ហេតុតែម្ដាយកូនគេ! សូម្បីថតរូប Jennie និងម្ដាយ ស្ទាយ៍មិនឲ្យចាញ់គ្នា

កម្សាន្ត៖ អ្នកលេងបណ្ដាញសង្គមកំពុងតែអស់សំណើចទៅលើរូបភាពមួយសន្លឹក ដែលហ្វេនៗរបស់ Jennie បានយករូបថតនាងដាក់ផ្ទឹមជាមួយម្ដាយនាង ហើយបង្ហោះទៅក្នុងអ៊ីនធើណែត។ អ្វីដែលគួរទាក់ទាញចំណាប់អារម្មណ៍មហាជនគឺ Jennie និងម្ដាយមានអាកប្បកិរិយាស្រដៀងគ្នា ពិតជាសាកសមជាម្ដាយកូនណាស់។​

ថ្មីៗនេះ អ្នកស្រី Kim ត្រូវបានមហាជនដែលលេងបណ្ដាញសង្គមចាប់អារម្មណ៍ជាខ្លាំង ដោយឃើញរូបមួយសន្លឹកនៅក្នុងអ៊ីនធើណែត។ នៅក្នុងនោះគេឃើញរូបដែល អ្នកស្រី Kim ពាក់វ៉ែនតាខ្មៅ ឈរអោបដៃ ដែលដូចបេះបិទទៅនឹងរូប Jennie ទាំងទឹកមុខនិងសម្លៀកបំពាក់ពណ៌ខ្មៅដូចគ្នា។

មិនត្រឹមតែប៉ុណ្ណោះទេ ហ្វេនៗរបស់ Jennie បាននិយាយថា នាងនិងម្ដាយពិតជាសមជាម្ដាយនិងកូនមែន ពីព្រោះមិនត្រឹមតែមានសម្រស់ស្រស់ស្អាតដូចគ្នានោះទេ Jennie ចូលចិត្តបញ្ចេញអាកប្បកិរិយាដូចម្ដាយរបស់នាងផងដែរ។ ជាពិសេស ពួកគេទាំងពីរពិតជាស្រលាញ់គ្នាខ្លាំងណាស់ ឲ្យតែ Jennie មានពេលទំនេរនាងតែងតែធ្វើដំណើរកម្សាន្តជាមួយម្ដាយជានិច្ច៕