មិនច្រើនឆ្នាំដូចគេ Davikah និង Ter ជាប់ជាគូស្នេហ៍ដ៏ល្បីបំផុតប្រចាំប្រទេស

ថៃ៖ ដូចដែលបានដឹងស្រាប់ហើយថា គូស្នេហ៍តារាដ៏ល្បី រវាង តារាស្ Davikah និង លោក Ter Chantavit បានក្លាយជាទីចាប់អារម្មណ៍យ៉ាងខ្លាំង ព្រោះពួកគេទាំងពីរតែងតែ បញ្ចេញនូវសកម្មភាពដ៏ល្អូកល្អើនជាច្រើន បញ្ជាក់ពីទំនាក់ទំនងស្នេហាយ៉ាងល្អ នៅលើបណ្ដាញសង្គម ។ 

ដោយឡែក កាលពីថ្មីៗនវ យោងតាមគេហទំព័រដ៏ល្បីមួយ ក៏បានប្រកាសលទ្ធផល នៃការស្ទង់មតិប្រចាំឆ្នាំពី សិល្បករថៃជាច្រើននាក់ នៅក្នុងប្រភេទតារាកម្សាន្តប្រចាំឆ្នាំ ។ ហើយជាលទ្ធផលនៃការស្ទង់មតិនេះ បានឲ្យដឹងថា គូស្នេហ៍ដ៏ល្បីពោរពេញដោយភាពស្រស់បំព្រងជាងគេ នោះគឺ តារាសម្ដែងស្រី Davikah និងមិត្តប្រុស លោក Ter Chantavit ដែលបាននាំមុខគេ ដោយទទួលបានសំឡេងគាំទ្រយ៉ាងច្រើនផងដែរ។  

គួររំឮកផងដែរថា គូស្នេហ៍តារាប្រុសស្រីមួយគូនេះ ត្រូវបានគេដឹងថា បានស្រលាញ់គ្នា បន្ទាប់ពីបានចាប់ដៃគ្នាសម្តែងរឿងក្នុងឆ្នាំ ២០១៧ ព្រមទាំងមានពាក្យចចាមអារ៉ាមរឿងទំនាក់ទំនងស្នេហា ជាបន្តបន្ទាប់ រហូតដល់ដើមឆ្នាំ ២០១៨ ទើបគូស្នេហ៍មួយគូនេះ បានបញ្ជាក់ជាផ្លូវការ ពីចំណងស្នេហ៍របស់ពួកគេទាំងពីរ៕ 

ប្រភព៖ Ngoisao.vn

សូមទស្សនារូបភាពខាងក្រោម៖