ឆ្អែតចិត្តពេក Demi Lovato បែរមកសាងស្នេហាជាមួយតារាចម្រៀងស្រីដូចគ្នាវិញ?

បរទេស៖ Demi Lovato ជាតារាចម្រៀង Pop ដ៏ល្បីល្បាញ និងជាតារាដែលជោគជ័យម្នាក់ដែលទទួលបានការស្រលាញ់គាំទ្រពីមនុស្សជុំវិញពិភពលោក ។ ប៉ុន្តែងាកមកមើលជីវិតស្នេហារបស់ Demi វិញផ្ទុយស្រឡះពីអាជីពរបស់នាង បន្ទាប់ពីបែកបាក់ជាមួយគូរដណ្ដឹង Max Ehrich មក នាងបានបើកបង្ហាញថា ខ្លួនជា non-binary និង bisexual ដែលអាចស្រលាញ់បានទាំងពីរភេទ។

យោងទៅតាម Page Six បានឲ្យដឹងថា កាលពីថ្ងៃទី២ ខែកក្កដាកន្លងទៅនេះ Demi Lovato និង Noah Cyrus ដែលជាប្អូនស្រីបង្កើតរបស់តារាចម្រៀង Miley Cyrus បានប្រទះឃើញដើរកាន់ដៃគ្នាយ៉ាងជិតស្និតនៅក្នុងកន្លែងជប់លៀងនៅឯ Magic Mountain ក្រុង Valencia, រដ្ឋ California, សហរដ្ឋអាមេរិក។ 

លើសពីនោះ Noah Cyrus ក៏ជាអ្នកចម្រៀងមួយផងដែរ ដែលនាងទើបនឹងធ្វើការសហការគ្នាជាមួយ Demi ក្នុងអាល់ប៊ុមថ្មី Dancing with the Devil ... the Art of Start Over។ ប្រភពបានបញ្ជាក់ថា តារាទាំងពីរដួងនេះមានទំនាក់ទំនងលើសពីមិត្តធម្មតា ដោយពួកគេចេញក្រៅតែពីរនាក់ ធ្វើឲ្យគេសង្ស័យថាកំពុងមានទាក់ទងគ្នាស្ងាត់ៗ។ 

ប្រភពពី៖ Zingnews