ចិន៖ បើសំដៅទៅលើសម្រស់ នៅក្នុងវិស័យកម្សាន្តចិន តារាស្រី Angelababy ត្រូវបានមហាជនជាច្រើន ចាត់ទុកជាតារាស្រីមួយរូបដែលមានសម្រស់ស្រស់ស្អាត ទាំងរូបរាង ពណ៌សម្បុរ ជាមួយនឹងការតុបតែងខ្លួនដ៏លេចធ្លោ នៅពីមុខកាមេរ៉ា ស្ទើរតែគ្រប់ពេលដែលបានបង្ហាញខ្លួន ដែលជាទីពេញចិត្តរបស់ទស្សនិកជន។
ទោះជាយ៉ាងណាក៏ដោយ តារាស្រីរូបនេះ ស្រាប់តែត្រូវបានគេលើកឡើងពី រូបថតដ៏គួរឲ្យចាប់អារម្មណ៍ ក្នុងពេលដែលមើលឃើញថា មានភាពខុសគ្នារវាង រូបពីស្ទូឌីយ៉ូដែលត្រូវបានកែសម្រួលរួច ព្រមទាំងរូបភាពពិតរបស់នាង ផ្ទាល់តែម្ដង។
មិនត្រឹមតែប៉ុណ្ណោះ តាមរយៈការបង្ហាញឡើងនៅក្នុងរូបភាពមួយ របស់ Angelababy ពិតជាមានភាពស្រស់ស្អាត ស្បែកស និងបង្ហាញពីស្នាមញញឹមដ៏ទាក់ទាញ ប៉ុន្តែជាក់ស្តែង បើក្រឡេកមើលឲ្យជិតក៏បានឃើញថា តារាស្រីរូបនេះ បានធ្វើឲ្យមើលឃើញ ពីស្រទាប់ម្សៅមិនស្មើគ្នា នៅលើដងខ្លួនរបស់នាង ទៀតផង។
លើសពីនេះ ថែមទាំងមានការលើកឡើងពី ស្បែកពិតរបស់ Angelababy ដែលមិនមែនជាប្រភេទស្បែកសស្អាតឡើយ ព្រោះតាំងពីដំបូងមក តារាស្រីរូបនេះ គឺជាតារាបង្ហាញម៉ូត ដោយនៅខណៈពេលនេះ រូបភាពរបស់នាង ហាក់មិនទាន់មានការអភិវឌ្ឍន៍ដូចបច្ចុប្បន្ននោះទេ៕
ប្រភព៖ Ngoisao.vn
សូមទស្សនារូបភាពខាងក្រោម៖