រាជនីម្ទេស! សុំខ្លាចហើយ ទេព បូព្រឹក្ស ញ៉ាំម្ទេសដូចញ៉ាំផ្លែឈើ

ភ្នំពេញ៖ តារាចម្រៀងស្រីពូកែរ៉េប កញ្ញាទេព បូព្រឹក្ស មិនត្រឹមតែជាតារាស្រីជោគជ័យលើវិថីចម្រៀងប៉ុណ្ណោះទេ តែនាងនៅជោគជ័យលើមុខជំនួញផ្ទាល់ខ្លួនទៀតផង។ មិនត្រឹមតែប៉ុណ្ណោះ ថ្មីៗនេះ​តារារូបនេះ បានងាកមកធ្វើវីដេអូបែប Mukbang ញ៉ាំអាហារបង្ហោះលើបណ្ដាញសង្គម កំពុងទទួលបានសន្ទុះនៃការគាំទ្រច្រើនមិនចាញ់ពេលចេញបទចម្រៀងប៉ុន្មានឡើយ។ 

ម្យ៉ាងវិញទៀត គ្រប់វីដេអូញ៉ាំអាហាររបស់ កញ្ញាទេព បូព្រឹក្ស តែងតែលេងខ្លួនជាមួយស្ទាយ៍ប្លែកៗ រួមទាំងអាហារថ្មីគ្រប់មុខ ហើយអ្វីដែលកាន់តែចាប់អារម្មណ៍នោះ នាងនិយមញ៉ាំអាហារមានរសជាតិហឹរ និងញ៉ាំម្ទេសគ្រាប់ដូចញ៉ាំផ្លែឈើយ៉ាងដូច្នោះដែរ។ ជាការពិត តារារូបនេះធ្លាប់បាននិយាយថា គ្រប់ពេលដែលនាងញ៉ាំអ្វីម្ដងៗ តម្រូវឲ្យមានម្ទេស និងមានរសជាតិហឹរ។ 

គួរបញ្ជាក់ផងដែរថា គ្រប់វីដេអូញ៉ាំអាហាររបស់នាង គេតែងតែឃើញមុខម្ហូបមានរសជាតិហឹរ អមជាមួយម្ទេសពេញៗចានមានពណ៌ក្រហមឆ្អិនឆ្អៅ ធ្វើឲ្យហ្វេនស្រក់ទឹកមាត់គ្រប់ពេលបានមើលវីដេអូរបស់នាង។ ជាពិសេស ​អ្នកលេងបណ្ដាញសង្គម និងហ្វេនតែងតែសរសើរពីការញ៉ាំម្ទេសរបស់ កញ្ញ​ ទេព បូព្រឹក្ស សឹងតែមិនដាច់ពីមាត់គ្រប់គ្នា។ លើសពីនេះទៅទៀត រាល់ពេលដែលតារាស្រីរូបនេះញ៉ាំម្ទេស នាងញ៉ាំបែបធម្មតាគ្មានប្រតិកម្មរឿងហឹរសូម្បីបន្តិច៕

សូមទស្សនារូបភាពខាងក្រោម៖