ចៃដន្យឬយ៉ាងណា ស្រីមុំ និង Kimberley ថតស្ទាយ៍ និងឡានដូចគ្នាទៀត
ភ្នំពេញ៖ អ្នកនាង គង់ ចាន់ស្រីមុំ ត្រូវបានគេស្គាល់ថាជាតារាស្រីដែលពូកែរៀបចំខ្លួនជាមួយស្ទាយ៍ប្លែកៗ ហើយគ្រប់រូបភាពរបស់នាងតែងតែមានភាពលេចធ្លោឆើតឆាយគ្រប់ប៉ុស្ដុ៍តែម្ដង។ ម្យ៉ាងតារារូបនេះ មិនសូវចូលចិត្តអ្វីដដែលឲ្យអ្នកគាំទ្របានឃើញប៉ុន្មានឡើយ មិនថាស្ទាយ៍ផាត់មុខ ម៉ូតសក់ ឬសម្លៀកបំពាក់នោះទេតែងតែថ្មីជានិច្ច។
ដោយឡែក ក្រៅពីពូកែតែងខ្លួន អ្នកនាង គង់ ចាន់ស្រីមុំ ក៏ឧស្សាហ៍ដើរលេងលំហែកាយទៀតផង។ មិនតែប៉ុណ្ណោះនាងតែងតែប្រើឡានផ្ទាល់ខ្លួនសម្រាប់ពេលដើរលេងជាប្រចាំ ដើម្បីបំបាត់ស្ត្រេសផងដែរ។ ក្នុងនោះដែរ ថ្មីៗនេះនាងបានផុសរូបថតជាមួយឡានម៉ាក Jeep ពណ៌លឿង ដែលមើលទៅពិតជាលេចធ្លោខ្លាំង ហើយរូបភាពទាំងនោះគេកត់សម្គាល់ឃើញស្រដៀងទៅនឹងតារាថៃ នាង Kimmy Kimberley។
ពិតណាស់ បើទោះបីនៅប្រទេសផ្សេងគ្នា ជាតារាស្រីមានភាពល្បីល្បាញប្រចាំប្រទេសដូចគ្នានោះ ស្រាប់តែលេចរូបភាពថតស្ទាយ៍ដូចគ្នា និងជិះឡានទំនើបម៉ាកល្បីដូចគ្នាទៀតនោះ ទើបធ្វើឲ្យអ្នកគាំទ្រចាប់អារម្មណ៍ខ្លាំងយ៉ាងដូច្នេះ។ គួរបញ្ជាក់ផងដែរថា ភាពចៃដន្យតែងតែមាន មិនថាតារានៅប្រទេសណានោះទេ តែងតែជួបរឿងបែបនេះជានិច្ច មិនថាស្ទីលថត សម្លៀកបំពាក់ ឬរបស់ប្រើប្រាស់នោះទេ៕
សូមទស្សនារូបភាពខាងក្រោម៖
