មិនធ្លាប់ដឹង តារាលំដាប់ The Rock ធ្លាប់ជួបរឿងលំបាកបែបនេះក្នុងជីវិត

September 10, 2021

បរទេស៖ យោងតាម Men's Health លោក Dwayne Johnson ហៅ The Rock គឺជាតារាប្រុសម្នាក់ក្នុងចំណោមតារាសម្តែងហូលីវូដដែលខិតខំធ្វើការខ្លាំងបំផុត។ តារាសម្តែងរូបនេះតែងតែបង្ហោះរូបអនុវត្តន៍ការងារនៅលើបណ្តាញសង្គមបើទោះបីជារវល់ថតរឿងក៏ដោយ មិនតែប៉ុណ្ណោះតារាសម្តែងអាមេរិចរូបនេះកំពុងហាត់យកសាច់ដុំយ៉ាងសកម្មដើម្បីលេចមុខក្នុងរឿង «Black Adam» ទោះយ៉ាងណា The Rock ក៏ខ្ជិលដែរ។

ក្នុងនោះ The Rock ក៏បាននិយាយនៅក្នុងវីដេអូដែលបានបង្ហោះនៅលើទំព័រផ្ទាល់ខ្លួនបែបនេះថា៖

ដូចអ្នកដែរខ្ញុំរវល់ជាមួយវដ្តនៃជីវិតហើយគ្មានឈប់ ខ្ញុំមានកូនមានវិក្កយបត្របង់ប្រាក់ជាច្រើន ការងារនិងអ្វីៗជាច្រើនដែលត្រូវយកចិត្តទុកដាក់ វាធ្វើឱ្យខ្ញុំអស់កម្លាំងជាខ្លាំង ។
— The Rock

មិនតែប៉ុណ្ណោះ តារាសម្តែងអាមេរិចរូបនេះបាននិយាយថា ច្រើនដងហើយដែលលោកគ្រាន់តែចង់ត្រលប់ទៅផ្ទះវិញដើម្បីគេងបើទោះបីជាលោកបានរៀបចំសំលៀកបំពាក់ហាត់ប្រាណនិងចងខ្សែស្បែកជើងហើយក៏ដោយ។ លើសពីនេះ តារាសម្តែងរូបនេះចែករំលែកនូវគន្លឹះដើម្បីជំនះភាពខ្ជិលនិងភាពអផ្សុក

អ្វីដែលគួរឲ្យភ្ញាក់ផ្អើលនោះគឺ The Rock បានទម្លាយរឿងបែបនេះថានៅពេលណាដែលមានអារម្មណ៍ខ្ជិលក្នុងការអនុវត្តឬមិនចង់ធ្វើការ The Rock តែងចងចាំពេលវេលាដ៏ក្រីក្រមួយ ដែលជំរុញឱ្យតារាសម្តែងបន្តការព្យាយាម។ ក្នុងនោះលោកបន្ថែមថា៖

រាល់ពេលដែលខ្ញុំហត់ខ្ញុំចងចាំពីអារម្មណ៍ដ៏ក្រីក្របំផុត ដែលមានលុយត្រឹមតែ ៧ ដុល្លារក្នុងដៃ។ ខ្ញុំចងចាំនូវអ្វីដែលខ្ញុំបានបាត់បង់ដើម្បីទទួលបានកន្លែងដែលខ្ញុំនៅថ្ងៃនេះ។ បន្ទាប់ពីមានចម្ងល់ចំពោះរឿងជាច្រើន ខ្ញុំក៏បានលើកស្មារតីហើយបន្តអនុវត្តនិងធ្វើការបន្តទៀត។
— The Rock

ប្រភព៖ZingNews

សូមទស្សនារូបភាពខាងក្រោម៖

ទាក់ទងជាមួយ:

តារាអន្តរជាតិ

អានបន្ថែម