ស្ងាត់ៗ Dua Lipa ត្រឡប់ទៅធ្វើជាតារាបង្ហាញម៉ូតវិញរាងឡើង slim

កម្សាន្ត៖ តារាចម្រៀង Pop ដ៏ល្បីល្បាញឈ្នះពានជាច្រើន Dua Lipa មានអ្នកគាំទ្រស្រលាញ់ចូលចិត្តស្ដាប់ចម្រៀងរបស់នាងជាច្រើន។ នាងមិនត្រឹមតែជោគជ័យនៅក្នុងវិស័យតន្ដ្រីនោះទេ នាងក៏ជាតារាម៉ូដែលម្នាក់ដ៏ទាក់ទាញផងដែរ។

តារាចម្រៀងស្រីរូបនេះ មានកម្ពស់ខ្ពស់ដែលជារូបរាងដ៏សាកសមទៅតាមស្ដង់ដាតារាបង្ហាញម៉ូត Dua Lipa ធ្លាប់ជាតារាបង្ហាញម្នាក់ពីមុន ក្រោយមកនាងក៏បានចុះកុងត្រាជាមួយផលិតកម្ម Warner Bros និងចេញចម្រៀងដំបូងនៅឆ្នាំ២០១៧ ហើយនាងក៏បានទទួលជោគជ័យមកដល់បច្ចុប្បន្ន។

Dua Lipa បានត្រលប់ទៅធ្វើជា Model ដែលជាអាជីពដំបូងរបស់នាង ដោយថ្មីៗនេះនាងបានចូលរួមដើរបង្ហាញម៉ូតឲ្យផលិតផល ​Versace ដែលជាប្រ៊េនដ៏ល្បីល្បាញរបស់អ៉ីតាលី។ ជាពិសេស Dua Lipa មានភាពទាក់ទាញជាខ្លាំងជាមួយនឹងឈុតពណ៌ផ្កាឈូក ហើយថែមជាមួយនឹងរូបរាងដ៏ស្រឡូនរបស់នាង។