<p>សុខភាពយើងពឹងផ្អែកលើរបបអាហារ ប្រសិនបើយើងញ៉ាំអាហារមិនល្អ នោះសុខភាពក៏កើតបញ្ហា​ផ្សេងៗ​បាន​ដែរ​។ យ៉ាងណាមិញ ចំពោះជំងឺមហារីកក្រពេញប្រូស្ដាត កាលបើយើងញ៉ាំរបបអាហារដែលគ្មានគុណភាព ដូចជាពពួកអាហារមានជាតិស្ករខ្ពស់ ជាតិខ្លាញ់ <a target="_blank" href="https://hellokrupet.com/%e1%9e%9a%e1%9e%94%e1%9e%94%e1%9e%a2%e1%9e%b6%e1%9e%a0%e1%9e%b6%e1%9e%9a/%e1%9e%82%e1%9e%93%e1%9f%92%e1%9e%9b%e1%9e%b9%e1%9f%87%e1%9e%96%e1%9e%b8%e1%9e%a2%e1%9e%b6%e1%9e%a0%e1%9e%b6%e1%9e%9a%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%95%e1%9f%92%e1%9e%9f%e1%9f%81%e1%9e%84%e1%9e%91%e1%9f%80%e1%9e%8f/119980/">សាច់ក្រហម</a> អាហារកែច្នៃ <a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%94%e1%9f%81%e1%9f%87%e1%9e%8a%e1%9e%bc%e1%9e%84/%e1%9e%94%e1%9f%81%e1%9f%87%e1%9e%8a%e1%9e%bc%e1%9e%84%e1%9e%8a%e1%9e%be%e1%9e%9a%e1%9e%81%e1%9e%bb%e1%9e%9f%e1%9e%85%e1%9e%84%e1%9f%92%e1%9e%9c%e1%9e%b6%e1%9e%80%e1%9f%8b/37351/">ជាតិស្រវឹង</a> បូករួមទាំងរាងកាយមិនសូវមានសកម្មភាពទៀតនោះ គឺងាយប្រឈមនឹង​ជំងឺ​នេះ​ខ្លាំងណាស់។&nbsp;&nbsp;</p><p>ជា​ការណែនាំ របបអាហារ ៤ប្រភេទ ដែលប្រុសៗ​យើងគួរញ៉ាំឲ្យ​បាន​រាល់ថ្ងៃ ដើម្បីកាត់បន្ថយអត្រាប្រឈមនឹងជំងឺមហារីកក្រពេញប្រូស្ដាត។</p><h3>១.ក្រុមបន្លែ Cruciferous</h3><p>បន្លែ Cruciferous ជាប្រភេទរបបអាហារដែលមានសមត្ថភាពខ្ពស់ ប្រឆាំងនឹងជំងឺមហារីក។ ពពួកបន្លែទាំងនោះមានដូចជា ស្ពៃក្តោប ស្ពៃបូកគោ ខាត់ណាគ្រប់ប្រភេទ ដែលមានសារធាតុប្រឆាំងអុកស៊ីតកម្មខ្ពស់ វីតាមីន សារធាតុរ៉ែ និងសារធាតុ phytochemicals។ លើសពីនេះ <a target="_blank" href="https://hellokrupet.com/%e1%9e%9a%e1%9e%94%e1%9e%94%e1%9e%a2%e1%9e%b6%e1%9e%a0%e1%9e%b6%e1%9e%9a/%e1%9e%a2%e1%9e%b6%e1%9e%a0%e1%9e%b6%e1%9e%9a%e1%9e%bc%e1%9e%94%e1%9e%8f%e1%9f%92%e1%9e%90%e1%9e%98%e1%9f%92%e1%9e%97/93864/">ផ្កាខាត់ណាខៀវ</a> ជំនួយដល់ក្រពេញប្រូស្តាត ព្រោះវាមានផ្ទុកនូវសារធាតុ glucoraphanin ដែលអាចប្រឆាំងនឹងការលូតលាស់កោសិកាមហារីក។</p><h3>២.ផ្លែប៊ឺរី</h3><p>ផ្លែប៊ឺរី គ្រប់ប្រភេទគឺជាប្រភពអាហាររូបត្ថម្ភ ជំនួយដល់សុខភាពអាចប្រឆាំងនឹងអុកស៊ីតកម្ម ដែលបង្កឡើងដោយ រ៉ាឌីកាល់សេរី កើតចេញពីរបបអាហារដែលយើងញ៉ាំជាប្រចាំថ្ងៃ គ្មានគុណភាព។ រ៉ាឌីកាល់សេរីបំផ្លាញរាងកាយដោយការស្រូបយក <a target="_blank" href="https://hellokrupet.com/%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96%e1%9e%91%e1%9e%bc%e1%9e%91%e1%9f%85/%e1%9e%96%e1%9f%90%e1%9e%8f%e1%9f%8c%e1%9e%98%e1%9e%b6%e1%9e%93/58217/">អេឡិចត្រុង</a> បង្កើតជា អុកស៊ីតកម្ម បង្កផលប៉ះពាល់ដល់កោសិកា និង DNA ។ ដូច្នេះ សារធាតុ anthocyanins ជាសារធាតុប្រឆាំងអុកស៊ីតកម្ម មាននៅក្នុងផ្លែប៊ឺរី អាចជួយបន្សាប និងកម្ចាត់រ៉ាឌីកាល់សេរីចេញពីរាងកាយបាន។</p><h3>៣.ត្រី</h3><p>ការញ៉ាំត្រីឲ្យបានច្រើនក៏ជាផ្នែកមួយជួយទប់ស្កាត់ពីជំងឺមហារីកផងដែរ ព្រោះសាច់ត្រីមានផ្ទុកសារធាតុសំខាន់ <a target="_blank" href="https://hellokrupet.com/%e1%9e%87%e1%9f%86%e1%9e%84%e1%9e%ba%e1%9e%91%e1%9e%b9%e1%9e%80%e1%9e%93%e1%9f%84%e1%9e%98%e1%9e%95%e1%9f%92%e1%9e%a2%e1%9f%82%e1%9e%98/%e1%9e%87%e1%9f%86%e1%9e%84%e1%9e%ba%e1%9e%91%e1%9e%b9%e1%9e%80%e1%9e%93%e1%9f%84%e1%9e%98%e1%9e%95%e1%9f%92%e1%9e%a2%e1%9f%82%e1%9e%98%e1%9e%94%e1%9f%92%e1%9e%9a%e1%9e%97%e1%9f%81%e1%9e%91%e1%9f%a2/109347/">អាស៊ីតខ្លាញ់</a> អូមេហ្គា៣ និងប្រភេទប្រូតេអ៊ីន។ ប៉ុន្ដែប្រសិនបើ មិនចូលចិត្តញ៉ាំត្រីទេ យើងអាចសាកល្បងប្រភេទប្រូតេអ៊ីនដែលមានលើរុក្ខជាតិក៏បាន។ តាមការសិក្សាមួយរយៈពេល ២៤ឆ្នាំ លើបុរសចំនួន ៤ ៥៧៧នាក់ បានបង្ហាញថា​អ្នក​ញ៉ាំ​ប្រភេទអាហាប្រូតេអ៊ីន ទាញចេញពីត្រី បន្លែ មានអត្រាស្លាប់ដោយ​ជំងឺ​ក្រពេញ​ប្រូស្តាត​តិចជាង បុរសដែលញ៉ាំប្រូតេអ៊ីនចេញពីសាច់សត្វ។</p><h3>៤.ផ្លែប៉េងប៉ោះ</h3><p>ប៉េងប៉ោះគឺជាអាហារមួយប្រភេទមានផ្លុកសារធាតុ <a target="_blank" href="https://hellokrupet.com/%e1%9e%9a%e1%9e%94%e1%9e%94%e1%9e%a2%e1%9e%b6%e1%9e%a0%e1%9e%b6%e1%9e%9a/%e1%9e%a2%e1%9e%b6%e1%9e%a0%e1%9e%b6%e1%9e%9a%e1%9e%bc%e1%9e%94%e1%9e%8f%e1%9f%92%e1%9e%90%e1%9e%98%e1%9f%92%e1%9e%97/119454/">Lycopene</a> ខ្ពស់ ដែលជាសារធាតុប្រឆាំងអុកស៊ីតកម្មដ៏មានឥទ្ធិពល។ យើងអាចចម្អិនផ្លែប៉េងប៉ោះ ជាមួយប្រេងអូលីវ ដែលកាន់តែធ្វើឲ្យរាងកាយងាយស្រូបយកសារធាតុចិញ្ចឹមនេះបានល្អថែមមួយកម្រិតទៀត។ លោកវេជ្ជបណ្ឌិត Mucci មានប្រសាសន៍ថា យើងអាចញ៉ាំប៉េងបោះចម្អិនបានល្អ ក្រៅពីនោះផលិតផលជាច្រើនមុខទៀតដែលផលិតពីប៉េងប៉ោះ ក៏អាចញ៉ាំបាន។</p><p>ជារួម ការជ្រើសរើសរបបអាហារទទួលទានបានត្រឹមត្រូវគឺជារឿងល្អបំផុត ការពារពីជំងឺផ្សេងៗ​ ជាពិសេសប្រសិន​យើងបានហាត់ប្រាណជាប្រចាំទៀត កាន់តែប្រសើរ។</p><p>ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។&nbsp;<a target="_blank" href="https://hellokrupet.com/healthy-living/health-tips/70337/">Hello Health Group</a>&nbsp;មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕&nbsp;</p><p><b>អត្ថបទផ្ដល់សិទ្ធិដោយ&nbsp;</b><a target="_blank" href="https://hellokrupet.com/%e1%9e%9a%e1%9e%94%e1%9e%94%e1%9e%a2%e1%9e%b6%e1%9e%a0%e1%9e%b6%e1%9e%9a/%e1%9e%9a%e1%9e%bc%e1%9e%94%e1%9e%98%e1%9e%93%e1%9f%92%e1%9e%8f%e1%9e%9f%e1%9e%bb%e1%9e%81%e1%9e%97%e1%9e%b6%e1%9e%96/172176/">Hello Krupet</a></p>

អាហារសំខាន់ជួយកាត់បន្ថយការប្រឈមជំងឺមហារីកក្រពេញប្រូស្ដាត!