កូរ៉េខាងត្បូង៖ ថ្មីៗនេះមានពាក្យចចាមអារ៉ាមទាក់ទង នឹងតារាសម្តែង Jang Ki yong និងនារីម្នាក់ដែលមានឈ្មោះថា Son Yeon Jae ។ ទោះយ៉ាងណាភ្នាក់ងាររបស់ Jang Ki yong YG Entertainment បានច្រានចោលពាក្យចចាមអារ៉ាមមួយនេះ។ ហើយបើយោងតាមការបង្ហោះនៅលើគេហទំព័រ community sites បានឱ្យដឹងថា អ្នកទាំងពីរត្រូវបានបែកធ្លាយនូវពាក្យចចាមអារ៉ាម បន្ទាប់ពីពួកគេទាំងពីរបានបង្ហោះរូបថតសមុទ្រស្រដៀងគ្នានៅឯទីក្រុង ប៊ូសាន ក្នុងថ្ងៃតែមួយ។
យ៉ាងណាមិញបើតាការបញ្ជាក់របស់ YG Entertainment បានថ្លែងប្រាប់សារព័ត៌មានកាលពីថ្ងៃទី ២៨ ខែឧសភាឆ្នាំ ២០២១ ថា លោក Jang Ki Yong និងកញ្ញា Son Yeon Jae មិនដែលស្គាល់គ្នាទាល់តែសោះ។ ចំណែកឯរូបថតនៅក្នុងសំណួរ ដែលត្រូវបានបញ្ចូលដោយ Jang Ki Yong ត្រូវបានថតអំឡុងពេលថតរឿងភាគរបស់គាត់ដែលមានចំណងជើងថា " យើងកំពុងបែកហើយ (We Are Now Breaking Up)"។
ចំពោះកញ្ញា Son Yeon Jae នាងមិនបានផ្តល់សេចក្តីថ្លែងការណ៍អំពីពាក្យចចាមអារ៉ាមជាមួយ Jang Ki Yong នេះទេ៕