Ken Theeradeth និយាយបែបនេះ ក្រោយដឹងថាត្រូវដើរតួជាមួយតារាស្រីជើងចាស់ Anne Thongprasom
June 11, 2021
ថៃ៖ នៅក្នុងកិច្ចសម្ភាសន៍មួយរបស់តារាប្រុស KenTheeradeth បានបង្ហើបថាលោកកំពុងត្រៀមខ្លួនដើម្បីសម្តែងរឿងភាគថ្មីក្រោមចំណងជើងថា «The World of theMarried» ដែលក្នុងនោះតួឯកស្រីគឺជាតារាស្រីជើងចាស់ពោរពេញដោយសមត្ថភាពខ្ពស់និងទេពកោសល្យដ៏ល្អឥតខ្ចោះគឺអ្នកនាង Anne Thongprasom។
ទន្ទឹមនឹងនោះផងដែរតួឯកប្រុសរូបនេះក៏បានបន្ថែមថា លោកពិតជាមានអារម្មណ៍រំភើបនិងសប្បាយរីករាយខ្លាំងមែនទែន បន្ទាប់ពីឮថាបានសម្តែងជាមួយរៀមច្បង Anne Thongprasomព្រោះលោកខានរួមការងារជាមួយនាងអស់រយៈពេលជាង ១០ ឆ្នាំមកហើយ។
ដោយឡែកចំពោះសាច់រឿង និងតួអង្គប្រុសស្រីផ្សេងៗទៀតនៅក្នុងភាពយន្តភាគនេះ គឺលោកនៅមិនទាន់បានដឹងច្បាស់នៅឡើយទេ ដូច្នេះមានតែរង់ចាំទស្សនានៅលើកញ្ចក់ទូរទស្សន៍ប៉ុស្តិ៍លេខ៣ ក្នុងពេលឆាប់នេះៗទាំងអស់គ្នា៕
សូមទស្សនារូបភាពខាងក្រោមនេះទាំងអស់គ្នា៖
ប្រភព៖ thaiupdate
អានបន្ថែម