កម្សាន្ត៖ ជាការពិតណាស់ តារាសម្ដែងស្រីដែលទទួលបានចំណាប់អារម្មណ៍ខ្លាំង Song Hye Kyo បានចាប់ដៃគូសម្ដែងជាមួយតារាប្រុស Jang Ki Yong នៅក្នុងរឿងភាគកូរ៉េមួយដែលទើបបញ្ចប់ក្នុងពេលថ្មីៗនេះ។ អ្វីដែលធ្វើទស្សនិកជនចាប់អារម្មណ៍ទៅទៀតនោះគឺ តួឯកទាំងពីរនេះសមគ្នាខ្លាំង ដល់ថ្នាក់គេសង្ស័យថាកំពុងទាក់ទងគ្នា។
ជាមួយគ្នានេះដែរ គណនីរបស់ស្ថានីយទូរទស្សន៍ SBS បានបង្ហោះរូបរបស់តារាទាំងពីរ ដើម្បីជាការថ្លែងអំណរគុណដល់ទស្សនិកជនដែលតាមដានរឿងភាគនោះ។ ជាងនេះទៅទៀត មហាជនសង្កេតឃើញនៅក្នុងរូបនោះ Song Hye Kyo និង Jang Ki Yong ឈរឪបគ្នាយ៉ាងស្និតស្នាល។
មិនតែប៉ុណ្នោះ តារាសម្ដែងស្រីនេះ ក៏បានយកដៃឪបកទៅខាងប្រុសផងដែរ ហើយវាជាលើកដំបូងដែលនាងថតរូបស្និតស្នាលបែបនេះជាមួយដៃគូសម្ដែង។ គួរបញ្ជាក់ផងដែរថា មិនទាន់មានប្រភពណាបញ្ជាក់ថា ពួកគេត្រឹមជាដៃគូរួមការងារ មិនទាន់មានពួកគេមានទំនាក់ទំនងអ្វីនោះទេ៕
ប្រភព៖ toplistkdrama