បើពិបាករកទិញណាស់ ម្ដងនេះ សាកល្បងរៀនធ្វើ មីស៊ុបមាន់

កម្សាន្ត៖ បច្ចុប្បន្ននេះ ស៊ុបមាន់ក៏ជាអាហារដ៏ពេញនិយមមួយ ដែលមនុស្សជាច្រើន តែងតែធ្វើបរិភោគប្រចាំថ្ងៃ មិនត្រឹមតែប៉ុណ្ណោះស៊ុបមួយនេះ អាចទទួលទានជាមួយនឹង អាហារផ្សេងៗទៀត ជាពិសេស ស៊ុបមាន់នេះ អាចច្នៃទៅជា មីស៊ុបមាន់ដែលកំពុងតែមានភាពពេញនិយម និងជាចំណូលចិត្តរបស់មនុស្សជាច្រើន ដែលតែងតែទទួលទាន​ស៊ុបនេះ ជាមួយ មី តែម្ដង ។ បើចង់ជ្រាប ក៏ដូចជា ចង់រៀនធ្វើទុកញ៉ាំខ្លួនឯង អាចសាកល្បងតាមវិធីខាងក្រោម៖

គ្រឿងផ្សំ៖

ទឹកសាច់មាន់ ឬ ទឹកបន្លែ (VegetableStock) ៩០០ ml  

សាច់មាន់ ១ ដុំ ប្រហែល ១៧៥ ក្រាម  

ខ្ញីស្រស់ដែលចិតរួច ១ ស្លាបព្រាកាហ្វេ​ 

ខ្ទឹមសដែលចិតរួច ១  

អង្ករ ៥០ ក្រាម ឬមីស្រូវសាលី

ពោតផ្អែម ២ ស្លាបព្រា 

ផ្សិត ២ ឬ ៣ ដែលចិតជាចំណិតរួច 

ស្លឹកខ្ទឹម ជីអង្កាម និង ទឹកស៊ីអ៊ីវ ២ ស្លាបព្រាកាហ្វេ  

របៀបធ្វើ៖

១. ចាក់ទឹកសាច់មាន់ ឬទឹកបន្លែ (VegetableStock) ចំនួន ៩០០ ml ចូលក្នុងឆ្នាំង រួចដាក់សាច់មាន់ព្រមទាំង ខ្ញីដែលចិតរួច ១ ស្លាបព្រាកាហ្វេ និងខ្ទឹមសដែលចិតរួច ។

២. ដាក់ដាំឱ្យពុះ បន្ទាប់មកបន្ថយកម្ដៅដោយគ្រប និងរម្ងាស់ ទុកចោលរយៈពេល ២០ នាទី រហូតដល់សាច់មាន់ទន់។

៣. បន្ទាប់មក យកសាច់មាន់ទៅដាក់លើក្តារហើយកាត់ជាបំណែកតូចៗ ដោយប្រើសម ២ ។

៤. យកសាច់មាន់ ទៅដាក់ ជាមួយអង្ករ៥០ ក្រាម ឬមីស្រូវសាលី ព្រមទាំងដាក់ ពោតផ្អែម ២ ស្លាបព្រា ដាក់ផ្សិត ស្លឹកខ្ទឹមនិង ទឹកស៊ីអ៊ីវ ២ ស្លាបព្រាកាហ្វេ ។

៥. បន្ទាប់យកទៅដាក់ រម្ងាស់ រយៈពេល៣ ទៅ ៤ នាទី រហូតដល់មីទន់។

៦. បន្ទាប់មក ចាក់ដាក់ចូលទៅក្នុងចាន២ ហើយ ដាក់ស្លឹកខ្ទឹម និង ស្លឹកជីអង្កាម រួចបន្ថែមទឹកស៊ីអ៊ីវបន្តិច ជាការស្រេច​ ៕