អបអរសាទរ! តារាសម្តែង Sung Yuri សម្រាលបានកូនភ្លោះ

January 8, 2022

កូរ៉េខាងត្បូង៖ តារាសម្តែងស្រី SungYuri ធ្លាប់បានប្រកាសពីមុនថា ខ្លួនមានផ្ទៃពោះ ហើយថ្ងៃទី ៧ខែមករា រូបនាង សម្រាលបានកូនស្រីភ្លោះ។

នៅថ្ងៃទី ៨ ខែមករា ទីភ្នាក់ងារផលិតកម្ម Initial Entertainment របស់តារាស្រីរូបនេះ បានចេញសេចក្តីថ្លែងការណ៍ដូចខាងក្រោម៖

សួស្តី នេះជាភ្នាក់ងារ Initial Entertainment របស់តារាសម្តែងស្រី Sung Yuri ។ យើងចង់ចែករំលែកដំណឹងល្អអំពី Sung Yuri ។ នៅថ្ងៃទី ៧ ខែមករា (ថ្ងៃសុក្រ) នាងបានសម្រាលកូនស្រីភ្លោះ នៅមន្ទីរពេទ្យក្នុងទីក្រុងសេអ៊ូល។Sung Yuri និងកូនរបស់នាងមានសុខភាពល្អទាំងអស់ ហើយបច្ចុប្បន្នពួកគេកំពុងសម្រាកក្នុងការថែទាំរបស់គ្រួសារ។ក្រោយពីសម្រាលកូនរួច នាងបាននិយាយថា “បន្ទាប់ពីការរង់ចាំជាយូរមកហើយ ខ្ញុំបានកាន់កូនស្រីពីរនាក់របស់ខ្ញុំក្នុងដៃ។ ខ្ញុំសប្បាយចិត្តនិងរំភើបខ្លាំងណាស់។ មនុស្សជាច្រើន កំពុងអបអរសាទរខ្ញុំចំពោះដំណឹងនៃការប្រសូតកូនរបស់ខ្ញុំ ហើយខ្ញុំសូមអរគុណយ៉ាងខ្លាំង។ តាមដែលមនុស្សម្នាបានជូនពរខ្ញុំ ខ្ញុំនឹងចិញ្ចឹមកូនស្រីទាំងពីរឱ្យមានសុខភាពល្អ។ ក្នុងនាមជាឪពុកម្តាយ និងជាតារាសម្ដែង ខ្ញុំនឹងត្រឡប់មកវិញដោយការទទួលខុសត្រូវ។ ដូច្នេះ សូមរង់ចាំខ្ញុំ” ។សូមអរគុណចំពោះការចាប់អារម្មណ៍ដ៏សប្បុរសរបស់អ្នកចំពោះ Sung Yuri ដែលបានស្វាគមន៍ជីវិតដ៏មានតម្លៃទាំងពីរឱ្យចូលទៅក្នុងគ្រួសារមួយ ហើយយើងសូមជូនពរឱ្យអ្នកទទួលបានការគាំទ្រដ៏កក់ក្តៅនាពេលអនាគត។ សូមអរគុណ។
— ផលិតកម្ម Initial Entertainment

ប្រភព៖ Soompi

អានបន្ថែម

អបអរសាទរ! តារាសម្តែង Sung Yuri សម្រាលបានកូនភ្លោះ ​

អបអរសាទរ! តារាសម្តែង Sung Yuri សម្រាលបានកូនភ្លោះ