<p>គ្នា​យើង​មួយ​ចំនួន​តែង​​យល់​ថា​ ​ការ​ញ៉ាំ​<a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%98%e1%9e%93%e1%9e%bb%e1%9e%9f%e1%9f%92%e1%9e%9f%e1%9e%85%e1%9e%b6%e1%9e%9f%e1%9f%8b/%e1%9e%9a%e1%9e%94%e1%9e%94%e1%9e%a2%e1%9e%b6%e1%9e%a0%e1%9e%b6%e1%9e%9a%e1%9e%9f%e1%9e%98%e1%9f%92%e1%9e%9a%e1%9e%b6%e1%9e%94%e1%9f%8b%e1%9e%98%e1%9e%93%e1%9e%bb%e1%9e%9f%e1%9f%92%e1%9e%9f%e1%9e%85%e1%9e%b6%e1%9e%9f%e1%9f%8b/143852/">ពពួក​វីតាមីន​ និង​អាហារ​បំប៉ន</a>​ច្រើន​ចូល​គ្នា​ អាច​ជួយ​ឲ្យ​​ប្រព័ន្ធ​ភាព​ស៊ាំ​រឹងមាំ​ និង​ជៀស​ផុត​ពី​ជំងឺ​ផ្សេងៗ​។ ប៉ុន្តែ តាម​ពិត​ទៅ​ នៅ​ពេល​ដែល​យើង​ញ៉ាំ​ពពួក​វីតាមីន​ច្រើន​ពេក​ នោះ​នឹង​អាច​​បង្ក​ផល​ប៉ះពាល់​ធ្ងន់ធ្ងរ​ទៅ​វិញ ហើយ​ម្យ៉ាង​វិញ​ទៀត វីតាមីន​មួយ​ចំនួន​ មិន​អាច​​ប្រើប្រាស់​ជា​អាហារ​បំប៉ន​ឡើយ​។ យ៉ាង​ណា​មិញ យើង​អាច​សង្កេត​មើល​រោគសញ្ញា​មួយ​ចំនួន​ ដែល​បង្ហាញ​ថា​យើង​ស្រូប​យក​ពពួក​វីតាមីន​ច្រើន​ជ្រុល។&nbsp;&nbsp;</p><h3>១. ឈឺ​ពោះ​</h3><p>សញ្ញា​ដំបូង​ដែល​បង្ហាញ​ថា យើង​ទទួល​យក​វីតាមីន​ ឬ​អាហារ​បំប៉ន​ច្រើន​ជ្រុល​ គឺ​បញ្ហា​ក្រពះ​ពោះវៀន ជាមួយ​នឹង​​រោគសញ្ញា​​មួយ​ចំនួន​ដូចជា​ចង្អោរ ក្អួត​ ឬ​រាករូស។ ករណី​នេះ អាច​មក​ពី​យើង​ញ៉ាំ​វីតាមីន​​​​មុន​ពេល​ញ៉ាំ​អាហារ​ ឬ​យើង​ញ៉ាំ​អាហារ​បំប៉ន​ច្រើន​ជាង​អ្វី​ដែល​រាងកាយ​ត្រូវការ។ ដើម្បី​សុវត្ថិភាព​ យើង​គួរ​តែ​ពិគ្រោះ​ជាមួយ​នឹង​គ្រូពេទ្យ​មុន​ពេល​ចាប់ផ្ដើម​ញ៉ាំ​វីតាមីន​ ឬ​អាហារ​បំប៉ន​ថ្មី​ៗ។</p><h3>២. ជ្រុះ​សក់​</h3><p>ជាមួយ​គ្នា​នេះ​ដែរ ប្រសិនបើ​យើង​ស្រូប​យក​វីតាមីន​A​ច្រើន​​ជ្រុល​ យើង​អាច​ប្រឈម​នឹង​បញ្ហា<a target="_blank" href="https://hellokrupet.com/%e1%9e%85%e1%9e%b7%e1%9e%89%e1%9f%92%e1%9e%85%e1%9e%b9%e1%9e%98%e1%9e%80%e1%9e%bc%e1%9e%93/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%80%e1%9e%bb%e1%9e%98%e1%9e%b6%e1%9e%9a/%E1%9E%94%E1%9E%89%E1%9F%92%E1%9E%A0%E1%9E%B6%E1%9E%9F%E1%9E%BB%E1%9E%81%E1%9E%97%E1%9E%B6%E1%9E%96%E1%9E%80%E1%9E%BB%E1%9E%98%E1%9E%B6%E1%9E%9A%E1%9E%95%E1%9F%92%E1%9E%9F%E1%9F%81%E1%9E%84%E1%9E%91%E1%9F%80%E1%9E%8F/49469/">​ជ្រុះ​សក់</a>​។ ជាក់​ស្ដែង វីតាមីន​មួយ​ប្រភេទ​នេះ ជា​វីតាមីន​រលាយ​ក្នុង​ខ្លាញ់ ​ដែល​​ត្រូវ​បាន​រក្សា​ទុក​នៅ​ក្នុង​ខ្លាញ់​នៃ​រាងកាយ​។ ក្នុង​ករណី​ដែល​យើង​ទទួល​បាន​វីតាមីន​Aច្រើន​ជ្រុល​ នោះ​នឹង​អាច​បណ្ដាល​ឲ្យ​មាន​ជាតិ​ពុល។ ​វីតាមីន​រលាយ​ក្នុង​ខ្លាញ់​ដទៃ​ទៀត​មាន​ដូចជា​ វីតាមីន​D, E និង​K ដែល​យើង​មិន​គួរ​​ញ៉ាំ​លើស​ចំនួន​កំណត់​​ឡើយ​។</p><h3>៣. បង្កើន​ហានិភ័យ​នៃ​ជំងឺ​មហារីក​</h3><p>យោង​តាម​ការ​ស្រាវជ្រាវ​​មួយ​របស់​​ក្រុម​ការងារ​សេវា​បង្ការ​របស់​អាមេរិក (USPSTF) ​បាន​​បង្ហាញ​ថា ការ​ញ៉ាំ​ពពួក​អាហារ​បំប៉ន​Beta-carotene ​ឬ​វីតាមីន​E ឬ​Biotin ​ច្រើន​ជ្រុល​ ​អាច​បង្កើន​ហានិភ័យ​នៃ​ជំងឺ​មហារីក​ ឬ​​ជំងឺ​បេះដូង​​បាន​។ ចំណែក​ឯ​ការ​សិក្សា​មួយ​ទៀត​ថា បុរស​មាន​ហានិភ័យ​ខ្ពស់​នៃ​ការ​កើត​ជំងឺ​មហារីក​សួត ក្រោយ​ពី​ញ៉ាំ​​ថ្នាំ​Biotin (​៥​មិល្លីក្រាម​ ទៅ​១០​មិល្លីក្រាម​ជា​រៀង​រាល់​ថ្ងៃ​)។</p><h3>៤. បញ្ហា​សរសៃ​ប្រសាទ</h3><p>ជាង​នេះ​ទៅ​ទៀត ការ​ញ៉ាំ​ពពួក​វីតាមីន​ជាក់លាក់​ច្រើន​ពេក​ ដូចជា​វីតាមីន​B6 ក៏​អាច​​បណ្ដាល​ឲ្យ​មាន​បញ្ហា​សរសៃ​ប្រសាទ​ ដូចជា​​ស្ពឹក​​ស្រពន់​ជើង​​ដូច​គ្នា។ ហេតុ​នេះ​ហើយ​ យើង​មិន​គួរ​ញ៉ាំ​វីតាមីន​ ឬ​អាហារ​បំប៉ន​ប្រភេទ​នេះ​លើស​កម្រិត​ឡើយ។</p><h3>៥. ហូរ​ឈាម​ច្រើន​ជ្រុល</h3><p>វីតាមីន​ ឬ​វីតាមីន​ចម្រុះ​ដែល​មាន​គ្រោះថ្នាក់​មួយ​ទៀត​នោះ គឺ​<a target="_blank" href="https://hellokrupet.com/%e1%9e%b1%e1%9e%9f%e1%9e%90%e1%9e%9a%e1%9e%bb%e1%9e%80%e1%9f%92%e1%9e%81%e1%9e%87%e1%9e%b6%e1%9e%8f%e1%9e%b7%e1%9e%93%e1%9e%b7%e1%9e%84%e1%9e%90%e1%9f%92%e1%9e%93%e1%9e%b6%e1%9f%86%e1%9e%94%e1%9e%93%e1%9f%92%e1%9e%91%e1%9e%b6%e1%9e%94%e1%9f%8b%e1%9e%94%e1%9e%93%e1%9f%92%e1%9e%9f%e1%9f%86/%e1%9e%b1%e1%9e%9f%e1%9e%90%e1%9e%9a%e1%9e%bb%e1%9e%80%e1%9f%92%e1%9e%81%e1%9e%87%e1%9e%b6%e1%9e%8f%e1%9e%b7/33943/">វីតាមីន​E</a>។ ទោះ​បី​ជា​វីតាមីន​មួយ​នេះ ជា​សារធាតុ​ប្រឆាំង​នឹង​អុកស៊ីតកម្ម​ក៏​ពិត​មែន​ ប៉ុន្តែ​វា​មាន​ហានិភ័យ​លើស​អត្ថប្រយោជន៍​ទៅ​ទៀត។ វីតាមីន​E អាច​​បណ្ដាល​​ឲ្យ​ឈាម​រាវ​ និង​ធ្វើ​ឲ្យ​របួស​តូចតាច​ហូរ​ឈាម​ធ្ងន់ធ្ងរ​។ ដូច្នេះ​ហើយ​ យើង​មិន​គួរ​ប្រើប្រាស់​ពពួក​វីតាមីន​E ឬ​អាហារ​បំប៉ន​ដែល​ផ្សំ​ពី​វីតាមីន​E ​ដោយ​ពុំ​មាន​វេជ្ជបញ្ជា​ឡើយ​។</p><h3>ចំណុចសំខាន់</h3><p>វីតាមីន​ ឬ​អាហារ​បំប៉នមិន​គួរ​ញ៉ាំ​ច្រើន​ពេក​ឡើយ ព្រោះ​វា​មិន​បាន​ផ្តល់អត្ថប្រយោជន៍​​ដូច​អ្វី​ដែល​យើង​រំពឹង​ទុក​ឡើយ។ ផ្ទុយ​ទៅ​វិញ​ ពពួក​វីតាមីន​ទាំង​នេះ បែរ​ជា​បង្ក​ផល​ប៉ះពាល់​ដល់​រាងកាយ​ទៅ​វិញ ដូចជា​ឈឺ​ពោះ ជ្រុះ​សក់​ បង្កើន​ហានិភ័យ​នៃ​ជំងឺ​មហារីក​ បញ្ហា​សរសៃ​ប្រសាទ និង​ហូរ​ឈាម​​ច្រើន​ជ្រុល។</p><p>ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។&nbsp;<a target="_blank" href="https://hellokrupet.com/healthy-living/health-tips/70337/">Hello Health Group</a>&nbsp;មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕&nbsp;</p><p><b>អត្ថបទផ្ដល់សិទ្ធិដោយ</b>&nbsp;<a target="_blank" href="https://hellokrupet.com/%e1%9e%96%e1%9e%96%e1%9f%84%e1%9f%87/%e1%9e%98%e1%9e%b6%e1%9e%93%e1%9e%95%e1%9f%92%e1%9e%91%e1%9f%83%e1%9e%96%e1%9f%84%e1%9f%87/%e1%9e%80%e1%9e%b6%e1%9e%9a%e1%9e%90%e1%9f%82%e1%9e%91%e1%9e%b6%e1%9f%86%e1%9e%95%e1%9f%92%e1%9e%91%e1%9f%83%e1%9e%96%e1%9f%84%e1%9f%87%e1%9e%98%e1%9e%bb%e1%9e%93%e1%9e%9f%e1%9e%98%e1%9f%92%e1%9e%9a%e1%9e%b6%e1%9e%9b/149150/">Hello Krupet</a></p>

ស្រូបយក​វីតាមីនច្រើនពេកមិនល្អដល់រាងកាយ តែអាចប៉ះពាល់ទៅវិញ!