​ផ្សិត​។</p><h3>២. អាហារ​បំប៉ន​</h3><p>ទន្ទឹម​នឹង​នេះ​ដែរ អាហារ​បំប៉ន​ដែល​មាន​សារធាតុ Probiotics​ អាច​​ជួ​យ​ព្យាបាល​ស្បែក​ពី​ការ​កើត​មុន។ ចូរ​ជ្រើសរើស​អាហារ​បំប៉ន​ដែល​មាន​សារធាតុlactobacillus acidophilus និង​lactobacillus bifidobacterium ។</p><h3>៣. ប្រភេទ​ថ្នាំ​លាប​</h3><p>ការ​លាប​​ប្រភេទ​ថ្នាំ​​ដែល​មាន​សារធាតុ Probiotics​ នៅ​លើ​ស្បែក​ អាច​ជួយ​កម្ចាត់​​​​អតិសុខុម​ប្រាណ​នៅ​លើ​ស្បែក​​បាន​។ សារធាតុ Probiotics​ ​អាច​បង្កើត​ជា​របាំង​ការពារ​ស្បែក​ពី​ពពួក​​​បាក់តេរី​មិន​ល្អ​ ផ្សិត​ ព្រម​ទាំង​ជាតិ​ពុល​។</p><p>ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។&nbsp;<a target="_blank" href="https://hellokrupet.com/healthy-living/health-tips/70337/">Hello Health Group</a>&nbsp;មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕&nbsp;</p><p><b>អត្ថបទផ្ដល់សិទ្ធិដោយ</b>&nbsp;<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%9f%e1%9f%92%e1%9e%94%e1%9f%82%e1%9e%80/%e1%9e%87%e1%9f%86%e1%9e%84%e1%9e%ba%e1%9e%98%e1%9e%bb%e1%9e%93/158178/">Hello Krupet</a></p>

អស់​កង្វល់​នឹង​បញ្ហា​​មុន​ផ្សិត​ ជាមួយ​នឹង​សារធាតុ​Probiotics​!