សម្រស់ដូចទេពធីតា មិនចេះចាស់របស់ Lee Young Ae ក្នុងវ័យ ៥១ឆ្នាំ ឲ្យគេឯងភ្ញាក់ផ្អើល
កម្សាន្ត ÷ បើយោងទៅលើរូបសម្រស់ នៃឧស្សាហកម្មកម្សាន្តកូរ៉េ គឺមិនអាចមិននិយាយពី Lee Young Ae បានឡើយ ដោយតារាស្រីរូបនេះតែងតែត្រូវបានកោតសរសើរ ចំពោះសម្រស់ដូចទេពធីតារបស់នាង។
ទោះជានាងមានអាយុ ៥១ឆ្នាំហើយក៏ដោយ ក៏នាងនៅតែស្រស់ស្អាតដែរ មិនតែប៉ុណ្ណោះថ្មីៗនេះ Lee Young Ae បានធ្វើឲ្យមហាជន និងអ្នកគាំទ្រសរសើរមិនដាច់ពីមាត់ជាថ្មីម្តងទៀត ពេលបង្អួតសម្រស់ដ៏ទាក់ទាញរបស់នាង ក្នុងវ័យ៥១ឆ្នាំ ដោយបានចែករំលែកវីដេអូ ដែលថតអំឡុងពេលថតស្ពតពាណិជ្ជកម្មឲ្យម៉ាកយីហោមួយ។
ស្របគ្នានោះ ត្រឹមតែវីដេអូប្រមាណជិត ១ នាទី Lee Young Ae បានធ្វើឲ្យមហាជនស្រឡាំងកាំង នឹងសម្រស់ដ៏គួរឱ្យទាក់ទាញរបស់នាង ទោះជាមានអាយុខ្ទង់៥១ឆ្នាំក៏ដោយ តារាស្រីរូបនេះនៅតែមានស្បែករលោងស្អាត គ្មានស្នាមជ្រាវជ្រួញ ហាក់ដូចជានាងមិនចាស់ទាល់តែសោះ៕
ជ្រាបច្បាស់ សូមទស្សនារូបភាពខាងក្រោម ÷
ប្រភព: Kbizoom