រំភើប សិល្បការិនីខ្មែរ២រូប លេចវត្តមានលើឆាកហ្វេសសិន សុទ្ធតែលំដាប់ពិភពលោក

កម្សាន្ត៖ អាចនិយាយបានថា មានសិល្បការិនីជាច្រើន បានកំពុងជោគជ័យលើវិស័យសិល្បៈ ទាំងផ្នែកសម្ដែង ច្រៀង  និងពិធីការិនិជាដើម។ ម្យ៉ាងវិញទៀត ក៏ឃើញមានតារាស្រីជាច្រើន ធ្លាប់បានធ្វើឲ្យមហាជន មានមោទនភាពលើស្នាដៃបង្ហាញលើវិថីមួយនេះ។ 

លើសពីនេះទៅទៀត ថ្មីៗនេះ មានសិល្បការិនីចំនួនពីររូប ដែលធ្វើឲ្យទស្សនិកជនគ្រប់ទិសទី កាន់តែមានមោទនភាព ខណៈតារាស្រីទាំងនោះ បង្ហាញវត្តមានលើកម្មវិធីហ្វេសសិនលំដាប់ពិភពលោក ធ្វើឡើងនៅឯប្រទេសបារាំង។ ហើយតារា២រូបនោះមានដូចជា៖ 

១៖ កញ្ញា មាន សូនីតា 

អាចនិយាយបានថា កញ្ញា មាន សូនីតា ជាសិល្បការិនីដំបូងគេបង្អស់ដែលបានបង្ហាញខ្លួនលើកដ៏អស្ចារ្យ។ ដោយនាងបានទៅដើរម៉ូតជូនបប្រ៊េនដ៏ល្បីរបស់បារាំងគឺ Pierre Cadin កាលពីដើមឆ្នាំ២០២២។ 

២៖ កញ្ញា ស៊ីន យូប៊ីន 

កញ្ញា ស៊ីន យូប៊ីន ជាស្ត្រីទី២ ដែលមានវត្តមានក្នុងកម្មវិធីហ្វេសសិនលំដាប់ថ្នាក់ពិភពលោក ហើយនាងត្រូវបានគេអញ្ជើញឲ្យទៅចូលរួមកម្មវិធី Paris Fashion Week 2023។ ក្នុងនោះដែរ តារាស្រីរូបនេះ បានបង្ហាញខ្លួនភ្ញៀវកិត្តិយសរបស់ Christian Dior Haute Couture Spring 2023 ព្រមទាំងបានដើរបង្ហាញម៉ូតសម្រាប់ប្រ៊េន Celia Show ទៀតផង៕