Exo ត្រឡប់មកវិញ​ធ្វើឲ្យផ្ទុះ​តារាងចម្រៀង ​iTunes នៅ​ ៨៥​ប្រទេស​ទូទាំង​ពិភពលោក

ក្រុមតារាចម្រៀងកំពូល Exo បានត្រឡប់មកវិញដែលធ្វើប្រិយមិត្តរបស់ខ្លួនមានការរំភើបនិងសប្បាយចិត្តជាពុនពេក និងមិនតែប៉ុណ្ណោះក៏បានធ្វើឲ្យផ្ទុះនូវតារាងចម្រៀង​iTunesនៅក្នុង៨៥ប្រទេសទូទាំងពិភពលោក ជាមួយនឹងបទ Don't Fight the Feelingផងដែរ បើតាមការបញ្ជាក់ពីខាងផលិតកម្មរបស់Exo។

អាល់ប៊ុមរបស់ Exo បានចេញកាលពីថ្ងៃច័ន្ទ និង បានឡើងចំណាត់ថ្នាក់លេខ១នៅប្រទេសជាច្រើនមានដូចជា សហរដ្ឋអាមេរិក ចក្រភពអង់គ្លេស បារាំង កាណាដា និងអាល្លឺមង់ យោងតាមខាងផលិតកម្មSM ជាអ្នកបញ្ជាក់។

មិនតែប៉ុណ្ណោះ ការលក់អាល់ប៊ុមតាមដីជីថល របស់  តាមរយៈប្រព័ន្ធលក់ចម្រៀងរបស់ប្រទេសចិន​ដែលមានឈ្មោះ​ថា QQ Music, Kugou Music និង Kuwo Music ដែលក្រុមបានទទួលនូវសញ្ញាប័ត្រផ្លេទីនៀមក្នុង​ការលក់​អាល់ប៊ុម​​បានរហូតដល់ទៅ ៣លាន យាន់ ស្មើនឹងUS$469,402 ក្នុងរយៈពេល ២ម៉ោង និង ១៩នាទី។

បទចម្រៀង Don't Fight the Feeling​ នេះផងដែរ ជាបទចម្រៀងដែលត្រឡប់មកវិញបន្ទាប់ពីបទ Obession របស់ Exo។ ការកម្ម៉ង់ទុក នូវអាល់ប៊ុមនេះរបស់ពួកហ្វេន បានរហូតដល់ទៅ ១,២២ លានអាល់ប៊ុមរហូតមកដល់​ពេល​នេះ ដែលបានបំបែកអេកត្តកម្មផងដែរ៕