បទ វណ្ណាដា ដែលច្រៀងជាមួយតារាថៃ ត្រឹម៨ថ្ងៃ អ្នកចុចមើលជិត១០លានដង (មានវីដេអូ)
ភ្នំុពេញ៖ ដូចប្រិយមិត្ត បានជ្រាបថា តារារ៉េបដ៏ល្បី វ៉ាន់ ដា បានធ្វើដំណើរទស្សនាកិច្ច ទៅប្រទេសថៃ កាលពីថ្មី ៗ នេះ ដោយមហាជន បានធ្វើការគិតថា រូបលោក នឹងមានអ្វីពិសេស ព្រោះតែ រូបភាពជាច្រើនសន្លឹក ត្រូវបានចែកចាយ ថតរូបជាមួយបុគ្គលល្បី វិស័យរ៉េបប្រទេសថៃ។
ដូចការសង្ស័យ មន្ទិលត្រូវបានដោះស្រាយ ព្រោះតែកាលពីថ្មី ៗ នេះ មានធ្វើឲ្យមានការភ្ញាក់ផ្អើលជាខ្លាំង ដែលមានរូបភាពមួយសន្លឹក ត្រូវបានទម្លាក់ ដែលផូស្ទ័រ ដែលតារាប្រុសរូបនេះ នឹងចេញចម្រៀងមួយបទ ដែលមានចំណងជើងថា «Run This Town»។
ជាមួយគ្នានេះ តាមរយៈរូបភាពដែលបានចេញផ្សាយនោះ បទចម្រៀងមួយនេះ មានការសហការ ចូលរួមនឹង Fhero 1MILL និង Sprite សុទ្ធសឹងតែបុគ្គលរ៉េបល្បី ៗ ដោយនឹងចេញផ្សាយជាផ្លូវការ កាលពីថ្ងៃទី ២២ ខែ មេសា វេលាម៉ោង ៧ ល្ងាចដូច្នេះដែរ។
បច្ចុប្បន្ន បទនេះ មានអ្នកចុចស្តាប់ទៅដល់៧លានដង ត្រឹមរយៈពេល៨ថ្ងៃតែប៉ុណ្ណោះ ដែលអាចនិយាយបានថា វណ្ណាដា បានធ្វើឲ្យបទនេះល្បីខ្លាំង ហើយក៏ធ្វើឲ្យគ្រប់គ្នា ស្គាល់សិល្បៈខ្មែរ កាន់តែខ្លាំងផងដែរ៕
សូមទស្សនារូបភាពខាងក្រោម៖
