តារាស្រីបីរូបនេះ បានរួមសម្ដែងភាពយន្តនឹងតារាថៃល្បីៗ

កម្សាន្ត៖ ពិតណាស់ នាពេលបច្ចុប្បន្នគេឃើញមានសិល្បករ សិល្បការិនីជាច្រើន មានឱកាសរួមការងារជាមួយនឹងតារាបរទេសជាញឹកញាប់។ ម្យ៉ាងវិញទៀត មានតារាមួយចំនួនធ្លាប់បានទៅចូលរួមកម្មវិធីលំដាប់អន្តរជាតិ ព្រមទាំងបានថតខ្សែភាពយន្តនឹងតារាបរទេសជាដើម។ 

យ៉ាងណាមិញ បើក្រឡេកមើលតារាស្រីខ្មែរ ត្រូវបានគេដឹងថាមានការអញ្ជើញពីផលិតករថៃ ដើម្បីចូលរួមសម្ដែងរឿង ដែលតួសំខាន់ទៀតផង។ មិនតែប៉ុណ្ណោះ រឿងដែលសិល្បការិនីខ្មែរបានថត គឺបានសម្ដែងជាមួយនឹងតារាថៃល្បីៗផងដែរ។ ហើយតារាស្រីដែលបានរួមសម្ដែងជាមួយតារាថៃនោះមានដូចជា៖ 

១៖ កញ្ញា ថន លក្ខិណា

ពិធីការិនីកញ្ញា ថន លក្ខិណា បច្ចុប្បន្នកំពុងមានភាពល្បីល្បាញលើសដើម ខណៈធ្វើពិធីការិនីក្នុងកម្មវិធីធំៗជាច្រើន។ ហើយនាងត្រូវបានគេដឹងថាធ្លាប់សម្ដែងក្នុងរឿងថៃមានចំណងជើង«The Return»អំឡុងឆ្នាំ ២០១៤ ជាមួយនឹងតារាសម្ដែងលោក Om Akkaphan Namart។ 

២៖ កញ្ញា ស៊ីន យូប៊ីន 

កញ្ញា ស៊ីន យូប៊ីន ជាតារាសម្ដែងស្រីកំពុងទទួលបានប្រជាប្រិយភាពខ្លាំងនាពេលបច្ចុប្បន្ន។ ហើយអំឡុងឆ្នាំ២០១៩ គេដឹងថានាងបានសម្ដែងភាពយន្តជាមួយតារាថៃ ក្នុងខ្សែភាពយន្ត«The Protester»។

៣៖ កញ្ញា យ៉ែម ស្រីពេជ្រ

តារាសម្ដែង និងពិធីការិនីកញ្ញា យ៉ែម ស្រីពេជ្រ បច្ចុប្បន្នកំពុងថតរឿងមួយ ដែលរញមសម្ដែងជាមួយនឹងតារាប្រុសសង្ហាលោកToey Pongsakorn៕