ថាម៉េច មួយតួខ្លួនរបស់ Kimberley សរុបជិត៦ម៉ឺនដុល្លារ?

ថៃ៖  ពិតណាស់ ក្នុងឱកាសគម្រប់ខួបស្នេហាដែលមានរយៈពេល៨ឆ្នាំមកនេះកញ្ញា Kimberley និងគូស្នេហ៍ លោក Mark Prin បានដឹកដៃគ្នាធ្វើដំណើរកម្សាន្តបែបរ៉ូមែនទិចតែ២នាក់នៅឯតំបន់ទេសចរណ៍សមុទ្រដ៏ល្បីមួយនៅក្នុងប្រទេសថៃ ហើយថែមទាំងស្នាក់នៅក្នុងរីសតលំដាប់ផ្កាយ២ទៀតផង។

ទន្ទឹមនឹងនេះ ក្រោមដំណើរកម្សាន្តក្នុងពេលវាលាដ៏មានន័យរបស់អ្នកទាំងពីរនេះ កញ្ញា Kimberly ក៏បានធ្វើការបង្ហោះនូវសកម្មភាពជាច្រើនក្នុងកំឡុងពេលសម្រាកលំហែកាយជាមួយគូស្នេហ៍នាងផងដែរ។ ដោយក្នុងនោះ មានទាំងរូបភាពផ្អែមល្ហែមយ៉ាងមានក្តីសុខ លើសពីនេះកញ្ញា ក៏មានរូបភាពស្អាតៗជាមួយសម្លៀកបំពាក់ថ្មីៗស៊ីវីល័យជាច្រើនបង្ហោះឲ្យអ្នកគាំទ្ររបស់នាងបានទស្សនាគ្រប់ឈុតផងដែរ។

ជាក់ស្ដែង ក្នុងនោះកញ្ញា Kimberley បានធ្វើឲ្យអ្នកគាំទ្របានបើកភ្នែកធំៗ ជាមួយនឹងសម្លៀកបំពាក់មួយនឹងគ្រឿអលង្ការលំអខ្លួនមួយឈុត ដែលសុទ្ធតែមានតម្លៃថ្លៃកប់ពពក ពោលគឺរ៉ូបដែលតារាស្រីរូបនេះបានស្លៀកពណ៌ទឹកដោះគោ មានម៉ូដទលាក់ដៃ ស៊ិចស៊ីបញ្ចេញសាច់ចំហៀងពោះ មានតម្លៃ ៤៥៨ ដុល្លារ នាឡិកា ២៥,០០០ដុល្លារ ខ្សែក ៤,២០០ដុល្លារ និង កងដៃ រហូតដល់ ២៧,៤០០ដុល្លារ ដែលសរុប ៥៧,០៥៨ដុល្លារ៕

សូមទស្សនារូបភាពខាងក្រោម៖