អ្នកណាមិនលង់ បើគ្រាន់ធម្មតាៗសោះ សម្រស់ Zhao Lusi ដូចទេពអប្សរ

ចិន៖ ថ្វីត្បិតតែទើបប្រឡូកនៅក្នុងវិស័យសិល្បៈមិនបានយូរប៉ុន្មាន ប៉ុន្តែ ប្រជាប្រិយភាពរបស់តារាសម្ដែងស្រីវ័យក្មេង Zhao Lusi កាន់តែមានសន្ទុះខ្លាំងឡើង ព្រមទាំងទទួលបានការគាំទ្រពីទស្សនិកជនជាច្រើនចំពោះសមត្ថភាពសម្ដែងក៏ដូចជារូបសម្រស់របស់នាង ផងដែរ។

ជាពិសេស កាលពីថ្មីៗនេះ តាមរយៈប្រភពព័ត៌មានមួយ ក៏បានចែករំលែករូបថតស៊េរីថ្មីស្រឡាង របស់ តារាស្រី Zhao Lusi ជាមួយស្ទាយ៍ដ៏ទាក់ទាញ ក្រោមបរិយាកាសបែបធម្មជាតិ ដែលនៅក្នុងនោះ តារាស្រីរូបនេះ បានតុបតែងខ្លួនយ៉ាងស្រស់ស្អាត ដោយស្លៀកឈុតពណ៌ស បញ្ចេញសាច់សម៉ត់រលោងដ៏មានមន្តស្នេហ៍ បើទោះបីជាស្ទាយ៍នៃការបង្ហាញខ្លួននេះហាក់មានភាពសាមញ្ញបន្តិចក៏ដោយ។

យ៉ាងណាមិញ ចំពោះរូបភាពទាំងនេះ Zhao Lusi ក៏ទទួលបាននូវការពេញចិត្តពីហ្វេនៗ បន្ទាប់ពីបានឃើញរូបសម្រស់ដ៏ស្រស់សោភា និងធ្វើឲ្យពួកគេគយគន់មិនចេះជិនណាយ ផងដែរ៕ 

ប្រភព៖ Zingnews

សូមទស្សនារូបភាពខាងក្រោម៖